ព័ត៌មានអន្ដរជាតិ
អ្នកវិទ្យាសាស្រ្តអះអាងថា មនុស្សនឹងត្រូវវិនាសខ្ទេចពីផែនដី នៅ ២៥០លានឆ្នាំទៀត
ក្រុមអ្នកវិទ្យាសាស្ត្រមកពីសាកលវិទ្យាល័យ Bristol នៃចក្រភពអង់គ្លេស បានបញ្ចេញរបាយការណ៍ដ៏គួរឲ្យភ្ញាក់ផ្អើលមួយ ដោយប៉ាន់ស្មានថា ២៥០លានឆ្នាំទៀត មនុស្សទាំងអស់នឹងត្រូវវិនាសចេញពីផែនដី។
អ្នកដឹកនាំនិពន្ធ គឺបណ្ឌិត Alexander Farnsworth សហការីស្រាវជ្រាវជាន់ខ្ពស់នៅសាកលវិទ្យាល័យ Bristol បានអះអាងថា មនុស្សនឹងត្រូវវិនាសខ្ទេច ដោយសារតែការកើនឡើងនៃសីតុណ្ហភាព និងកម្តៅខ្លាំង។ ទោះបីជាយ៉ាងណាក៏ដោយ កម្តៅនឹងជួយបង្កើតទ្វីបមួយ ក៏ដូចជាបង្កការផ្ទុះភ្នំភ្លើងជាញឹកញាប់ផងដែរ។
លោក Farnsworth និយាយថា “ទស្សនវិស័យនាពេលអនាគតដ៏ឆ្ងាយនេះ ហាក់ដូចជាអាក្រក់ខ្លាំងណាស់។ កម្រិតកាបូនឌីអុកស៊ីត អាចកើនលើសកម្រិតបច្ចុប្បន្នទ្វេដង។ ស្របពេលដែលព្រះអាទិត្យ ក៏នឹងបញ្ចេញវិទ្យុសកម្មប្រហែល ២,៥% បន្ថែមទៀតផង ហើយមហាទ្វីបមានទីតាំងនៅតំបន់ត្រូពិកក្តៅសើម ខណៈភាគច្រើននៃភពផែនដី អាចប្រឈមនឹងសីតុណ្ហភាពចន្លោះពី៤០ទៅ៧០អង្សាសេ ធ្វើឲ្យគ្មានប្រភពអាហារ និងទឹកសម្រាប់ថនិកសត្វ។
ប៉ុន្តែមានវិធីមួយដើម្បីបញ្ឈប់រឿងនេះ នោះគឺត្រូវកាត់បន្ថយការប្រើប្រាស់ឥន្ធនៈហ្វូស៊ីល។ សាស្ត្រាចារ្យម្នាក់ទៀតដែលពាក់ព័ន្ធនឹងរបាយការណ៍ គឺលោក Benjamin Mills មកពីសាកលវិទ្យាល័យ Leeds បានអះអាងថា ការប្រើប្រាស់ឥន្ធនៈហ្វូស៊ីលកាន់តែច្រើន ពិតជានឹងធ្វើឲ្យមនុស្សជាតិនៅលើផែនដី ត្រូវវិនាសកាន់តែឆាប់។
គួរបញ្ជាក់ថា សម្រាប់ការសិក្សានេះ គេបានប្រើកំព្យូទ័រទំនើប ដើម្បីវិភាគលើគំរូអាកាសធាតុមិនធ្លាប់មានពីមុនមកសោះ ដើម្បីបង្ហាញពីវិធី ដែលអាកាសធាតុនឹងកាន់តែកាចសាហាវនៅពេលដែលទ្វីបនានារបស់ពិភពលោក រួមបញ្ចូលគ្នាជាយថាហេតុ បង្កើតបានជាមហាទ្វីបក្តៅ ស្ងួត និងគ្មានមនុស្សរស់នៅ៕
ប្រែសម្រួល៖ Vann Vann
ប្រភព៖ Daily Star
ចុចអាន៖ អ្នកវិទ្យាសាស្រ្ត៖ ព្យុះព្រះអាទិត្យ នឹងជះឥទ្ធិពលមកភពផែនដី លឿនជាងការរំពឹងទុក
-
ព័ត៌មានជាតិ៧ ថ្ងៃ ago
សមត្ថកិច្ចថា បានហៅលោក ផន ផល្លា ទៅអប់រំ ធ្វើកិច្ចសន្យាឱ្យឈប់បង្ហោះអ្វីដែលងាយយល់ច្រឡំ ប៉ះពាល់សន្តិសុខជាតិ
-
ព័ត៌មានជាតិ៧ ថ្ងៃ ago
អ្នកឧកញ៉ា ឡេង ណាវ៉ាត្រា គោរពអរគុណនាយកទីចាត់ការហ្វឹកហ្វឺនអគ្គបញ្ជាការផ្តល់កងត្រែទ័ព សម្រួលការថតចម្រៀង( ប្រាំសីហាការដ្ឋានប្រវត្តិសាស្រ្តហ្វូណនតេជោ )
-
ជីវិតកម្សាន្ដ១ សប្តាហ៍ ago
ព្រឺរោម!! វីដេអូចម្រៀងប្រវត្តិសាស្ត្រ នៃកាបើកការដ្ឋានព្រែកជីកហ្វូណនតេជោ ដែលមានអ្នកច្រៀងរួមគ្នា ជាង៣០០០នាក់
-
សេដ្ឋកិច្ច៦ ថ្ងៃ ago
ចំណុចចាប់ផ្តើមផ្លូវល្បឿនលឿនភ្នំពេញ-ប៉ោយប៉ែត ស្ថិតនៅខាងជើងវិមានឈ្នះឈ្នះ
-
ព័ត៌មានជាតិ៥ ថ្ងៃ ago
ត្រីតុកកែមានតម្លៃថ្លៃតាមហាងចិន កំពុងបង្កាត់ពូជនៅមជ្ឈមណ្ឌលវារីវប្បកម្មនៅខេត្តព្រះសីហនុ
-
ព័ត៌មានអន្ដរជាតិ១ សប្តាហ៍ ago
ជម្លៀសខ្លួនប្រជាជននៅកោះត្រល់ ក្រោយភ្លៀងធ្លាក់ខ្លាំង១២ម៉ោងជាប់គ្នា
-
ព័ត៌មានជាតិ៤ ថ្ងៃ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានជាតិ១ សប្តាហ៍ ago
បុរស២នាក់ បើកបរក្នុងស្ថានភាពស្រវឹងបុកបង្គោលភ្លើង ក្រឡាប់រថយន្តរងរបួសស្រាល