ស្ត្រី ​ដែល​ចោទ Ronaldo ពី​បទ​រំលោភ​សេពសន្ថវៈ ប្តឹង​ឧទ្ធរណ៍​បន្ថែមក្រោយតុលាការ​ច្រានចោល

ស្ត្រីម្នាក់ដែលអះអាងថា នាងត្រូវបានកីឡាករបាល់ទាត់ Cristiano Ronaldo ចាប់រំលោភកំពុងប្តឹងឧទ្ធរណ៍ ប៉ុន្តែត្រូវការតុលាការសម្រេចច្រានចោលករណីនេះ។

តារាម៉ូដែល Kathryn Mayorga កំពុងតស៊ូដើម្បីរក្សាការទាមទារទឹកប្រាក់ ចំនួន៥៤លានផោនរបស់នាងប្រឆាំង​នឹងតារាឆ្នើមរបស់ Man United។

នាងបានចោទប្រកាន់ថា Ronaldo បានរំលោភនាង នៅក្នុងបន្ទប់សណ្ឋាគារ Las Vegas ក្នុងឆ្នាំ២០០៩ ហើយបានទទួលយក ២៧៥,០០០ផោន សម្រាប់កិច្ចព្រមព្រៀងស្ងាត់ស្ងៀមនៅពេលនោះ។ ក្រុមអ្នកច្បាប់របស់លោកស្រី Mayorga បានបន្តសំណុំរឿងនេះឡើងវិញ នៅពេលដែលពួកគេបានអះអាងថា នាងបានចុះហត្ថលេខាលើកិច្ចព្រមព្រៀងក្រោមការគំរាមកំហែង។

សំណុំរឿងរបស់នាង ត្រូវបានច្រានចោលកាលពីខែមិថុនា នៅពេលដែលចៅក្រមបានថ្កោលទោសមេធាវីរបស់នាង ចំពោះការពឹងផ្អែកលើឯកសារបែកធ្លាយដែលនាងបានប្រគល់ឱ្យសមត្ថកិច្ច ចេញពីវិបសាយកីឡាមានឈ្មោះថា Football Leaks។ ប៉ុន្តែអតីតគ្រូបង្រៀនរូបនេះ បានប្តឹងឧទ្ធរណ៍ចំពោះការសម្រេចចិត្តរបស់តុលាការ។

សំណុំរឿងនេះនឹងត្រូវបើកសវនាការជាលើកដំបូងដោយក្រុមអ្នកសម្រុះសម្រួល នៅថ្ងៃអង្គារ ក្នុងសវនាការតាម​ទូរស័ព្ទរយៈពេលមួយម៉ោង។ ជាមួយគ្នានេះ ប៉ូលីស Las Vegas កំពុងដាក់ញត្តិទៅតុលាការសម្រាប់ឯកសារ​ស៊ើបអង្កេតរបស់ពួកគេ ដើម្បីប្រគល់ទៅឱ្យសារព័ត៌មាន។

ដោយឡែក Ronaldo តែងតែបដិសេធរាល់ការប្រព្រឹត្តខុស ហើយថា សាទំនាក់ទំនងរបស់ខ្លួនជាមួយនឹងនាង Mayorga គឺជាការយល់ព្រម៕

ប្រភព៖ thesun.co.uk

អត្ថបទ៖ មន្នីរ័ត្ន