Connect with us

ព័ត៌មានអន្ដរជាតិ

ចិន បិទកំពង់ផែ សាលារៀន និងជម្លៀសមនុស្សជាង១ម៉ឺននាក់ ដោយសារព្យុះទីហ្វុង Muifa (មានវីដេអូ)

បានផុស

នៅ

អាជ្ញាធរនៅក្នុងប្រទេសចិន បានបញ្ជាឲ្យកប៉ាល់វិលត្រលប់ចូលកំពង់ផែវិញ ហើយបានបិទសាលារៀន និងជម្លៀសអ្នកទេសចរចេញពីកោះឆ្នេរសមុទ្រ ខណៈព្យុះទីហ្វុងដ៏ខ្លាំងបំផុតមួយនៅឆ្នាំនេះ នឹងវាយប្រហារខេត្តភាគខាងកើត Zhejiang។

ព្យុះ Muifa បានបង្កើនឥទ្ធិពលក្លាយទៅជាព្យុះទីហ្វុងដ៏ខ្លាំងក្លាមួយកាលពីថ្ងៃអង្គារទី១៣ខែកញ្ញា នៅពេលវាបក់បោកឆ្ពោះទៅឆ្នេរសមុទ្ររបស់ប្រទេសចិន និងទីក្រុងកំពង់ផែសំខាន់ៗដូចជា Ningbo និង Zhoushan។

យោងតាមប្រព័ន្ធផ្សព្វផ្សាយរដ្ឋ, ព្យុះនេះត្រូវបានគេរំពឹងថា នឹងបង្កឲ្យមានការបាក់ដីនៅថ្ងៃពុធ ហើយការព្រមានអំពីព្យុះទីហ្វុងរបស់ចិន ត្រូវបានដំឡើងទៅពណ៌ទឹកក្រូច ដែលជាកម្រិតខ្ពស់បំផុតលំដាប់ទីពីរ នៅលើប្រព័ន្ធព្រមានអាកាសធាតុដែលមានបួនកម្រិត។

រដ្ឋបាលឧតុនិយមចិន (CMA) បាននិយាយកាលពីថ្ងៃអង្គារថា “នៅក្រោមស្ថានភាពអាសន្ននេះ វាទាមទារឲ្យនាយកដ្ឋានឧតុនិយមពាក់ព័ន្ធ និងនាយកដ្ឋានឧតុនិយមតំបន់ដូចជា Zhejiang, Shanghai, Jiangsu និង Shandong ចេញការព្រមានជាបន្ទាន់”។

ស្របពេលជាមួយគ្នានោះ ទីភ្នាក់ងារព័ត៌មាន Xinhua បានរាយការណ៍ថា ព្យុះទីហ្វុង Muifa នឹងនាំមកនូវភ្លៀងធ្លាក់ខ្លាំង នៅពេលវាបោកបក់កាត់តំបន់ឆ្នេរភាគខាងកើត និងភាគខាងត្បូង រួមទាំងមជ្ឈមណ្ឌលពាណិជ្ជកម្មនៃទីក្រុងសៀងហៃផងដែរ។

ទីក្រុងសៀងហៃ ដែលជាកំពង់ផែកុងតឺន័រដ៏មមាញឹកបំផុតរបស់ប្រទេសចិន នឹងមានទឹករលកកម្ពស់រហូតដល់ទៅ ប្រាំម៉ែត្រ។

សៀងហៃ បានផ្អាកប្រតិបត្តិការមួយចំនួននៃកំពង់ផែរបស់ខ្លួន ចាប់តាំងពីល្ងាចថ្ងៃអង្គារមក និងផ្អាកប្រតិបត្តិការទាំងអស់នៅព្រឹកថ្ងៃពុធនេះ។

មនុស្សប្រហែល ១៣០០០នាក់មកពីកោះ និងកន្លែងទេសចរណ៍ដែលស្ថិតនៅចំផ្លូវរបស់ព្យុះទីហ្វុងនេះ ត្រូវបានជម្លៀសចេញ។

កប៉ាល់ពាណិជ្ជកម្មជិត ៧៤០០គ្រឿង បានចូលកំពង់ផែ ហើយអាជ្ញាធរនៅទីក្រុង Ningbo, Zhoushan និង Taizhou បានបញ្ជាឲ្យសាលារៀននៅថ្ងៃពុធនេះ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Al Jazeera

ចុចអាន៖ ម៉ាឡេស៊ី ប្រាប់មន្ត្រីគ្រប់លំដាប់ថ្នាក់ ឲ្យត្រៀមទប់ទល់នឹងភ្លៀងធ្លាក់ខ្លាំង បង្កជាទឹកជំនន់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម