ព័ត៌មានអន្ដរជាតិ
ប្រភពមួយ ទម្លាយស្ថានភាព និងរយៈពេលដែលលោក Zelensky លាក់ខ្លួនពួនអាត្មាក្នុងលេណដ្ឋាន កាលជម្លោះផ្ទុះឡើងដំបូង (មានវីដេអូ)
កាសែត The Times បានរាយការណ៍ថា ប្រធានាធិបតីអ៊ុយក្រែនលោក Vladimir Zelensky និងសហការីរបស់គាត់ បានលាក់ខ្លួនពួនអាត្មារយៈពេលជិតពីរខែនៅក្នុងលេណដ្ឋាន បន្ទាប់ពីការផ្ទុះឡើងនៃជម្លោះជាមួយប្រទេសរុស្ស៊ី ហើយឆ្លងកាត់ការលំបាកយ៉ាងខ្លាំង។
កាសែតអង់គ្លេសបានរាយការណ៍កាលពីចុងសប្តាហ៍ថា នៅពេលប្រតិបត្តិការយោធារបស់រុស្ស៊ី ចាប់ផ្តើមនៅថ្ងៃទី២៤ខែកុម្ភៈ ឆ្នាំ២០២២ ភ្លាមៗនោះ រដ្ឋាភិបាលអ៊ុយក្រែន បានចុះទៅកាន់ទីជម្រកសុវត្ថិភាពក្រោមការិយាល័យប្រធានាធិបតីនៅផ្លូវ Bankovaya កណ្តាលទីក្រុងកៀវ។
នៅជុំវិញលេណដ្ឋាននោះគឺមានភាពសម្ងាត់ខ្លាំងណាស់ ដោយអ្នកដែលអមដំណើរប្រមុខរដ្ឋនៅក្រោមដី ត្រូវតែចុះហត្ថលេខាលើកិច្ចព្រមព្រៀងមិនបង្ហាញព័ត៌មានពិសេស។ យោងតាមឯកសារ ពួកគេត្រូវបានហាមឃាត់មិនឲ្យបង្ហាញព័ត៌មានលម្អិតអំពីការរចនា ទីតាំង គ្រឿងបរិក្ខារ ឬសូម្បីតែអាហារដែលពួកគេត្រូវបានផ្តល់ឲ្យ។
កាសែតដដែលរាយការណ៍ថា ដោយសារតែកងកម្លាំងរុស្ស៊ី ឈរជើងនៅជាយក្រុងកៀវ វាជារយៈពេលនៃការប៉ះទង្គិចផ្លូវចិត្ត និងភាពភ័យរន្ធត់សម្រាប់រដ្ឋមន្ត្រី និងជំនួយការរបស់លោក Zelensky។
អ្នកខាងក្នុងរបស់រដ្ឋាភិបាលបានប្រាប់កាសែត The Times ថា “ការស្នាក់នៅក្នុងលេណដ្ឋាននោះ គឺជារឿងដ៏លំបាកមួយព្រោះអ្នកមិនបានឃើញព្រះអាទិត្យ អ្នកមិនដឹងពេលវេលាឡើយ”។
កាសែតនេះបន្តថា មន្ត្រីអ៊ុយក្រែនមួយចំនួនពិតជាធុញទ្រាន់នឹងជីវិតនៅក្នុងលេណដ្ឋាន ហើយមានម្នាក់ សារភាពថា គាត់បានភៀសខ្លួនចេញពីជម្រកនោះ ដើម្បីទៅទទួលទានអាហារនៅភោជនីយដ្ឋាន។
ដោយសារតែការភ័យខ្លាចថា ទីក្រុងកៀវ អាចធ្លាក់ក្នុងដៃកងកម្លាំងរុស្ស៊ី ការស្នាក់នៅក្រោមដីត្រូវបានអូសបន្លាយពេលសម្រាប់ថ្នាក់ដឹកនាំរបស់ប្រទេស ហើយលោក Zelensky ចេញពីលេណដ្ឋានម្តងម្កាលប៉ុណ្ណោះ ដើម្បីថតសារជាវីដេអូដើម្បីធានាដល់ប្រជាជនថា គាត់មិនបានភៀសខ្លួនទៅណាទេ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ លោក Stoltenberg ដាក់លក្ខខណ្ឌ បើ អ៊ុយក្រែន ចង់ចូល ណាតូ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង