រុស្ស៊ី គំរាម ផ្ទុះសង្គ្រាមលោកលើកទី៣ បើណាតូ ហ៊ានតែធ្វើរឿងម្យ៉ាង

ការទន្ទ្រានចូលឧបទ្វីបគ្រីមៀ ដោយរដ្ឋជាសមាជិកណាតូ អាចស្មើនឹងការប្រកាសសង្គ្រាមលើប្រទេសរុស្ស៊ីដែលអាចនាំឲ្យមាន “សង្គ្រាមលោកលើកទីបី”។ នេះបើតាមការអះអាងពីអតីតប្រធានាធិបតីរុស្ស៊ីលោក Dmitry Medvedev កាលពីថ្ងៃចន្ទទី២៧ខែមិថុនា។

លោក Medvedev បានប្រាប់គេហទំព័រព័ត៌មាន Argumenty i Fakty ថា “សម្រាប់ពួកយើង គ្រីមៀ គឺជាផ្នែកមួយនៃប្រទេសរុស្ស៊ី។ ហើយវាមានន័យបែបនេះជារៀងរហូត។ ការប៉ុនប៉ងណាមួយដើម្បីទន្ទ្រានចូលតំបន់ គ្រីមៀ គឺជាការប្រកាសសង្រ្គាមប្រឆាំងនឹងប្រទេសរបស់យើង”។

ហើយប្រសិនបើរឿងនេះ ត្រូវបានធ្វើដោយរដ្ឋសមាជិកណាតូមែននោះ នេះមានន័យថា ជាជម្លោះជាមួយសម្ព័ន្ធមិត្តអាត្លង់ទិកខាងជើងទាំងមូល សង្គ្រាមលោកលើកទីបីនឹងផ្ទុះឡើង។ នឹងមានមហន្តរាយពេញលេញ។

ស្របពេលជាមួយគ្នានោះ លោក Medvedev ដែលបច្ចុប្បន្នជាអនុប្រធានក្រុមប្រឹក្សាសន្តិសុខរបស់រុស្ស៊ី ក៏បាននិយាយផងដែរថា ប្រសិនបើប្រទេសហ្វាំងឡង់ និងស៊ុយអែត ចូលរួមជាមួយអង្គការណាតូ រុស្ស៊ីនឹងពង្រឹងព្រំដែនរបស់ខ្លួន ហើយនឹងត្រៀមខ្លួនសម្រាប់វិធានការសងសឹក៕

ប្រែសម្រួល៖ Vann Vann

ប្រភព៖ NDTV

ចុចអាន៖ លើកដំបូងហើយ! អ៊ុយក្រែន ប្រើរ៉ុកកែតផ្តល់ដោយអាមេរិក បាញ់សម្លាប់កងទ័ពរុស្ស៊ី រាប់សិបនាក់