ព័ត៌មានអន្ដរជាតិ
កូរ៉េខាងត្បូង និងអាមេរិក ធ្វើសមយុទ្ធទប់អាវុធនុយក្លេអ៊ែរ និងមីស៊ីលរបស់ កូរ៉េខាងជើង
អគ្គសេនាធិការចម្រុះរបស់កូរ៉េខាងត្បូងបាននិយាយថា សមយុទ្ធយោធារវាងកូរ៉េខាងត្បូង និងអាមេរិកត្រូវបានរៀបចំឡើងដើម្បីឆ្លើយតបទៅនឹងការគំរាមកំហែងដ៏មានសក្តានុពលជាច្រើន រួមទាំងការបង្កឡើងដោយអាវុធនុយក្លេអ៊ែរ និងមីស៊ីលរបស់កូរ៉េខាងជើង ។
យោធាកូរ៉េខាងត្បូង និងសហរដ្ឋអាមេរិកក៏កំពុងប្រុងជើងការចំពោះប្រតិកម្មណាមួយដែលអាចកើតមានពីកូរ៉េខាងជើង លើសមយុទ្ធយោធារវាងទីក្រុងសេអ៊ូល និងទីក្រុងវ៉ាស៊ីនតោនដែលចាប់ផ្ដើមនៅថ្ងៃចន្ទនេះ ហើយគ្រោងនឹងបញ្ចប់នៅថ្ងៃទី ២៨ ខែតុលា ។
នាយសេនាធិការចម្រុះក៏និយាយផងដែរថា ទាហានអាមេរិកដែលឈរជើងនៅក្នុងប្រទេសកូរ៉េខាងត្បូងនឹងចូលរួមក្នុងសមយុទ្ធមួយចំនួនដើម្បីបង្កើនសមត្ថភាពប្រតិបត្តិការទៅវិញទៅមក ។
កាលពីថ្ងៃសុក្រ ប្រទេសកូរ៉េខាងជើងបានបាញ់មីស៊ីលផ្លោងរយៈចម្ងាយខ្លីពីជាយក្រុងព្យុងយ៉ាង និងកាំភ្លើងធំប្រហែល ៩០ គ្រាប់ពីខេត្ត Kangwon ភាគអាគ្នេយ៍ឆ្ពោះទៅសមុទ្រជប៉ុន ហើយក៏បានបាញ់កាំភ្លើងធំប្រហែល ៣០០ គ្រាប់ចេញពីខេត្ត South Hwanghae ភាគនិរតីឆ្ពោះទៅសមុទ្រលឿង ខណៈកូរ៉េខាងជើងបានហៅវិធានការនេះថាជាការព្រមាន ដល់កូរ៉េខាងត្បូងក្នុងការឆ្លើយតបនឹងការបាញ់កាំភ្លើងធំរបស់កូរ៉េខាងត្បូង ។
ប្រទេសទាំងពីរបានព្រមព្រៀងគ្នាក្នុងឆ្នាំ ២០១៨ ស្ដីពីការមិនបាញ់គ្រាប់កាំភ្លើងធំចូលទៅក្នុងតំបន់ការពារដែនសមុទ្រ ដែលបម្រើជាព្រំដែនសមុទ្រអន្តរកូរ៉េ ខណៈកូរ៉េខាងត្បូងបាននិយាយថា គ្រាប់កាំភ្លើងធំដែលបានបាញ់ដោយកូរ៉េខាងជើងកាលពីថ្ងៃសុក្របានធ្លាក់ចូលទៅក្នុងដែនទឹករបស់ភាគីកូរ៉េខាងជើង ។
ទន្ទឹមនោះ រដ្ឋមន្ត្រីការពារជាតិកូរ៉េខាងត្បូង លោក Lee Jong-sup បានព្រមានកាលពីថ្ងៃអាទិត្យថា ការបាញ់ផ្លោងរបស់កូរ៉េខាងជើងអាចជាការចាប់ផ្តើមនៃការបង្កហេតុ ផ្អែកលើសេណារីយ៉ូដែលបានរៀបចំទុកជាស្រេច ហើយកូរ៉េខាងត្បូងក៏នឹងឈរយ៉ាងម៉ឺងម៉ាត់ប្រឆាំងនឹងការបង្កហេតុណាមួយរបស់កូរ៉េខាងជើងផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ មិនខ្វល់រឿងដាក់ទណ្ឌកម្ម, កូរ៉េខាងជើង បន្តបាញ់កាំភ្លើងធំ និងយន្តហោះចម្បាំង ក្បែរព្រំដែន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង