ព័ត៌មានអន្ដរជាតិ
EU នឹងផ្តោតលើ មាស របស់រុស្ស៊ី ក្នុងកញ្ចប់ទណ្ឌកម្មថ្មី
សហភាពអឺរ៉ុប (EU) នឹងកំណត់គោលដៅ លើការនាំចេញ មាស របស់រុស្ស៊ី នៅក្នុងកញ្ចប់ទណ្ឌកម្មថ្មីរបស់ខ្លួន ចំពេលសង្រ្គាមនៅអ៊ុយក្រែន កំពុងតែបន្ត។
រហូតមកដល់ពេលនេះ EU បានអនុម័តកញ្ចប់ទណ្ឌកម្មចំនួន៦ លើប្រទេសរុស្ស៊ី ខណៈកញ្ចប់ចុងក្រោយគឺអនុម័តកាលពីខែមិថុនា ដែលដាក់បម្រាមលើការនាំចូលប្រេងរុស្ស៊ីភាគច្រើន។
ប្រធានគណៈកម្មការ EU លោកស្រី Ursula von der Leyen បាននិយាយនៅក្នុងសេចក្តីថ្លែងការណ៍មួយកាលពីថ្ងៃសុក្រទី១៥ខែកក្កដាថា “សង្រ្គាមដ៏ឃោរឃៅរបស់រុស្ស៊ី ប្រឆាំងនឹងអ៊ុយក្រែន នៅតែបន្តមិនឈប់។ ដូច្នេះហើយ យើងកំពុងស្នើសុំនៅថ្ងៃនេះ ដើម្បីរឹតបន្តឹងការដាក់ទណ្ឌកម្មរបស់ EU ប្រឆាំងនឹងវិមានក្រឹមឡាំង អនុវត្តឲ្យកាន់តែមានប្រសិទ្ធភាព និងបន្តរហូតដល់ខែមករាឆ្នាំ២០២៣”។
ចំណាត់ការលើការនាំចេញមាសនេះ គឺជាការបំពេញដល់សេចក្តីសម្រេចដែលបានព្រមព្រៀងដោយប្រទេសឧស្សាហកម្មបំផុតរបស់ពិភពលោកនៅឯកិច្ចប្រជុំ G7 កាលពីចុងខែមិថុនា ដែលសមាជិក EU ដូចជាអាល្លឺម៉ង់ បារាំង និងអ៊ីតាលីបានចូលរួម។ សហរដ្ឋអាមេរិក ចក្រភពអង់គ្លេស កាណាដា និងជប៉ុន បានដាក់បម្រាមនេះរួចទៅហើយ។
សំណើរបស់គណៈកម្មាការនេះ ត្រូវលើកយកទៅពិភាក្សានៅក្នុងកិច្ចប្រជុំរបស់រដ្ឋមន្ត្រីការបរទេស EU នៅថ្ងៃចន្ទសប្តាហ៍ក្រោយ។
គួរបញ្ជាក់ថា ការដាក់ទណ្ឌកម្មចំនួន៦លើកមុន បានកំណត់គោលដៅលើសេដ្ឋកិច្ចរបស់រុស្ស៊ី ប្រព័ន្ធហិរញ្ញវត្ថុ ធនាគារកណ្តាល មន្ត្រីរដ្ឋាភិបាលកំពូល ព្រមទាំងប្រធានាធិបតីរុស្ស៊ី លោក Vladimir Putin និងមន្ត្រីក្នុងរដ្ឋាភិបាលរបស់លោកផងដែរ។
យ៉ាងណាក្តី វិធានការដាក់ទណ្ឌកម្មមួយចំនួន ទើបតែចាប់ផ្តើមចូលជាធរមានកាលពីខែមុនប៉ុណ្ណោះ បន្ទាប់ពីរយៈពេលអន្តរកាល៕
ប្រែសម្រួល៖ Vann Vann
ប្រភព៖ Al Jazeera
ចុចអាន៖ ប្រធានាធិបតីប្រេស៊ីល និយាយថា មានផែនការបញ្ចប់ជម្លោះ រុស្ស៊ី-អ៊ុយក្រែន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត