ព័ត៌មានអន្ដរជាតិ
វិមានក្រឹមឡាំង៖ រុស្ស៊ីបើកចំហចំពោះសន្តិភាព តែត្រូវសម្រេចគោលដៅធំ៣ឲ្យបានសិន
វិមានក្រឹមឡាំង បានប្រកាសថា រុស្ស៊ីនៅតែបើកចំហចំពោះកិច្ចចរចាសន្តិភាព ជុំវិញសង្គ្រាមនៅអ៊ុយក្រែន ប៉ុន្តែបានសង្កត់ធ្ងន់ថា ដំណោះស្រាយណាមួយត្រូវតែរួមបញ្ចូលការសម្រេចនូវគោលបំណងយុទ្ធសាស្ត្រសំខាន់ៗរបស់ខ្លួនជាមុនសិន។
យោងតាមការចុះផ្សាយកាលពីថ្ងៃទី២០ខែកក្កដារបស់សារព័ត៌មាន Telegraph សេចក្តីថ្លែងការណ៍នេះ បានធ្វើឡើងជាការឆ្លើយតបទៅនឹងឱសានវាទរបស់ប្រធានាធិបតីអាមេរិកលោក ដូណាល់ ត្រាំ ដែលទាមទារបទឈប់បាញ់ក្នុងរយៈពេល ៥០ថ្ងៃ ឬប្រឈមមុខនឹងការដាក់ទណ្ឌកម្មថ្មីដែលធ្ងន់ធ្ងរជាងមុន។
អ្នកនាំពាក្យវិមានក្រឹមឡាំង លោក Dmitry Peskov បាននិយាយនៅក្នុងសុន្ទរកថាតាមទូរទស្សន៍ថា «យើងបើកចំហចំពោះសន្តិភាព… (ប៉ុន្តែ) រឿងសំខាន់សម្រាប់យើងគឺសម្រេចបាននូវគោលដៅរបស់យើង។ គោលដៅរបស់យើងគឺច្បាស់លាស់ណាស់»។ កន្លងមក ទាំងលោក Peskov និងមន្ត្រីជាន់ខ្ពស់រុស្ស៊ីផ្សេងទៀត បានច្រានចោលការចោទប្រកាន់ពីទីក្រុងកៀវ និងលោកខាងលិច ដែលថា ខ្លួនបានរារាំងកិច្ចចរចាសន្តិភាព។
ការទាមទាររបស់រុស្ស៊ីនៅក្នុងសង្គ្រាមជាង៣ឆ្នាំមកនេះ រួមមាន ការដកកងកម្លាំងអ៊ុយក្រែនចេញពីតំបន់ចំនួន៤ដែលរុស្ស៊ីកាត់បញ្ចូលជាឧបសម្ព័ន្ធ ដូចជា Donetsk, Luhansk, Kherson និង Zaporizhzhia, ការធានាថាអ៊ុយក្រែននឹងមិនចូលរួមជាមួយអង្គការណាតូ និងការកំណត់លើទំហំយោធារបស់អ៊ុយក្រែន។
យ៉ាងណាមិញ លក្ខខណ្ឌទាំងនេះ សុទ្ធតែត្រូវបានច្រានចោលយ៉ាងដាច់អហង្ការដោយរដ្ឋាភិបាលក្រុងកៀវ និងសម្ព័ន្ធមិត្តលោកខាងលិច។
សូមជម្រាបថា សំណើបទឈប់បាញ់ដែលអាមេរិកទុកពេលឲ្យរុស្ស៊ី ៥០ថ្ងៃពិចារណា ត្រូវលោក ត្រាំ អះអាងថាជា«ការផ្តល់ជូនចុងក្រោយ»។ បើបរាជ័យសំណើលើកនេះ អាមេរិកនឹងអនុវត្តទណ្ឌកម្មរឹតតែធំលើរុស្ស៊ី ព្រមទាំងដាក់ពន្ធបន្ទាប់បន្សំលើប្រទេសណាដែលបន្តធ្វើអាជីវកម្មជាមួយក្រុងមូស្គូ៕
ដោយ៖ ឈាង
ចុចអាន៖ ត្រាំ ទុកពេល៥០ថ្ងៃឲ្យ ពូទីន បើមិនព្រមបញ្ចប់សង្គ្រាមនៅអ៊ុយក្រែន អាមេរិកនឹងប្រើធម៌ក្តៅ
-
ព័ត៌មានអន្ដរជាតិ២៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ