នេះហើយ រូបរាងត្រីទឹកជ្រៅបំផុតក្នុងពិភពលោក  

ក្រុមអ្នកវិទ្យាសាស្ត្រ ថតបានវីដេអូត្រីមួយប្រភេទ​ ហែលក្នុងជម្រៅដ៏អស្ចារ្យនៃមហាសមុទ្រ ដែលធ្វើឲ្យវាក្លាយជាត្រីទឹកជ្រៅបំផុត មិនធ្លាប់ត្រូវបានគេឃើញសោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពពួក​ត្រី Pseudoliparis ត្រូវ​បាន​ថតជាប់ ​ហែលក្នុង​ទឹក​ជម្រៅ ៨,៣៣៦ម៉ែត្រ។

វាត្រូវបានថតដោយ កាមេរ៉ាស្វ័យប្រវត្តិ ដែលគេទម្លាក់ចូលទៅក្នុងអន្លង់សមុទ្រ Izu-Ogasawara ភាគខាងត្បូងប្រទេសជប៉ុន។

ការសង្កេតមើលត្រីទឹកជ្រៅបំផុតពីមុន គឺត្រូវបានធ្វើឡើងនៅជម្រៅ៨១៧៨ម៉ែត្រក្នុងដៃសមុទ្រ Mariana ភាគខាងត្បូងមហាសមុទ្រប៉ាស៊ីហ្វិក។ ដូច្នេះការរកឃើញនេះ បានបំបែកកំណត់ត្រាចាស់ ១៥៨ម៉ែត្រ។

គួរបញ្ជាក់ថា កាលពី១០ឆ្នាំមុន អ្នកវិទ្យាសាស្ត្រទឹកជ្រៅរបស់សាកលវិទ្យាល័យ Western Australia បានធ្វើការទស្សន៍ទាយថា ត្រីទំនងជានឹងត្រូវគេរកឃើញក្នុងជម្រៅពី ៨២០០ម៉ែត្រទៅ៨៤០០ម៉ែត្រ ហើយមួយទសវត្សរ៍នៃការស៊ើបអង្កេតជុំវិញពិភពលោក រឿងនេះក៏បានក្លាយជាការពិត៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ ប្ដីប្រពន្ធមួយគូនៅ ម៉ាឡេស៊ី ពុលត្រីកំពត បន្ទាប់ពីទទួលទានលើកដំបូង