ទាហានអ៊ុយក្រែន ប្រើមីស៊ីលផលិតដោយអង់គ្លេស បាញ់ទម្លាក់ឧទ្ធម្ភាគចក្រតម្លៃជាង ១៤លានដុល្លាររបស់ រុស្ស៊ី

នេះគឺជាវីដេអូស្តែងៗ កងទ័ពអ៊ុយក្រែន បាញ់ទម្លាក់ឧទ្ធម្ភាគចក្ររុស្ស៊ីដែលមានបច្ចេកវិទ្យាខ្ពស់តម្លៃ១៤ ៧៣៩ ៧២០លានដុល្លារអាមេរិក ដោយប្រើមីស៊ីលបាញ់ពីដីទៅអាកាសដែលផលិតដោយចក្រភពអង់គ្លេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទាហានមកពីកងពលតូចទ័ពអាកាសទី ៩៥ របស់អ៊ុយក្រែន ដែលមានមូលដ្ឋាននៅទីក្រុង Zhytomyr ភាគពាយព្យ បានប្រើមីស៊ីល Martlet ឬត្រូវបានគេស្គាល់នៅចក្រភពអង់គ្លេសថា Starstreak ដើម្បីវាយប្រហារឧទ្ធម្ភាគចក្រធុន Kamov KA-52 របស់រុស្ស៊ី។

ឧទ្ធម្ភាគចក្រ មួយកៅអីរបស់រុស្ស៊ី ត្រូវបានគេដាក់ឈ្មោះហៅក្រៅថា Black Shark ហើយត្រូវគេពិពណ៌នាថាជា “ឧទ្ធម្ភាគចក្រសាហាវបំផុត” របស់រុស្ស៊ី ដោយសារតែប្រព័ន្ធគ្រប់គ្រងសមរភូមិរបស់វា អនុញ្ញាតឲ្យវាចែករំលែកទិន្នន័យជាមួយយន្តហោះផ្សេងទៀត ដើម្បីសម្របសម្រួលប្រតិបត្តិការវាយប្រហារ។

ថ្វីបើតម្លៃរបស់វាជាង ១៤លានដុល្លារក៏ដោយ ក៏ប៉ុន្តែវាមិនអាចគេចផុតពីមីស៊ីលដែលបាញ់ដោយអ៊ុយក្រែនបានទេ ខណៈមីស៊ីលប្រើពេលត្រឹមតែ៣០វិនាទីប៉ុណ្ណោះ ហោះទៅចំឧទ្ធម្ភាគចក្រ។

ទោះបីជាវីដេអូនេះមិនបង្ហាញពីឧទ្ធម្ភាគចក្រខូចខាតក៏ដោយ ប៉ុន្តែប្រភពការពារជាតិអ៊ុយក្រែនអះអាងថា ឧទ្ធម្ភាគចក្រត្រូវបានបាញ់ទម្លាក់។

គួរបញ្ជាក់ថា មីស៊ីល Martlet គឺជាអាវុធធុនស្រាលបាញ់ពីដីទៅអាកាស ដែលត្រូវបានបង្កើតឡើងសម្រាប់ចក្រភពអង់គ្លេសដោយក្រុមហ៊ុន Thales Air Defence។

ចង់ដឹងយ៉ាងណា តោះទៅទស្សនាវីដេអូទាំងអស់គ្នា!

ប្រែសម្រួល៖ Vann Vann

ប្រភព៖ Daily Mail

ចុចអាន៖ រុស្ស៊ី គំរាម ផ្ទុះសង្គ្រាមលោកលើកទី៣ បើណាតូ ហ៊ានតែធ្វើរឿងម្យ៉ាង