ព័ត៌មានអន្ដរជាតិ
លោក Zelensky ប្រាប់ឲ្យមន្ត្រី ឈប់និយាយអំពីយុទ្ធសាស្ត្រយោធារបស់ អ៊ុយក្រែន ជាមួយអ្នកសារព័ត៌មាន
ប្រធានាធិបតីអ៊ុយក្រែនលោក Volodymyr Zelensky កាលពីថ្ងៃព្រហស្បតិ៍ទី១១ខែសីហា បានប្រាប់មន្ត្រីរដ្ឋាភិបាល ឲ្យឈប់និយាយជាមួយអ្នកសារព័ត៌មានអំពីយុទ្ធសាស្ត្រយោធារបស់ទីក្រុង កៀវ ប្រឆាំងនឹងរុស្ស៊ី ដោយលោកអះអាងថា ការកត់សម្គាល់បែបនេះគឺជា ភាពគ្មានទំនួលខុសត្រូវ។
បន្ទាប់ពីការបំផ្ទុះដ៏ធំ ដែលបានបំផ្លិចបំផ្លាញមូលដ្ឋានទ័ពអាកាសរុស្ស៊ីនៅតំបន់ Crimea កាលពីថ្ងៃអង្គារ, កាសែត New York Times និង Washington Post បានដកស្រង់សម្តីមន្ត្រីមិនបញ្ចេញអត្តសញ្ញាណដោយនិយាយថា កងកម្លាំងអ៊ុយក្រែនគឺជាអ្នកទទួលខុសត្រូវ ផ្ទុយទៅវិញ រដ្ឋាភិបាលក្នុងទីក្រុង កៀវ បានបដិសេធបញ្ជាក់ថាតើ ខ្លួនជាអ្នកនៅពីក្រោយការផ្ទុះនោះមែនឬក៏អត់។
លោក Zelensky បាននិយាយនៅក្នុងសុន្ទរកថាពេលល្ងាចថា “សង្គ្រាមមិនមែនជាពេលវេលាដើម្បីអួតអាង និងការនិយាយខ្លាំងៗនោះទេ។ បើអ្នកបង្ហាញព័ត៌មានលម្អិតកាន់តែតិចនៃផែនការការពាររបស់អ្នក នោះអ្នកនឹងអាចអនុវត្តផែនការទាំងនោះបាន កាន់តែប្រសើរ”។
លោកបន្តថា “ប្រសិនបើអ្នកចង់ឲ្យគេចាប់អារម្មណ៍ នោះជារឿងមួយ។ វាជាភាពគ្មានទំនួលខុសត្រូវទាល់តែសោះ។ ប្រសិនបើអ្នកចង់យកជ័យជម្នះឲ្យអ៊ុយក្រែន នោះគឺជារឿងមួយផ្សេង ហើយអ្នកគួរតែដឹងពីការទទួលខុសត្រូវរបស់អ្នកចំពោះរាល់ពាក្យដែលអ្នកនិយាយអំពីផែនការរដ្ឋរបស់យើងសម្រាប់ការពារ ឬការវាយប្រហារតបត”៕
ប្រែសម្រួល៖ Vann Vann
ប្រភព៖ NDTV
ចុចអាន៖ រុស្ស៊ី ព្រមានថា ពិភពលោក កំពុងស្ថិតនៅមាត់ជ្រោះ នៃគ្រោះមហន្តរាយនុយក្លេអ៊ែរដ៏ធំ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង