ព័ត៌មានអន្ដរជាតិ

ផ្អាកជើងហោះហើរភ្លាមៗនៅ វៀតណាម ក្រោយអ្នកដំណើរ២នាក់យកកំភ្លើងមកតាម

បានផុស

៨ ខែ មុន

នៅ

ថ្ងៃពុធ ៨ វិច្ឆិកា ២០២៣

ដោយ

ជើងហោះហើរ VN186 ពីដាណាងទៅហាណូយ (DAD – HAN flight) គ្រោងនឹងចេញដំណើរនៅម៉ោង ៧:២៥ យប់ ថ្ងៃទី០៧ ខែវិច្ឆិកា ប៉ុន្តែត្រូវបញ្ឈប់ជាបណ្តោះអាសន្ន បន្ទាប់ពីអ្នកដំណើរប្រុស២នាក់នៅលើយន្តហោះគំរាមអ្នកផ្សេងទៀតថា ខ្លួនបានយកកាំភ្លើងមកតាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មជ្ឈមណ្ឌលសន្តិសុខ អាកាសយានដ្ឋានអន្តរជាតិ Da Nang បាននិយាយថា ខ្លួនទើបតែបានសម្របសម្រួលជាមួយអាជ្ញាធរអាកាសយានដ្ឋានកណ្តាល ដើម្បីដោះស្រាយអ្នកដំណើរ២នាក់ ដែលបានបំពានបទប្បញ្ញត្តិស្តីពីសន្តិសុខ និងសុវត្ថិភាពអាកាសចរណ៍។

នៅល្ងាចថ្ងៃទី០៧ សន្តិសុខអាកាសយានដ្ឋាននៅចំណតលេខ ២៧ នៅអាកាសយានដ្ឋាន Da Nang បានទទួលសំណើរសុំជំនួយពីអ្នកបម្រើលើជើងហោះហើរ VN186 ជាមួយនឹងបណ្ដឹងដែលអ្នកដំណើរប្រុស ២នាក់ជាជនជាតិវៀតណាម បានផ្សព្វផ្សាយព័ត៌មានថា ពួកគេនាំយកកាំភ្លើងឡើងយន្តហោះ។

ភ្លាមៗនោះដែរ ប្រធានក្រុមត្រូវធ្វើការសម្រេចចិត្តបដិសេធការដឹកអ្នកដំណើរ ក្រោយពេលកើតហេតុ។ ក្រោយមកកងកម្លាំងសន្តិសុខអាកាសចរណ៍ និងអាជ្ញាធរអាកាសយានដ្ឋានកណ្តាល បានទៅដល់ទីតាំងរបស់យន្តហោះដោយឥតបង្អង់យូរឡើយ។

អាជ្ញាធរអាកាសយានដ្ឋានកណ្តាលបានសម្រេចចិត្តនាំជនសង្ស័យដែលនិយាយថាខ្លួនយកកាំភ្លើងឡើងយន្តហោះ ព្រមទាំងត្រួតពិនិត្យឡើងវិញនូវសុវត្ថិភាពអ្នកដំណើរទាំងអស់ និងវ៉ាលីរបស់អ្នកដំណើរ។ នៅវេលាម៉ោង៩យប់ថ្ងៃដដែល ដំណើរការត្រួតពិនិត្យបានបញ្ចប់ ប៉ុន្តែរកមិនឃើញវត្ថុគ្រោះថ្នាក់ ឬជាតិផ្ទុះហាមឃាត់ឡើយ ដូច្នេះនៅវេលាម៉ោង១០យប់ ជើងហោះហើរ VN186 បានបន្តដំណើរទៅមុខទៀត។

ចំណែកឯជនទាំងពីរនាក់ដែលផ្សព្វផ្សាយព័ត៌មានមានកាំភ្លើងនោះមានឈ្មោះ ង្វៀន ឌឹកទ្រុង អាយុ៣០ឆ្នាំ មានទីលំនៅស្រុកធៀនហាយ ខេត្តថៃប៊ិញនិងម្នាក់ទៀតឈ្មោះ ឡេ សួនក្វាង អាយុ៤០ឆ្នាំរស់នៅក្រុងថៃប៊ិញ ខេត្តថៃប៊ិញ។ បច្ចុប្បន្នករណីនេះត្រូវបានអាជ្ញាធរអាកាសយានដ្ឋានកណ្តាលចាត់ការតាមបញ្ញត្តិច្បាប់អាកាសចរណ៍៕