Connect with us

ព័ត៌មានអន្ដរជាតិ

លោក សេដ្ឋា សុំធនាគារជាតិ ថៃ ពិចារណាបន្ថយអត្រាការប្រាក់ គិតសុខ​ទុក្ខប្រជាជនជាធំ

បានផុស

នៅ

តាម​ការ​ចុះ​ផ្សាយ​របស់​សារព័ត៌មាន​ថៃ ​Khoasod ​បាន​​ឲ្យ​ដឹង​ថា លោក​នាយក​រដ្ឋ​មន្ត្រី​​ថៃ សេដ្ឋា​​ ថាវីស៊ីន នៅ​បន្ត​ទទូច​​ស្នើ​សូម​ឲ្យ​​ថ្នាក់​ដឹក​នាំ​នៃ​ធនាគារ​ជាតិ​ថៃពិចារណា​ទៅ​លើ​សុខ​ទុក្ខ​ប្រជាជន​​ជា​ធំ ពោល​គឺ​សូមឲ្យ​​ប្រើ​គោលនយោបាយ​​សម្រួល​​បន្ថយ​អត្រា​ការ​ប្រាក់​សម្រាប់​ប្រជាជន ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភព​ព័ត៌មាន​ដដែល​បាន​​ឲ្យ​ដឹង​ថា លោក សេដ្ឋា ​​​បាន​​ថ្លែង​​នា​ក្នុង​សន្និសីទ​ព័ត៌មាន​​ស្តី​ពី​ចក្ខុវិស័យ​អភិវឌ្ឍ​​​ទីក្រុង​ឧស្សាហកម្ម​ថៃ កាល​ពី​ពេលកន្លង​ទៅ​ថា លោក​នៅ​តែ​ទទូច​សុំ​ដល់​ទេសាភិបាល​ធនាគារ​ជាតិ​ថៃ ឲ្យ​ពិចារណា​រឿង​នេះ ទោះ​​នេះ​ជា​លើក​ទី​ ៤ ឬ​ទី​ ៥ ​ដង ដែល​លោក​​​ស្នើ​សុំ​ក៏​ដោយ ​។

លោក ​​សេដ្ឋា ​ក៏​បាន​ឲ្យ​ដឹង​បន្ថែម​ថា លោក​យល់​អំពី​​សិទ្ធិ​​នេះ​​ ដែល​ជាដែន​សមត្ថកិច្ច​របស់​ទេសាភិបាល​​ធនាគារ​​​ជាតិថៃ​ក្នុង​ការ​សម្រេច​ចិត្ត ប៉ុន្តែ​វា​ក៏​ជា​តួ​នាទី​របស់​លោក​ដែល​ត្រូវ​ពន្យល់​ដល់​ខាង​ធនាគារ​ជាតិ​​អំពី​សុខ​ទុក្ខ​ប្រជាជន​ ព្រោះ​ធនាគារ​នេះ​ជា​អ្នក​ធ្វើ​​ការ​ពាក់​ព័ន្ធ​នឹង​គោល​​នយោបាយ​រូបិយវត្ថុ​​ ហើយ​វា​ទាក់​ទង​ផ្ទាល់​​ទៅ​ដល់​ជីវភាព​ប្រជាជន ។ ទោះ​បី​ជា​រដ្ឋាភិបាល​ពុំ​​មាន​​ដែន​សមត្ថកិច្ច​ក្នុង​រឿង​គោល​នយោបាយ​រូបិយវត្ថុ​នេះក៏ដោយ ប៉ុន្តែ​លោក​សង្ឃឹម​ថា ភាគី​ទាំង​ពីរ​ ទាំង​​រដ្ឋាភិបាល​ និង​ធនាគារជាតិនឹង​គោរព​ សហការ​ការងារ​គ្នា​ទៅ​វិញ​ទៅ​មក ​។

“ខ្ញុំ​បាន​​ស្នើ​សូម​ ហើយ​នៅ​តែ​ទទូច​សុំ​។ កត្តា​បី​​ដែល​​រា​រាំង​សេដ្ឋ​កិច្ច​ថៃ ដែល​ខ្ញុំ​​ធ្លាប់​បាន​លើក​ឡើង​ គឺ​កត្តា​​តម្លៃ​ប្រេង ​ទេស​ចរ​ចិន និង​​ភាព​យឺត​យ៉ាវ​នៃ​​ការ​បញ្ចេញ​ចំណាយ​ថវិកា​។ ខ្ញុំ​ជឿ​ថា បញ្ហា​ទាំង​នឹង​នេះ គឺ​ធ្លាប់​បាន​ពិភាក្សា​គ្នា​រួច​មក​ហើយ។ ពួក​យើង​ព្យាយាម​ជំរុញ​ឲ្យ​​លំហូរ​នាំ​ចេញ​ផលិត​ផល​ថៃ​​ទៅ​ប្រទេស​ចិន ក៏​ដូច​​ជា​ទាក់​ទាញ​ទេស​ចរ​ចិន​មក​​ផង ​។ ហើយ​បញ្ហា​ថវិកា​នេះ​នៅ​តែ​ជា​​ក្តី​បារម្ភ ដូច​ដែល​គ្រប់​គ្នា​ដឹង​ហើយ​ថា ពួក​យើង​មាន​គោល​នយោបាយ​ដើម្បី​ជំរុញ​កំណើន​សេដ្ឋកិច្ច​ ដែល​នឹង​ត្រូវ​អនុវត្ត​​ឲ្យ​បាន​នៅ​ក្នុង​ខែ​ឧសភា​ខាង​មុខ​នេះ ហើយ​គ្រប់​ភាគី​ក៏​កំពុង​ធ្វើ​ការ​​លើ​​រឿង​នេះ​”។ នេះ​បើ​តាម​សម្តី​លោក សេដ្ឋា ថាវីស៊ីន នាយករដ្ឋ​មន្ត្រី​​ទី​ ៣០​ របស់ថៃ ។

​ដោយ​ឡែក​លោក​ក៏​បាន​លើក​ឡើង​ថា អត្រា​ការ​ប្រាក់​បច្ចុប្បន្ន​ ២.៥ ភាគរយ​ នៅ​តែ​ជា​បន្ទុក​​​ធ្ងន់​មួយ​ដល់​ប្រជាជន​ ក៏​ដូច​ជា​រដ្ឋាភិបាល​ថៃ។ ទោះ​បី​ជា​មក​ដល់​ពេល​នេះ ខាង​ធនាគារ​ជាតិមិន​ទាន់​ការ​ឆ្លើយ​តប​អ្វី​ក៏​ដោយ ក៏​លោក​នៅ​តែ​សូម​ឲ្យ​ខាង​ទេសាភិបាល​​ គិត​ពិចារណា​អំពី​ប្រជាជន​គ្រប់​ស្រទាប់​វណ្ណៈ គឺ​ជា​ផ្នែក​សំខាន់​មួយ​នៅ​ក្នុង​​មុំ​សំខាន់​ៗ​ផ្សេង​ទៀត​នៃ​ការ​អភិវឌ្ឍ​ប្រទេស។ ហើយ​លោក​​សង្ឃឹម​ថា ទាំង​នយោបាយ​សារពើពន្ធ និង​នយោបាយ​រូបិយវត្ថុ​​នឹង​អាច​សហការ​គ្នា ដើម្បី​ជួយ​ប្រជាពល​រដ្ឋ ហើយ​កិច្ច​ពិភាក្សា​ស៊ី​ជម្រៅ​នឹង​​មាន​ឆាប់​ៗ​ ៕

ដោយ​៖ មាន រតនា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៥ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម