ព័ត៌មានអន្ដរជាតិ
ដកទ័ពពិតមែន តែវិមានក្រឹមឡាំងអះអាងថា តំបន់ Kherson នៅតែជាផ្នែករបស់ប្រទេសរុស្ស៊ី
ទីក្រុងមូស្គូបានទទូចកាលពីថ្ងៃសុក្រទី១១ខែវិច្ឆិកាថា ការដកកងកម្លាំងរុស្ស៊ីចេញពីតំបន់ Kherson មិនប៉ះពាល់ដល់ស្ថានភាពផ្លូវច្បាប់នៃតំបន់នោះទេ ដោយសារតែវាត្រូវបានកាត់បញ្ចូលជាផ្លូវការទៅក្នុងប្រទេសរុស្ស៊ីរួចទៅហើយកាលពីខែមុន បន្ទាប់ពីការធ្វើប្រជាមតិជាសាធារណៈ។
ថ្លែងទៅកាន់អ្នកសារព័ត៌មាន អ្នកនាំពាក្យវិមានក្រឹមឡាំង លោក Dmitry Peskov បាននិយាយថា “តំបន់ Kherson នៅតែជាផ្នែកមួយនៃសហព័ន្ធរុស្ស៊ី ហើយស្ថានភាពនេះ ត្រូវបានជួសជុល និងកំណត់ដោយស្របច្បាប់។ មិនអាចមានការផ្លាស់ប្តូរចំពោះស្ថានភាពនេះទេ”។
ការអត្ថាធិប្បាយរបស់លោកធ្វើឡើង បន្ទាប់ពីក្រសួងការពារជាតិបានប្រកាសថា កងកម្លាំងរុស្ស៊ីបានដកទ័ពចេញទាំងស្រុងនៅច្រាំងខាងឆ្វេងនៃទន្លេ Dnieper កាលពីថ្ងៃសុក្រ ដោយមិនមានបាត់បង់ទាហាន អាវុធ ឬយានយន្តអ្វីឡើយ។
ក្រសួងក៏បានកត់សម្គាល់ផងដែរថា អ្នកស្រុកទាំងអស់ដែលមានបំណងចាកចេញ ក៏ត្រូវបានផ្តល់ជំនួយ និងធ្វើដំណើរឆ្លងកាត់ទន្លេដោយសុវត្ថិភាពផងដែរ ថ្វីបើកងកម្លាំងរបស់ទីក្រុង កៀវ ប៉ុនប៉ងបាញ់កាំភ្លើងធំដើម្បីរំខានដល់ចលនារបស់ជនស៊ីវិលក៏ដោយ។
តំបន់ Kherson បានក្លាយជាផ្នែកមួយនៃប្រទេសរុស្ស៊ីជាផ្លូវការកាលពីខែមុន រួមជាមួយនឹងសាធារណរដ្ឋប្រជាមានិត Donetsk និង Lugansk ព្រមទាំងតំបន់ Zaporozhye ផងដែរ បន្ទាប់ពីការធ្វើប្រជាមតិ។ ទីក្រុងកៀវ បានហៅការបោះឆ្នោតនេះថាជាការបោកប្រាស់ ហើយបានសន្យាបន្តការប្រយុទ្ធរហូតដល់ដណ្តើមបានគ្រប់ទឹកដីរបស់អ៊ុយក្រែនមកវិញ៕
ប្រែសម្រួល៖ Vann Vann
ប្រភព៖ RT
ចុចអាន៖ អ៊ុយក្រែន រំដោះបានតំបន់ជាង ៤០ទៀត
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង