បាងកក ​ប្រឈមបិទសាលា ដោយសារជំងឺ ៣ប្រភេទកំពុងឆ្លងខ្លាំង

រដ្ឋបាលក្រុងបាងកក (BMA) កំពុងបញ្ជាឲ្យសាលារៀនក្នុងរាជធានី អនុវត្តតាមវិធានការបង្ការជំងឺពងបែកដៃ ជើង និងមាត់ (HFMD), មេរោគផ្លូវដង្ហើម (RSV) និងជំងឺគ្រុនឈាម ចាប់តាំងពីជំងឺទាំងនេះ រីករាលដាលខ្លាំងក្នុងចំណោមកុមារនៅសាលា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃពុធទី១៦ខែសីហា អភិបាលក្រុងបាងកក លោក Chadchart Sittipunt បានធ្វើជាអធិបតីក្នុងព្រឹត្តិការណ៍មួយនៅសាលា Wichuthit ក្នុងសង្កាត់ Din Daeng ដើម្បីលើកកម្ពស់អនាម័យ និងការការពារមេរោគនៅក្នុងសាលារៀន។

លោកអភិបាលក្រុង​​និយាយ​ថា ​ចំនួន​ករណីជំងឺ HFMD គឺ​ខ្ពស់​ជាង​ឆ្នាំ​មុន​ដល់​ទៅ ៥ ដង ហើយភាគច្រើនជំងឺនេះត្រូវបានរកឃើញនៅក្នុងមជ្ឈមណ្ឌលថែទាំកុមារ និងក្នុងចំណោមកុមារដែលមានអាយុក្រោម ៥ ឆ្នាំ ។

ករណីជំងឺ HFMD មានចេញអាការគ្រុនក្តៅ ក្នុងរយៈពេល ៣ ថ្ងៃដំបូង មុនពេលឡើងកន្ទួលលើដៃ ជើង និងក្នុងមាត់ ។ ប៉ុន្តែទោះបីជាយ៉ាងណាក៏ដោយ មិនមានករណីស្លាប់ ដោយសារជំងឺ HFMD នៅឆ្នាំនេះនោះទេ ។

គួរបញ្ជាក់ថា ប្រសិនបើថ្នាក់រៀនជាច្រើនត្រូវបានរកឃើញ មានសិស្សកើតជំងឺ HFMD, RSV និងជំងឺគ្រុនឈាម ដែលសុទ្ធតែជាជំងឺឆ្លងខ្លាំងនោះ សាលានឹងត្រូវបិទជាបណ្តោះអាសន្ន ហើយពួកគេអាចព្យាបាលនៅផ្ទះបានក្នុងរយៈពេល ៥-៧ ថ្ងៃ ប៉ុន្តែចំពោះក្មេងដែលមិនបានទទួលការព្យាបាលទាន់ពេលវិញ អាចវិវត្តទៅជារោគសញ្ញាគំរាមកំហែងដល់អាយុជីវិត ៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ បាងកក ជាប់លេខ១លើលោក ជាទីក្រុង មានទេសចរទៅលេងច្រើនបំផុត ក្នុងឆ្នាំ២០២៣