ព័ត៌មានអន្ដរជាតិ
សមាជិកព្រឹទ្ធសភាអាមេរិក ជំរុញឲ្យទម្លាក់គ្រាប់បែក លើ អ៊ីរ៉ង់
សមាជិកព្រឹទ្ធសភាលោក Lindsey Graham បាននិយាយកាលពីថ្ងៃព្រហស្បតិ៍ទី២៨ខែធ្នូថា សហរដ្ឋអាមេរិក គួរតែទម្លាក់គ្រាប់បែកលើអណ្តូងប្រេងអ៊ីរ៉ង់ និងទីបញ្ជាការឆ្មាំបដិវត្តន៍ឥស្លាម ដើម្បីសងសឹកចំពោះការវាយប្រហាររបស់ក្រុមហ៊ូធី លើកប៉ាល់ដឹកទំនិញនៅសមុទ្រក្រហម។
ក្នុងបទសម្ភាសជាមួយទូរទស្សន៍ Fox News, អ្នកសាធារណរដ្ឋមកពីរដ្ឋ South Carolina រូបនេះអះអាងថា គ្មានអ្វីត្រូវសង្ស័យឡើយ ទីក្រុងតេហេរ៉ង់ គឺជាអ្នកនៅពីក្រោយការវាយប្រហារទាំងលើមូលដ្ឋានទ័ពអាមេរិកនៅអ៊ីរ៉ាក់និងស៊ីរី ក៏ដូចជាការយាយីលើនាវាដឹកទំនិញដែលមានទំនាក់ទំនងរវាងអ៊ីស្រាអែលនៅសមុទ្រក្រហម។
លោក Graham លើកឡើងថា “ខ្ញុំនិយាយជាងប្រាំមួយខែហើយ! វាយអ៊ីរ៉ង់ទៅ! ពួកគេមានអណ្តូងប្រេងនៅកណ្តាលវាល ពួកគេមានទីស្នាក់ការឆ្មាំបដិវត្តន៍ដែលអ្នកអាចមើលឃើញពីលំហ។ បំផ្ទុះវាឲ្យខ្ទេចចេញពីផែនទីទៅ! ទីក្រុង តេហេរ៉ង់ ជាអ្នកគាំទ្រក្រុមហ៊ូធី នៅប្រទេសយេម៉ែន ទាំងស្រុង, បើគ្មានអ៊ីរ៉ង់ទេក៏គ្មានក្រុមហ៊ូធីដែរ”។
ក្រុមដែលតាំងខ្លួនជារដ្ឋាភិបាលនៃប្រទេសយេម៉ែន បានចូលដៃជាមួយចលនាប៉ាឡេស្ទីន នៅក្នុងជម្លោះអ៊ីស្រាអែល-ហ្គាហ្សា ហើយចាប់ផ្តើមកំណត់គោលដៅលើកប៉ាល់ឈ្មួញ ដែលជាកម្មសិទ្ធិឬធ្វើដំណើរទៅប្រទេសអ៊ីស្រាអែលកាលពីចុងខែតុលា។ ក្រោយមក ក្រុមហ៊ុនដឹកជញ្ជូនធំៗ បានប្តូរផ្លូវទៅជុំវិញទ្វីបអាហ្រ្វិកវិញ ដោយពួកគេត្រូវចំណាយច្រើនជាងមុនសម្រាប់ការដឹកជញ្ជូន ដូចនេះក៏នាំឲ្យតម្លៃទំនិញកើនឡើងតាមនោះដែរ។
ក្រុមជាច្រើនផ្សេងទៀត ក៏បានបាញ់បង្ហោះដ្រូននិងគ្រាប់រ៉ុកកែត វាយប្រហារកងទ័ពអាមេរិកក្នុងប្រទេសអ៊ីរ៉ាក់ និងស៊ីរីផងដែរ។ ហើយថ្វីបើ សហរដ្ឋអាមេរិក ចាប់ផ្តើមការវាយប្រហារតាមអាកាសសងសឹក ប្រឆាំងនឹងគោលដៅចំនួនបីនៅក្នុងប្រទេសអ៊ីរ៉ាក់ កាលពីថ្ងៃចន្ទក៏ដោយ ប៉ុន្តែលោក Graham បានចោទប្រកាន់រដ្ឋមន្ត្រីការពារជាតិ Lloyd Austin ថា “ទន់ខ្សោយ” មិនព្រមវាយប្រហារឲ្យខ្លាំងជាងនេះ។
សូមបញ្ជាក់ លោក Graham ជាមនុស្សដែលគេស្គាល់ថា ចូលចិត្តញុះញ៉ង់ឲ្យប្រើកម្លាំងទ័ពនៅបរទេស ដូចអតីតសមាជិកព្រឹទ្ធសភារដ្ឋ Arizona លោក John McCain ដែរ។ លោក Graham គឺជាវរសេនីយ៍ឯកចូលនិវត្តនៅក្នុងកងទ័ពអាកាសសហរដ្ឋអាមេរិក ប៉ុន្តែគាត់បានចំណាយពេលនៃអាជីពយោធារបស់គាត់ធ្វើជាមេធាវី និងបន្ទាប់មកជាចៅក្រម នៅក្នុងអង្គភាពចៅក្រម Advocate General៕
ប្រែសម្រួល៖ Vann Vann
ប្រភព៖ RT
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១១ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ