Connect with us

ព័ត៌មានអន្ដរជាតិ

ស្លាប់កើនដល់ ៧២នាក់ ដោយសារព្យុះត្រូពិក Nalgae នៅ ហ្វីលីពីន

បានផុស

នៅ

គិតត្រឹមថ្ងៃសៅរ៍ទី២៩ខែតុលានេះ ប្រទេសហ្វីលីពីន បានកត់ត្រាអ្នកស្លាប់ចំនួន ៧២ នាក់ដោយសារព្យុះត្រូពិក Nalgae ដែលបណ្តាលឲ្យមានទឹកជំនន់ និងការរអិលបាក់ដីនៅក្នុងខេត្តភាគខាងត្បូង។

Maguindanao គឺជាខេត្តដែលរងផលប៉ះពាល់ខ្លាំងជាងគេបំផុត ដោយមានមនុស្សស្លាប់ចំនួន ៦៧នាក់។ នេះបើយោងតាមអ្នកនាំពាក្យទីភ្នាក់ងារគ្រប់គ្រងគ្រោះមហន្តរាយ លោក Bernardo Rafaelito Alejandro។ លោក​បន្ត​ថា ក៏មាន​អ្នក​រង​របួស​៣៣​នាក់ និង​បាត់​ខ្លួន​១៤​នាក់​ផង​ដែរ។

ព្យុះត្រូពិក ដែលមានកម្លាំងខ្យល់អតិបរមា ៩៥គីឡូម៉ែត្រក្នុងមួយម៉ោង និងខ្យល់កន្ត្រាក់រហូតដល់១៦០គីឡូម៉ែត្រក្នុងមួយម៉ោង បានបង្កឲ្យមានការបាក់ដីក្នុងខេត្ត Catanduanes ភាគខាងកើតនៅព្រឹកថ្ងៃសៅរ៍។

ទីភ្នាក់ងារអាកាសធាតុរដ្ឋបាននិយាយនៅក្នុងព្រឹត្តិបត្រចុងក្រោយបង្អស់របស់ខ្លួនថា ព្យុះ Nalgae នឹងនាំមកនូវភ្លៀងធ្លាក់ខ្លាំង នៅពាសពេញតំបន់រដ្ឋធានី និងខេត្តក្បែរៗនោះនៅថ្ងៃសៅរ៍ ខណៈព្យុះនេះឆ្លងកាត់កោះ Luzon ហើយឆ្ពោះទៅសមុទ្រចិនខាងត្បូង។

គួរបញ្ជាក់ថា ជាមធ្យម មានព្យុះត្រូពិកប្រហែល២០ បានវាយប្រហារប្រទេសហ្វីលីពីនជារៀងរាល់ឆ្នាំ៕

ប្រែសម្រួល៖ Vann Vann

ប្រភព៖ CNA

ចុចអាន៖ ព្យុះត្រូពិក Nalgae សម្លាប់មនុស្ស ១៣នាក់ នៅហ្វីលីពីន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម