ព័ត៌មានអន្ដរជាតិ
កូរ៉េខាងជើង បាញ់មីស៊ីល ពីរថ្ងៃជាប់គ្នា ចំពេលអនុប្រធានាធិបតីអាមេរិក ធ្វើទស្សនកិច្ច កូរ៉េខាងត្បូង (មានវីដេអូ)
ប្រទេសកូរ៉េខាងជើង បានបាញ់មីស៊ីលរយៈចម្ងាយខ្លីចំនួនពីរគ្រាប់ ក្នុងរយៈពេលពីរថ្ងៃជាប់គ្នា ដែលនេះអាចជាការបង្ហាញ ការតវ៉ាប្រឆាំងនឹងអនុប្រធានាធិបតីអាមេរិក លោកស្រី Kamala Harris ដែលបានរិះគន់កូរ៉េខាងជើងយ៉ាងខ្លាំង ក្នុងអំឡុងដំណើរទស្សនកិច្ចរបស់លោកស្រីទៅកាន់ប្រទេសកូរ៉េខាងត្បូង។
អគ្គសេនាធិការចម្រុះរបស់កូរ៉េខាងត្បូងបានប្រកាសថា កូរ៉េខាងជើង បានបាញ់មីស៊ីលផ្លោងចំនួនពីរគ្រាប់ចេញពីតំបន់ Sunchon ក្នុងខេត្ត South Phyongang កាលពីយប់ថ្ងៃព្រហស្បតិ៍។
មីស៊ីលនេះ ធ្វើដំណើរបានចម្ងាយប្រហែល ៣៥០ គីឡូម៉ែត្រ និងឈានដល់រយៈកម្ពស់ប្រហែល ៥០ គីឡូម៉ែត្រ ជាមួយល្បឿនលឿនជាងសំឡេង ៥ដង។
គួររម្លឹកឡើងវិញថា កូរ៉េខាងជើង បានបាញ់មីស៊ីលផ្លោងរយៈចម្ងាយខ្លីចំនួនពីរគ្រាប់ ដែលទីក្រុងព្យុងយ៉ាងហៅថាជា “គ្រាប់រ៉ុកកែតដ៏អស្ចារ្យ” ចេញពីតំបន់ Sunchon ក្នុងឆ្នាំ ២០១៩។
ទីភ្នាក់ងារសារព័ត៌មានយ៉ុនហាប់របស់កូរ៉េខាងត្បូងបានរាយការណ៍ថា បើគិតពីរយៈចម្ងាយធ្វើដំណើរ និងរយៈកម្ពស់, មីស៊ីលដែលបាញ់កាលពីថ្ងៃព្រហស្បតិ៍នេះ អាចជាប្រភេទដូចគ្នាទៅនឹងមីស៊ីលដែលកូរ៉េខាងជើងបាញ់ក្នុងឆ្នាំ២០១៩ដែរ។
កូរ៉េខាងជើងបានបាញ់មីស៊ីលចំនួន២១លើករួចទៅហើយនៅក្នុងឆ្នាំនេះ។
ការបាញ់បង្ហោះចុងក្រោយនេះ កើតឡើងបន្ទាប់ពីលោកស្រី Harris ទៅបំពេញទស្សនកិច្ចនៅប្រទេសកូរ៉េខាងត្បូងកាលពីថ្ងៃព្រហស្បតិ៍ និងបានត្រួតពិនិត្យតំបន់គ្មានយោធា ដែលបែងចែកកូរ៉េទាំងពីរ។
ក្រោយមកលោកស្រីនិយាយថា “នៅកូរ៉េខាងជើង យើងបានមើលឃើញរបបផ្តាច់ការដ៏ឃោរឃៅ ការរំលោភសិទ្ធិមនុស្សទ្រង់ទ្រាយធំ និងកម្មវិធីអាវុធខុសច្បាប់ ដែលគំរាមកំហែងដល់សន្តិភាព និងស្ថិរភាព”៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ NHK
ចុចអាន៖ អនុប្រធានាធិបតីអាមេរិក ទៅដល់កូរ៉េខាងត្បូង ក្រោយកូរ៉េខាងជើង បាញ់មីស៊ីលបានមួយថ្ងៃ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង