ព័ត៌មានអន្ដរជាតិ
រុស្ស៊ី លុបបំណុល ២០ ពាន់លានដុល្លារពីបណ្ដាប្រទេសនៅអាហ្វ្រិក
ប្រធានាធិបតីរុស្ស៊ីលោក វ្ល៉ាឌីមៀរ ពូទីន បាននិយាយកាលពីថ្ងៃចន្ទថា ទីក្រុងមូស្គូបានលុបបំណុលប្រមាណជា ២០ ពាន់លានដុល្លារពីបណ្ដាប្រទេសនៅអាហ្វ្រិក ។
ថ្លែងនៅក្នុងសន្និសិទសភាអន្តរជាតិមួយក្រោមប្រធានបទ “រុស្ស៊ី-អាហ្វ្រិកក្នុងពិភពលោកពហុប៉ូល” លោក ពូទីន បាននិយាយថា ចំណូលពាណិជ្ជកម្មរវាងរុស្ស៊ី និងបណ្តាប្រទេសអាហ្វ្រិកកំពុងកើនឡើងជារៀងរាល់ឆ្នាំ ដោយឈានដល់ជិត ១៨ ពាន់លានដុល្លារក្នុងឆ្នាំ ២០២២ ។
លោក ពូទីន បានបន្ថែមថា “ក្រោយលុបបំណុលនេះហើយ អាហ្វ្រិកនឹងមានឱកាសបន្ថែមសម្រាប់ដំណើរការនៃការបង្កើតតំបន់ពាណិជ្ជកម្មសេរីទ្វីបអាហ្រ្វិក (AfCFTA) ដែលបានចាប់ផ្តើមនៅឆ្នាំ ២០២១ ហើយនៅពេលអនាគត អាហ្វ្រិកនឹងក្លាយជាទីផ្សារដែលមានផលិតផលក្នុងស្រុកសរុបជាង ៣ ពាន់ពាន់លានដុល្លារ” ។
លោក ពូទីន សង្កត់ធ្ងន់ថា ប្រទេសរុស្ស៊ីគឺពេញចិត្តក្នុងការបង្កើតទំនាក់ទំនងជាមួយ AfCFTA ទាំងតាមរយៈសហភាពសេដ្ឋកិច្ចអឺរ៉ាស៊ី និងក្នុងកម្រិតទ្វេភាគី ដូច្នេះទ្វីបអាហ្រ្វិកនឹងក្លាយទៅជាមេដឹកនាំមួយនៃពិភពលោកពហុប៉ូល ។
ប្រធានាធិបតីរុស្ស៊ីរូបនេះអះអាងទៀតថា “រដ្ឋនៃទ្វីបអាហ្រ្វិកកំពុងបង្កើនទម្ងន់ និងតួនាទីរបស់ពួកគេឥតឈប់ឈរនៅក្នុងកិច្ចការពិភពលោក ហើយពួកគេកាន់តែមានទំនុកចិត្តលើផ្នែកនយោបាយ និងសេដ្ឋកិច្ច ហើយលោកក៏សុំឲ្យបណ្តាប្រទេសនៃទ្វីបអាហ្រ្វិក អាស៊ី និងអាមេរិកឡាទីន ប្រឆាំងនឹងមនោគមវិជ្ជាពីពិភពខាងក្រៅផងដែរ” ។
ជាចុងក្រោយលោក ពូទីន បញ្ជាក់ថា “ប្រទេសរុស្ស៊ី និងបណ្តាប្រទេសនៅអាហ្វ្រិកប្រកាន់ខ្ជាប់នូវបទដ្ឋានសីលធម៌ និងគោលការណ៍សង្គមជាប្រពៃណី សម្រាប់ប្រជាជនរបស់យើង ហើយលោកក៏ឲ្យបន្តប្រកាន់ខ្ជាប់នូវជំហរបែបនេះទៀត ជាពិសេសគឺការរួមគ្នាបង្កើតពិភពលោកពហុប៉ូល” ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ លោក ពូទីន ពិនិត្យយ៉ាងល្អិតល្អន់លើសំណើរ ១២ ចំណុចរបស់ ចិន ស្ដីពីជម្លោះនៅ អ៊ុយក្រែន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានអន្ដរជាតិ៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ