Connect with us

ព័ត៌មានអន្ដរជាតិ

ឥណ្ឌូណេស៊ី ចេញការព្រមានអំពីរលកយក្សស៊ូណាមិ និងជម្លៀសប្រជាជន ក្រោយរញ្ជួយដីខ្លាំងក្លា

បានផុស

នៅ

ប្រទេសឥណ្ឌូណេស៊ី បានចេញការព្រមានអំពីរលកយក្សស៊ូណាមិ រយៈពេលជិតបីម៉ោងបន្ទាប់ពីការរញ្ជួយដីកម្រិត ៧.៦ រ៉ិចទ័រ វាយប្រហារកោះ Tanimbar មុនម៉ោង៣ទៀបភ្លឺ ថ្ងៃអង្គារទី១០ខែមករានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីភ្នាក់ងារភូគព្ភសាស្ត្រ BMKG របស់ប្រទេស បានប្រកាសថា ការរញ្ជួយដីដ៏ខ្លាំងនេះ មានជម្រៅ ៩៥គីឡូម៉ែត្រ ហើយអាជ្ញាធរបានជម្លៀសប្រជាជន។

ពេលនេះ មន្ត្រីអ្នកនាំពាក្យទីភ្នាក់ងារគ្រោះមហន្តរាយ BNPB របស់ប្រទេសឥណ្ឌូណេស៊ី កំពុងពិនិត្យមើលទំហំនៃផលប៉ះពាល់ ប៉ុន្តែរបាយការណ៍ដំបូងបានបង្ហាញអំពីការខូចខាតមធ្យមដល់អគារ។

ទោះបីជាយ៉ាងណាក៏ដោយ ភ្លាមៗនេះ មិនទាន់មានរបាយការណ៍ជាក់ស្តែងអំពីចំនួនអ្នកស្លាប់ និងរបួសនៅឡើយទេ។

គួរបញ្ជាក់ថា ប្រទេសឥណ្ឌូណេស៊ី ជួបប្រទះនឹងការរញ្ជួយដីជាញឹកញាប់ ដោយសារតែទីតាំងរបស់ខ្លួនស្ថិតនៅលើខ្សែក្រវាត់ភ្នំភ្លើងប៉ាស៊ីហ្វិក “Ring of Fire” ដែលជាកន្លែងផ្ទាំងតិចតូនិក បុកគ្នា។

កាលពីថ្ងៃទី២១ ខែវិច្ឆិកា គ្រោះរញ្ជួយដីកម្រិត ៥.៦រ៉ិចទ័រ បានវាយប្រហារខេត្តជ្វាខាងលិច ដោយបានសម្លាប់មនុស្សចំនួន៦០២នាក់។

ការរញ្ជួយដីដ៏ធំមួយនៅកោះស៊ូម៉ាត្រាកាលពីថ្ងៃទី២៦ខែធ្នូឆ្នាំ២០០៤ បានបណ្តាលឲ្យមានរលកយក្សស៊ូណាមិ ក្នុងមហាសមុទ្រឥណ្ឌាដែលបានសម្លាប់មនុស្សជាង ២៣ម៉ឺននាក់ រហូតដល់ប្រទេសស្រីលង្កា ឥណ្ឌានិងថៃ៕

ប្រែសម្រួល៖ Vann Vann

ប្រភព៖ Reuters, Deccan Herald

ចុចអាន៖ គ្រោះរញ្ជួយដីថ្មីទៀត វាយប្រហារ ឥណ្ឌូណេស៊ី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៣ នាទី មុន

ជប៉ុន ផ្តល់ថវិកាជិត៤ម៉ឺនដុល្លារ សម្រាប់កែលម្អឧបករណ៍​តន្ត្រីបុរាណនៅសាលាមធ្យមវិចិត្រសិល្បៈ

ជីវិតកម្សាន្ដ៣៥ នាទី មុន

យីហោល្បីៗសម្រុកផ្ដាច់កុងត្រាពាណិជ្ជកម្មគ្មានសល់ ​ក្រោយ Han So Hee ចម្រូងចម្រាសស្នេហាត្រីកោណ

ព័ត៌មានជាតិ៥២ នាទី មុន

ឯកឧត្ដម ហ៊ុន ម៉ានី អញ្ជើញបើកវគ្គបណ្ដុះបណ្ដាលស្ដីពី «ភាពជាអ្នកដឹកនាំ និងនវានុវត្តន៍ ជំនាន់ទី ៦»

ព័ត៌មានអន្ដរជាតិ៥៧ នាទី មុន

ថៃ មិនទាន់មានលុយគ្រប់ ៤៧០ លានដុល្លារទិញនាវាមុជទឹក

ព័ត៌មានជាតិ៣ ម៉ោង មុន

រដ្ឋមន្ត្រីក្រសួងសាធារណការ​ចេញយន្តការ ៥ ចំណុច ទប់ស្កាត់សកម្មភាពអនាធិបតេយ្យតាម​ដងផ្លូវ

Sokha Hotels

ព័ត៌មានពេញនិយម