មហាសេដ្ឋី Elon Musk ចំណាយលុយ ១ពាន់លានដុល្លារ ឱ្យ Wikipedia ប្ដូរឈ្មោះចេញ

មហាសេដ្ឋី Elon Musk ម្ចាស់ក្រុមហ៊ុន X (អតីត Twitter) បានចោទប្រកាន់សព្វវចនាធិប្បាយអនឡាញ វិគីភីឌា (Wikipedia) ថាមានការកែសម្រួលលម្អៀង ហើយលោកសុខចិត្តចំណាយ ១ពាន់លានដុល្លារ ដើម្បីឱ្យគេហទំព័រនេះប្ដូរឈ្មោះចេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មហាសេដ្ឋី Elon Musk ព្រនផ្តល់ថវិកាយ៉ាងហោច ១ពាន់លានដុល្លារក្នុងមួយឆ្នាំដល់ Wikipedia ប្រសិនបើសព្វវចនាធិប្បាយអនឡាញប្តូរឈ្មោះខ្លួនមកជា “D*ckipedia” វិញ ក្រោយចោទប្រកាន់គេហទំព័រនេះថាបានកែសម្រួលព័ត៌មានដោយភាពលម្អៀង។

ការបង្ហោះនៅលើវេទិកាប្រព័ន្ធផ្សព្វផ្សាយសង្គម X របស់មហាសេដ្ឋីបច្ចេកវិទ្យារូបនេះ កាលពីថ្ងៃអាទិត្យ លោកអះអាងថា វីគីភីឌាមានឋានានុក្រមតាមលំដាប់លំដោយ ហេតុដូច្នេះហើយបានជាស្ថិតនៅក្រោមការលម្អៀងរបស់អ្នកកែសម្រួលលំដាប់ខ្ពស់ (អ្នកដឹកនាំគេហទំព័របច្ចុប្បន្ន)។

តាមពិតមុនមានរឿងចម្រូងចម្រាស់កើតឡើង លោក Musk និងលោក Wales ដែលជាសហស្ថាបនិក វីគីភីឌា ធ្លាប់ប៉ះទង្គិចគ្នាលើគោលការណ៍សម្របសម្រួលមាតិកាម្ដងរួចមកហើយ។ កាលពីខែឧសភា សហស្ថាបនិក វីគីភីឌា បានរិះគន់មេធំបណ្ដាញ X ថាបានឱនក្បាលចំពោះតួកគី ពេលកំពុងបោះឆ្នោតជាតិ។

យ៉ាងណាមិញ ក្រៅពីមេធំរបស់បណ្ដាញ X ទស្សនវិទូអាមេរិកលោក Larry Sanger បានបរិហារសព្វវចនាធិប្បាយនេះផងដែរ កាលពីខែសីហាកន្លងទៅ ដោយចាត់ទុក វីគីភីឌា ជាកន្លែងដែលពួកឥស្សរជនអាមេរិក និងពួកឧទ្ទាមធ្វើសង្គ្រាមព័ត៌មានជាសាធារណៈ៕

ប្រែសម្រួល៖ សន្យា

ប្រភព៖ RT

ចុចអាន៖ Apple ជិតដាក់លក់ខ្មៅដៃថ្មី ក្នុងតម្លៃសមរម្យ ជាមួយការសាកថ្មប្រើ USB-C

ចុចអាន៖ មុនបង្ហូរឈាមគ្នានៅពេលនេះ តើអ៊ីស្រាអែល និងក្រុមហាម៉ាស ធ្លាប់ប្រយុទ្ធគ្នាប៉ុន្មានលើកហើយនៅកាហ្សា?