Connect with us

ព័ត៌មានអន្ដរជាតិ

លោក ត្រាំ ជំរុញអ្នកសាធារណរដ្ឋ រារាំងព្រឹទ្ធសភា កុំឲ្យផ្តល់ជំនួយទៅ អ៊ុយក្រែន ដាច់ខាត

បានផុស

នៅ

Reuters រាយការណ៍ថា អតីតប្រធានាធិបតីអាមេរិកលោក ដូណាល់ ត្រាំ បានអំពាវនាវឲ្យគណបក្សសាធារណរដ្ឋ រារាំងច្បាប់ថវិកាដែលស្នើឡើងដោយព្រឹទ្ធសភា ដោយក្នុងនោះរួមមានទាំងជំនួយទឹកប្រាក់៦០ពាន់លានដុល្លារ ដល់អ៊ុយក្រែនផងដែរ។

អតីតប្រធានាធិបតីអាមេរិកលោក ដូណាល់ ត្រាំ (រូបថត៖ Getty)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ត្រាំ បានផ្ញើសារទៅកាន់អ្នកសាធារណរដ្ឋកាលពីថ្ងៃទី៥ខែកុម្ភៈថា “កុំល្ងង់ពេក! យើងត្រូវការច្បាប់អន្តោប្រវេសន៍និងព្រំដែនដាច់ដោយឡែក។ កញ្ចប់ថវិកានោះ មិនគួរចងភ្ជាប់ជាមួយជំនួយបរទេសឡើយ ទោះក្នុងទម្រង់ណាក៏ដោយ!”។

ចំពោះច្បាប់ខាងលើ, ថវិកាចំនួន១១៨ពាន់លានដុល្លារ កំពុងស្ថិតក្នុងសេចក្តីព្រាងរបស់ព្រឹទ្ធសភាអាមេរិក ដោយទាំងនោះត្រូវបែងចែកដូចជា ២០.២៣ពាន់លានដុល្លារសម្រាប់រឹតបន្តឹងសន្តិសុខព្រំដែន, ៦០ពាន់លានដុល្លារសម្រាប់ជំនួយដល់អ៊ុយក្រែន, ១៤.១ពាន់លានដុល្លារសម្រាប់ជំនួយសន្តិសុខដល់អ៊ីស្រាអែល, ២.៤៤ពាន់លានដុល្លារសម្រាប់បញ្ជាការកណ្តាលនៃយោធាអាមេរិកនិងប្រតិបត្តិការនៅសមុទ្រក្រហម, ៤.៨៣ពាន់លានដុល្លារសម្រាប់គាំទ្រដៃគូរបស់ទីក្រុងវ៉ាស៊ីនតោននៅឥណ្ឌូប៉ាស៊ីហ្វិក ខណៈ១០ពាន់លានដុល្លារត្រូវបានគ្រោងទុកដើម្បីផ្តល់ជំនួយមនុស្សធម៌ដល់ជនស៊ីវិលនៅតំបន់ហ្គាហ្សាស្ទ្រីប វេសប៊េងនិងអ៊ុយក្រែន។

(រូបថត៖ AP)

អតីតប្រធានាធិបតីអាមេរិក បានហៅច្បាប់ចំណាយខាងលើថាជា អំណោយដល់គណបក្សប្រជាធិបតេយ្យ និងថា សេចក្តីព្រាងច្បាប់នេះ នឹងជួយអ្នកប្រជាធិបតេយ្យឲ្យរួចផុតពីបន្ទុកនៃបញ្ហាអន្តោប្រវេសន៍និងព្រំដែន ដោយទុកឲ្យគណបក្សសាធារណរដ្ឋជាអ្នកទទួលខុសត្រូវវិញ។

ទោះបីជាយ៉ាងណាក៏ដោយ ប្រធានាធិបតីអាមេរិកលោក ចូ បៃដិន បានបង្ហាញការគាំទ្រដ៏រឹងមាំចំពោះច្បាប់នេះ ហើយអំពាវនាវឲ្យសភាត្រូវអនុម័តយ៉ាងឆាប់រហ័ស នូវកិច្ចព្រមព្រៀងថវិកាក្នុងរយៈពេលពីរបីថ្ងៃខាងមុខ ប៉ុន្តែលទ្ធភាពនៃការផ្តល់សច្ចាប័នលើសេចក្តីព្រាងច្បាប់នេះ ច្បាស់ជាទទួលការប្រឆាំងពីសមាជិកសភាមួយចំនួនជាក់ជាមិនខានឡើយ។

ប្រធានាធិបតីអាមេរិកលោក ចូ បៃដិន (រូបថត៖ Getty)

សូមបញ្ជាក់ថា លោក ត្រាំ នៅតែមានឥទ្ធិពលខ្លាំងក្នុងគណបក្សសាធារណរដ្ឋ ដែលជាគណបក្សគ្រប់គ្រងសភាតំណាងរាស្រ្តអាមេរិក។ លោក​ក៏​ជា​បេក្ខជន​នាំមុខ​ខាង​គណបក្ស​សាធារណរដ្ឋ ​សម្រាប់​ការ​បោះឆ្នោត​ជ្រើសរើស​ប្រធានាធិបតី​អាមេរិក​ក្នុង​ខែវិច្ឆិកាផងដែរ។

ស្របពេលជាមួយគ្នានេះ ប្រទេសអ៊ុយក្រែននិងសម្ព័ន្ធមិត្តលោកខាងលិចជាច្រើន បារម្ភថា ប្រសិនបើលោក ត្រាំ ជាប់ឆ្នោតមែន អាមេរិកនឹងបញ្ចប់ការគាំទ្រទីក្រុងកៀវទាំងស្រុង៕

អត្ថបទ៖ សុខ សុវណ្ណ

ចុចអាន៖ លោក ដូណាល់ ត្រាំ នឹងដំឡើងថ្លៃពន្ធលើទំនិញចិន លើសពី ៦០% ប្រសិនបើបានឈ្នះឆ្នោត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៥ ថ្ងៃ មុន

ចាប់បានឃាតករំលោភសម្លាប់ស្ត្រីពោះធំ ៥ ខែ ប្លន់យកម៉ូតូ និងទូរស័ព្ទ រួចដុតសាកសពចោលក្នុងព្រៃ នៅខេត្តកណ្ដាល

ព័ត៌មានជាតិ៥ ថ្ងៃ មុន

ទោះរមណីយដ្ឋានអន្លង់ផ្សោតព្រះរំកិលលែងមានសត្វផ្សោត តែភ្ញៀវទេសចរអាចទៅទស្សនាឆ្អឹងផ្សោតបាន

ជីវិតកម្សាន្ដ៧ ថ្ងៃ មុន

តួកាច Benz ទម្លាយថា នាងធ្លាប់វាយរឹកដាក់អ្នកគាំទ្រ ពេលកេរ្តិ៍ឈ្មោះល្បីល្បាញខ្លាំងកាលវ័យជំទង់

ជីវិតកម្សាន្ដ៤ ថ្ងៃ មុន

សណ្ឋាគារ Novotel បង្ហាញខ្លួនលើកដំបូងនៅកម្ពុជា ចាប់បើកដំណើរការនៅថ្ងៃទី៩ ខែកុម្ភៈ ឆ្នាំ២០២៤​ ខាងមុខ លើឆ្នេរឯករាជ្យ ក្រុងព្រះសីហនុ

ជីវិតកម្សាន្ដ៧ ថ្ងៃ មុន

ខេមរៈ សិរីមន្ត រម្លឹកមួយឃ្លាថា «ក្មេងអាចដើរបានរហ័សតែកុំភ្លេចថាចាស់ស្គាល់ផ្លូវ»

Sokha Hotels

ព័ត៌មានពេញនិយម