ព័ត៌មានអន្ដរជាតិ
វៀតណាម នឹងកំណត់ឲ្យអ្នកប្រើប្រាស់បណ្ដាញសង្គមទាំងអស់ ត្រូវតែជាគណនីពិតប្រាកដ
ក្រសួងព័ត៌មាន និងទំនាក់ទំនងវៀតណាម កំពុងដំណើរការរៀបចំសេចក្តីព្រាងច្បាប់ថ្មី ដោយកំណត់លើអ្នកប្រើប្រាស់បណ្តាញសង្គមក្នុងប្រទេសទាំងអស់ ត្រូវតែប្រើគណនីដែលបានផ្ទៀងផ្ទាត់ (Verified) ត្រឹមត្រូវប៉ុណ្ណោះ ។
ច្បាប់ថ្មីនេះ គឺកំណត់ទៅលើអ្នកប្រើប្រាស់បណ្តាញសង្គមទាំងអស់រួមមាន Facebook, YouTube និង TikTok ត្រូវតែប្រើគណនីពិតប្រាកដត្រឹមត្រូវដែលបានផ្ទៀងផ្ទាត់ (Verified) រួចជាមួយលេខទូរស័ព្ទ និងឈ្មោះពិតទើបអាចបង្ហោះ ស៊ែរ និងបញ្ចេញមតិបាន ។
ទន្ទឹមនោះ ច្បាប់ថ្មីនេះ ក៏កំណត់ឲ្យម្ចាស់វេទិកាសង្គមទាំងអស់ ត្រូវទទួលខុសត្រូវក្នុងការផ្ទៀងផ្ទាត់អត្តសញ្ញាណអ្នកប្រើប្រាស់ គ្រប់គ្រងខ្លឹមសារនៃការផ្សាយផ្ទាល់ និងការដកខ្លឹមសារមិនសមរម្យចេញក្នុងរយៈពេល ៣ ម៉ោង បន្ទាប់ពីការទាមទារ ។
លើសពីនេះដើម្បីរក្សាសុវត្ថិភាពតាមអនឡាញ វៀតណាមនឹងបង្កើតឧបករណ៍ស្វ័យប្រវត្តិមួយដើម្បីស្កេន និងស្វែងរកការរំលោភលើការផ្សាយពាណិជ្ជកម្មឆ្លងព្រំដែន ដោយសារតែធ្លាប់មានមេរៀនកាលពីឆ្នាំ ២០២២ គឺបានលុបចោលវ៉េបសាយមិនផ្លូវការចំនួន ៧៦ ផងដែរ ។
ជាពិសេសក្រសួងព័ត៌មាន និងទំនាក់ទំនងវៀតណាម ក៏នឹងពិនិត្យមើលប្រតិបត្តិការរបស់ក្រុមហ៊ុន TikTok ក្នុងប្រទេសវៀតណាមនាខែនេះផងដែរ ៕
ប្រែសម្រួល ៖ នាង រតនៈ
ប្រភព ៖ Tuoi Tre
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង