ព័ត៌មានអន្ដរជាតិ
ស្លាប់សមាជិកឆ្មាំសមុទ្រ ជប៉ុន ៥ នាក់ និងរបួសធ្ងន់ម្នាក់ក្នុងឧបទ្ទវហេតុយន្តហោះបុកគ្នា
យន្តហោះរបស់ Japan Airlines ប្រភេទ Airbus A350 មួយគ្រឿងបានផ្ទុះឆេះនៅលើផ្លូវរត់នៅឯអាកាសយានដ្ឋាន Haneda នៃទីក្រុងតូក្យូ នៅថ្ងៃអង្គារ នេះ បន្ទាប់ពីបានបុកគ្នានៅលើដីជាមួយនឹងយន្តហោះឆ្មាំសមុទ្រជប៉ុន។អ្នកដំណើរសរុបចំនួន ៣៦៧ នាក់ និងសមាជិកនាវិក ១២ នាក់នៅលើយន្តហោះនេះ ត្រូវបានជម្លៀសចេញដោយសុវត្ថិភាពតាមរយៈច្រកសង្គ្រោះបន្ទាន់ ហើយហោចណាស់មនុស្ស ១៧ នាក់បានរងរបួស នេះបើយោងតាមការរាយការណ៍ពីទូរទស្សន៍ NHK ។
យ៉ាងណាមិញ ត្បិតតែអ្នកដំណើររបស់យន្តហោះ Airbus A350 ត្រូវបានសង្គ្រោះ ប៉ុន្តែសម្រាប់មនុស្ស ៥នាក់ក្នុងចំណោម ៦នាក់ នៅលើយន្តហោះឆ្មាំឆ្នេរសមុទ្របានស្លាប់ ហើយម្នាក់ដែលមានជីវិតនោះ ត្រូវបានគេរាយការណ៍ថា ជាប្រធានក្រុមរងរបួសធ្ងន់ធ្ងរ។
នាយករដ្ឋមន្ត្រី Fumio Kishida បាននិយាយថា វាជារឿងអកុសលណាស់ ដែលសមាជិកឆ្មាំឆ្នេរសមុទ្រទាំង៥នាក់បានស្លាប់ក្នុងឧបទ្ទវហេតុនេះ ដោយបានចូលរួមរំលែកទុក្ខយ៉ាងស្មោះស្ម័គ្រ និងនិយាយថា លោកមានការគោរពយ៉ាងខ្លាំងចំពោះកាតព្វកិច្ចដ៏រឹងមាំរបស់ពួកគេ ក្នុងការជួយជនរងគ្រោះដោយគ្រោះរញ្ជួយដី។សមាជិកទាំង៥នាក់ដែលបានស្លាប់ក្នុងឧបទ្ទវហេតុនេះរួមមាន Nobuyuki Tahara អាយុ ៤១ ឆ្នាំ, Yoshiki Ishida អាយុ ២៧ឆ្នាំ, Wataru Tatewaki អាយុ ៣៩ ឆ្នាំ, Makoto Uno អាយុ ៤៧ ឆ្នាំ និង Shigeaki Kato អាយុ ៥៦ ឆ្នាំ។
សូមជម្រាបផងដែរថា ឧបទ្ទវហេតុនេះបានកើតឡើងក្នុងអំឡុងពេលនៃការធ្វើដំណើរដ៏មមាញឹកបំផុតប្រចាំឆ្នាំ ដោយជនជាតិជប៉ុនរាប់លាននាក់បានធ្វើដំណើរទៅ-មក ពីស្រុកកំណើតរបស់ពួកគេក្នុងថ្ងៃឈប់សម្រាកឆ្នាំថ្មី។ ជាមួយគ្នានេះ Haneda គឺជាព្រលានយន្តហោះដែលមមាញឹកបំផុតរបស់ប្រទេសជប៉ុន ដែលបម្រើអ្នកដំណើរជិត ៩០ លាននាក់ក្នុងឆ្នាំ ២០១៩ មុនពេលការផ្ទុះឡើងនៃ COVID-19 ។ វាជាមជ្ឈមណ្ឌលសម្រាប់ក្រុមហ៊ុនអាកាសចរណ៍ Japan Airlines, All Nippon Airways និងក្រុមហ៊ុនអាកាសចរណ៍តូចៗជាច្រើនទៀត ៕
ប្រែសម្រួលដោយ: កុសល
ប្រភព: japantimes
-
ព័ត៌មានជាតិ២ ថ្ងៃ ago
ក្រោយជីកព្រែកហ្វូណនតេជោរួច វៀតណាមនឹងលែងមានឥទ្ធិពលមកលើវិស័យដឹកជញ្ជូនតាមផ្លូវទឹក
-
ព័ត៌មានអន្ដរជាតិ១ សប្តាហ៍ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
ព័ត៌មានអន្ដរជាតិ៦ ថ្ងៃ ago
ព្យុះព្រះអាទិត្យ ដ៏កាចសាហាវ វាយប្រហារភពផែនដី
-
ព័ត៌មានជាតិ៥ ថ្ងៃ ago
ការផ្លាស់ប្ដូរមេបញ្ជាការអាវុធហត្ថស្រុកមណ្ឌលសីមា ពុំមែនកំហុសឆ្គង ឬ វិន័យទណ្ឌកម្ម នោះទេ
-
ព័ត៌មានអន្ដរជាតិ៤ ថ្ងៃ ago
ស្លាប់២ របួស៣ ក្នុងករណីប្លន់រំដោះស្ដេចគ្រឿងញៀននៅបារាំង
-
ព័ត៌មានជាតិ២ ថ្ងៃ ago
កម្ពុជាប្តេជ្ញារក្សាគម្របព្រៃឈើឲ្យបាន ៦០% នៅត្រឹមឆ្នាំ ២០៥០
-
ព័ត៌មានអន្ដរជាតិ៣ ថ្ងៃ ago
នាយករដ្ឋមន្ត្រីស្លូវ៉ាគី កំពុងស៊ូទ្រាំជាមួយសេចក្តីស្លាប់ ក្នុងបន្ទប់សង្គ្រោះបន្ទាន់ ក្រោយការប៉ុនប៉ងធ្វើឃាត
-
ព័ត៌មានជាតិ៦ ថ្ងៃ ago
មន្ទីរកសិកម្មខេត្តកែប ច្រានចោលការចោទប្រកាន់ថា មន្រ្តីកាប់សាច់សត្វប្រើសចែកគ្នាដែលងាប់ក្នុងផ្ទះអ្នកស្រុក