Connect with us

ព័ត៌មានអន្ដរជាតិ

លោក ត្រាំ ជួបឧបសគ្គធំ ក្រោយអភិបាលរដ្ឋ Florida ប្រកាសឈរឈ្មោះបោះឆ្នោត ជាផ្លូវការ

បានផុស

នៅ

អភិបាលរដ្ឋ Florida លោក Ron DeSantis បានដាក់ពាក្យឈរឈ្មោះជាបេក្ខភាពប្រជែងតំណែងប្រធានាធិបតីអាមេរិកជាផ្លូវការ ដែលនេះនឹងក្លាយជាឧបសគ្គដ៏ធំសម្រាប់លោក ដូណាល់ ត្រាំ ចំពោះការតែងតាំងរបស់គណបក្សសាធារណរដ្ឋឆ្នាំ២០២៤។

លោក Ron DeSantis​ និងលោក ដូណាល់ ត្រាំ (រូបថត៖ FOX Business)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក DeSantis បានដាក់ឯកសារទៅកាន់គណៈកម្មការរៀបចំការបោះឆ្នោតសហព័ន្ធអាមេរិក ដែលបញ្ជាក់ពីការឈរឈ្មោះជាប្រធានាធិបតីកាលពីរសៀលថ្ងៃពុធ ហើយគាត់ត្រូវបានគេចាត់ទុកថា ជាគូប្រជែងកំពូល សម្រាប់ការតែងតាំងជាបេក្ខជនឈរឈ្មោះបោះឆ្នោតប្រធានាធិបតីខាងគណបក្សសាធារណរដ្ឋ។

អ្នកបោះឆ្នោត ហាក់ដូចជាមានទំនោរទៅខាងលោក DeSantis កាលពីខែវិច្ឆិកាឆ្នាំមុន បន្ទាប់ពីគាត់បានឈ្នះការបោះឆ្នោតភ្លូកទឹកភ្លូកដី សម្រាប់អាណត្តិថ្មីក្នុងនាមជាអភិបាលរដ្ឋ Florida និងបានជួយបេក្ខជនសមាជិកសភារបស់គណបក្សសាធារណរដ្ឋ ឲ្យទទួលបានសំឡេងឆ្នោតល្អជាងការរំពឹងទុក។

លោក Ron DeSantis (រូបថត៖ Getty Images)

ការស្ទង់មតិខែកុម្ភៈដោយ Yahoo/YouGov បានបង្ហាញថា លោក DeSantis បាននាំមុខលោក ត្រាំ​​ ក្នុងសំឡេង ៤៥ ភាគរយទល់នឹង ៤១ ភាគរយ ។

ទោះបីជាយ៉ាងណាក៏ដោយ លោក ត្រាំ ក៏ទទួលបានការគាំទ្រខ្លាំងក្លាក្នុងចំណោមអ្នកបោះឆ្នោតខាងគណបក្សសាធារណរដ្ឋផងដែរ ចាប់តាំងពីគាត់ត្រូវបានចោទប្រកាន់កាលពីខែមុននៅទីក្រុងញូវយ៉ក ពីបទក្លែងបន្លំកំណត់ត្រាអាជីវកម្ម។

ការស្ទង់មតិរបស់ CNN ដែលចេញផ្សាយកាលពីថ្ងៃពុធបានបង្ហាញថា ត្រាំ គឺជាជម្រើសដំបូងក្នុងចំណោមអ្នកបោះឆ្នោតមកពីគណបក្សសាធារណរដ្ឋសម្រាប់ការតែងតាំងឆ្នាំ ២០២៤ ពោលគឺមានសំឡេង ៥៣ ភាគរយ ខណៈលោក DeSantis មានត្រឹម ២៦ ភាគរយប៉ុណ្ណោះ ៕

ប្រែសម្រួល៖ Vann Vann

ប្រភព៖ RT

ចុចអាន៖ ហេតុអ្វី អាល្លឺម៉ង់ ចង់ឲ្យលោក ចូ បៃដិន ឈ្នះឆ្នោតលើ ដូណាល់ ត្រាំ?

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម