ព័ត៌មានអន្ដរជាតិ
ពលករថៃលាក់ខ្លួនក្នុងចម្ការម្ទេស អស់រយៈពេល ១០ ម៉ោង ទើបមានទាហានអ៊ីស្រាអែលមកជួយ
កម្មករម្នាក់មកពីខេត្ត Buri Ram នៃប្រទេសថៃបានរៀបរាប់ថា គាត់បានលាក់ខ្លួននៅក្នុងចម្ការម្ទេសអស់រយៈពេល ១០ ម៉ោង ខណៈក្រុមសកម្មប្រយុទ្ធហាម៉ាស់បានវាយឆ្មក់ទីក្រុងអ៊ីស្រាអែលកាលពីថ្ងៃសៅរ៍ ទី៧ ខែតុលា ។
លោក Pramool Kosasod អាយុ ៣៧ ឆ្នាំបានរៀបរាប់ពីទុក្ខលំបាករបស់គាត់ប្រាប់ភរិយាឈ្មោះ Kitiya Dasri អាយុ ៣០ ឆ្នាំតាមរយៈការហៅទូរស័ព្ទជាវីដេអូ វេលាម៉ោង ៧ យប់ថ្ងៃចន្ទ ទី៩ ខែតុលាថា រូបគេបានរួចផុតពីការវាយប្រហារហើយ ក្រោយសំងំលាក់ខ្លួនក្នុងចម្ការម្ទេស ។
បើតាមភរិយាពលកររូបនោះបានឲ្យដឹងថា លោក Pramool និងកម្មករថៃចំនួន ១២ នាក់ទៀតកំពុងនៅក្នុងជំរំ នៅពេលដែលពួកគេបានឮមនុស្សគោះទ្វារ ហាក់ដូចជាព្យាយាមសម្រុកចូលមក ។
ក្រោយមកអ្នកថែទាំជំរំបានប្រាប់កម្មករកុំឲ្យបើកទ្វារឲ្យសោះ ហើយភ្លាមៗនោះស្រាប់តែមានសំឡេងបាញ់កាំភ្លើងបន្លឺឡើងនៅខាងក្រៅ ហើយគ្រប់គ្នាក៏ព្យាយាមការពារខ្លួនយ៉ាងរន្ធត់ ។ ស្នូរកាំភ្លើងនៅតែបន្តរហូតដល់ឆេះជំរំ បណ្ដាលឲ្យកម្មករផ្អើលរត់គេចខ្លួន ។
បន្ទាប់ពីនោះ Pramool បានរត់រកកន្លែងលាក់ខ្លួន ហើយប្រទះឃើញចម្ការម្ទេសមួយនៅក្បែរជំរំ ។ គាត់សំងំនៅទីនោះចាប់ពីម៉ោង ៧ ព្រឹក ដល់ ៥ ល្ងាច ទម្រាំទាហានអ៊ីស្រាអែលមកដល់ ដើម្បីដឹកពលករថៃទាំងអស់ទៅកាន់កន្លែងមានសុវត្ថិភាព ។
សូមបញ្ជាក់ថា លោក Pramool បានទៅអ៊ីស្រាអែល ធ្វើការជាអ្នកវេចខ្ចប់បន្លែតាំងពីខែមករា ឆ្នាំ ២០២២ មកម្ល៉េះ ហើយគិតត្រឹមថ្ងៃអង្គារ មានជនជាតិថៃ ១៨ នាក់បានស្លាប់ក្នុងការប៉ះទង្គិចគ្នាមិនធ្លាប់មានរវាងក្រុមហាម៉ាស់ និងអ៊ីស្រាអែល ខណៈរដ្ឋាភិបាលប្រកាសថា ពលករថៃ ១៥ នាក់នឹងមកដល់ប្រទេសវិញ នៅថ្ងៃព្រហស្បតិ៍ ទី១២ ខែតុលា ៕
ប្រែសម្រួល៖ វារី
ចុចអាន៖ តួលេខជនបរទេស ស្លាប់នៅអ៊ីស្រាអែល ក្នុងនោះ ថៃ ច្រើនជាងគេ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ