បុគ្គលិក UN ចំនួន ១២នាក់ ត្រូវបានសម្លាប់នៅតំបន់ហ្គាហ្សា

យ៉ាងហោចណាស់បុគ្គលិកអង្គការសហប្រជាជាតិ (UN) ១២នាក់ និងសិស្ស ៣០នាក់ នៅសាលារបស់អង្គការសហប្រជាជាតិ ត្រូវបានសម្លាប់នៅតំបន់ហ្គាហ្សាស្ទ្រីប ក្នុងការវាយប្រហារតាមអាកាសរបស់អ៊ីស្រាអែល។

អ្នកនាំពាក្យអង្គការសហប្រជាជាតិ លោក Stephane Dujarric បានប្រាប់អ្នកយកព័ត៌មានក្នុងសន្និសីទសារព័ត៌មានមួយថា ចាប់តាំងពីថ្ងៃសៅរ៍សប្ដាហ៍មុន មកទល់ពេលនេះ បុគ្គលិកចំនួន ១២នាក់របស់ UNRWA (ទីភ្នាក់ងារផ្តល់ជំនួយ និងការងាររបស់អង្គការសហប្រជាជាតិសម្រាប់ជនភៀសខ្លួនប៉ាឡេស្ទីននៅតំបន់ជិតបូព៌ា) ត្រូវបានសម្លាប់ ។ ទន្ទឹម​នឹង​នោះ និស្សិត UNRWA ចំនួន ៣០ នាក់​ក៏​បាន​ស្លាប់ និង ៨ នាក់​ផ្សេង​ទៀត​បាន​រង​របួស ។

អ្នកនាំពាក្យរូបនេះបន្ថែមថា អ្នកខ្លះត្រូវបានសម្លាប់នៅក្នុងផ្ទះជាមួយគ្រួសាររបស់ពួកគេ៕

ប្រែសម្រួល៖ សន្យា

ប្រភព៖ RT

ចុចអាន៖ អ៊ីស្រាអែល សុខចិត្តឱ្យមន្ទីរពេទ្យហ្គាហ្សាក្លាយជាវាលកប់ខ្មោច ​បើក្រុមហាម៉ាស់មិនដោះលែងចំណាប់ខ្មាំង