ព័ត៌មានអន្ដរជាតិ
លោក ត្រាំ ប្រកាសបញ្ជូនកងទ័ពអាមេរិក ទៅប្រយុទ្ធនឹងក្រុមជួញដូរគ្រឿងញៀន បើជាប់ឆ្នោត
នៅក្នុងវីដេអូឃោសនាបោះឆ្នោតកាលពីថ្ងៃព្រហស្បតិ៍ទី១ខែមិថុនា លោក ដូណាល់ ត្រាំ ដែលជាបេក្ខជនប្រធានាធិបតីឈានមុខខាងគណបក្សសាធារណរដ្ឋ នឹងបញ្ជូនកងទ័ពអាមេរិក ទៅប្រយុទ្ធនឹងក្រុមជួញដូរគ្រឿងញៀននៅភាគខាងត្បូងនៃព្រំដែនម៉ិកស៊ិក។

លោក ត្រាំ បានគូសបញ្ជាក់អំពីផែនការ ដាក់ពង្រាយកងកម្លាំងអាមេរិកដើម្បីកម្ទេចបណ្តាញឧក្រិដ្ឋជន ជាមួយនឹងការដាក់បម្រាមដឹកទំនិញតាមជើងទឹកលើក្រុមជួញដូរ ហើយធានាកិច្ចសហប្រតិបត្តិការពេញលេញជាមួយរដ្ឋាភិបាលជិតខាង ដើម្បីបំបែកសម្បុកក្រុមគ្រឿងញៀនក្នុងតំបន់ និងបណ្តាញជួញដូរមនុស្ស។
អតីតប្រធានាធិបតីរូបនេះ ក៏បានសន្យាដែរថា នឹងជំរុញសភាឲ្យអនុម័តការកាត់ទោសប្រហារជីវិតសម្រាប់អ្នករត់ពន្ធគ្រឿងញៀន និងអ្នកជួញដូរមនុស្ស ហើយឲ្យអាជ្ញាធរសហព័ន្ធ កំណត់គោលដៅក្រុមក្មេងទំនើង និងក្រុមឧក្រិដ្ឋកម្មដែលទទួលខុសត្រូវចំពោះការជួញដូរគ្រឿងញៀននៅតាមដងផ្លូវ។
លោកបន្តថា Fentanyl នឹងត្រូវបានចុះបញ្ជីជាអចិន្ត្រៃយ៍ ជាសារធាតុដែលគ្រប់គ្រងដោយសហព័ន្ធក្រោមការដឹកនាំលើកទី២របស់លោកប្រធានាធិបតី ត្រាំ។ លើសពីនេះ លោកព្រមានថា ប្រទេសចិន នឹងទទួលខុសត្រូវផ្តាច់មុខ ប្រសិនបើខ្លួនមិនបញ្ឈប់ការលក់សារធាតុគីមីដែលប្រើសម្រាប់ផលិតថ្នាំទេនោះ។

លោក ត្រាំ បានប្រកាសនៅក្នុងវីដេអូនោះថា “នៅពេលខ្ញុំវិលត្រលប់មកសេតវិមានវិញ ខ្ញុំនឹងចាត់វិធានការ ដើម្បីបញ្ចប់គ្រោះកាចដ៏គួរឲ្យរន្ធត់នេះ និងជួយសង្គ្រោះជីវិតជនជាតិអាមេរិក”។
គួរបញ្ជាក់ជាថ្មី យោងតាមការស្ទង់មតិរបស់ Morning Consult ដែលចេញផ្សាយកាលពីខែមុន បានបង្ហាញថា លោក ត្រាំ គឺនាំមុខដាច់ លើគូប្រជែងទាំងអស់នៅក្នុងការបោះឆ្នោតបឋមរបស់គណបក្សសាធារណរដ្ឋ រួមទាំងអភិបាលរដ្ឋ Florida លោក Ron DeSantis ផងដែរ។
ការស្ទង់មតិមួយទៀតដោយ Big Data បង្ហាញថា ប្រសិនបើការបោះឆ្នោតសកល ត្រូវបានធ្វើឡើងក្នុងខែឧសភា លោក បៃដិន នឹងចាញ់លោក ត្រាំ ដោយអ្នកសាធារណរដ្ឋ ទទួលបានសំឡេង ៤៥ ភាគរយ ខណៈអ្នកប្រជាធិបតេយ្យទទួលបាន ត្រឹម ៣៨.១ ភាគរយប៉ុណ្ណោះ៕
ប្រែសម្រួល៖ Vann Vann
ប្រភព៖ RT
ចុចអាន៖ លោក ត្រាំ ជួបឧបសគ្គធំ ក្រោយអភិបាលរដ្ឋ Florida ប្រកាសឈរឈ្មោះបោះឆ្នោត ជាផ្លូវការ
-
ព័ត៌មានជាតិ៧ ថ្ងៃ មុន
កូនប្រសារសម្ដេច ហេង សំរិន កំពុងកាន់តំណែងនៅរដ្ឋសភា រាជរដ្ឋាភិបាល និងជាអភិបាលខេត្ត
-
ព័ត៌មានជាតិ៦ ថ្ងៃ មុន
៣០ ឆ្នាំចុងក្រោយ ឥស្សរជនចំនួន១៤រូប ទទួលបានគោរមងារជា “សម្ដេច”
-
ព័ត៌មានអន្ដរជាតិ១ សប្តាហ៍ មុន
ទំនាយ៦យ៉ាងរបស់លោកយាយ Baba Vanga ក្នុងឆ្នាំ២០២៤ ខ្លាំងជាង ២០២៣
-
ព័ត៌មានអន្ដរជាតិ៧ ថ្ងៃ មុន
មេទ័ពអាមេរិក ថា សល់ពេល ៣០ ថ្ងៃទៀតប៉ុណ្ណោះ បើអ៊ុយក្រែន វាយរុស្ស៊ី មិនបែក នោះពិបាកហើយ
-
ព័ត៌មានជាតិ៥ ថ្ងៃ មុន
លោកឧកញ៉ា ចាន់ សុឃាំង បង្ហាញមូលហេតុបង្កឱ្យស្រូវប្រែប្រួលតម្លៃ
-
ព័ត៌មានជាតិ៦ ថ្ងៃ មុន
ថ្ងៃសៅរ៍នេះ ទូតបារាំង បើកឱកាសជាថ្មី ឱ្យសាធារណជនចូលទស្សនាឧទ្យានដ៏ស្រស់ស្អាតទំហំជិត៥ហិកតា
-
សន្តិសុខសង្គម៣ ថ្ងៃ មុន
បងថ្លៃស្រីចាក់សម្លាប់ប្អូនស្រី និងកូនអាយុជាងមួយឆ្នាំប្លន់យកលុយជាង៤០លានរៀល
-
ព័ត៌មានជាតិ៥ ថ្ងៃ មុន
ទីបំផុត ស្រ្តីតែងខ្លួនជាប្រុសម្នាក់ត្រូវបានសមត្ថកិច្ចចាប់ខ្លួន ក្រោយតាមរំខានយុវតីម្នាក់រាប់ឆ្នាំ