ព័ត៌មានអន្ដរជាតិ
ជើងហោះហើរនិងសណ្ឋាគារនៅសិង្ហបុរីមមាញឹកកើបលុយ ក្រោយមនុស្សសម្រុកចូលរួមការប្រគំតន្រ្តី Taylor Swift
Taylor Swift បានមកដល់ប្រទេសសិង្ហបុរីដោយកំណត់ទិសដៅអាស៊ីអាគ្នេយ៍ផ្តាច់មុខសម្រាប់កម្មវិធី The Eras Tour ខណៈការសម្តែងនឹងចាប់ផ្តើមនៅថ្ងៃទី ២-៤ ខែមីនា និងថ្ងៃទី ៧-៩ ខែមីនា នៅពហុកីឡដ្ឋានជាតិ។ ស្របពេលដែល ជើងហោះហើរកំពុងមមាញឹកកើបលុយយ៉ាងក្រាស់ក្រែល ក្រោយអ្នកគាំទ្រសម្រុកចូលរួមការប្រគំតន្រ្តីតារាចម្រៀងប៉ុបអាមេរិក ។
កាសែត The Straits Times បានរាយការណ៍ថាតារាស្រីវ័យ៣៥ ឆ្នាំរូបនេះបានចុះចតនៅម៉ោង ៥:០៥ ល្ងាចកាលពីថ្ងៃអង្គារ នៅក្នុងយន្តហោះ Bombardier Global Express។ ការធ្វើដំណើររបស់ Taylor Swift ទៅកាន់សិង្ហបុរី តាមជើងហោះហើរមានរយៈពេលប្រហែល ៨ ម៉ោង ក្នុងពេលដែលបុគ្គលជាង ៦,០០០ នាក់បានតាមដានការហោះហើរនៅលើ Flightradar24 ដែលធ្វើឲ្យវាក្លាយជាជើងហោះហើរដែលមានការតាមដានច្រើនបំផុតនៅជុំវិញពេលវេលានៃការចុះចតរបស់វា។
នៅពេលនាងមកដល់ Taylor Swift រួមដំណើរដោយក្រុមរបស់នាងបានបន្តទៅសណ្ឋាគារ Capella Resort ក្នុងរថយន្ត Toyota Alphards ពណ៌ខ្មៅ ដោយទៅដល់គោលដៅនៅម៉ោងប្រហែល ៦:២០ ល្ងាច។ កន្លែងស្នាក់នៅរបស់តារាចម្រៀងគឺស្ថិតនៅចម្ងាយ ២១ នាទីពីកន្លែងប្រគំតន្ត្រី។
ទោះយ៉ាងណាក៏ដោយ ប្រទេសសឹង្ហបុរីមានភាពរំភើបរីករាយជាមួយនឹងការប្រគំតន្ត្រីរបស់ Taylor Swift ដែលបង្ហាញពីព្រឹត្តិការណ៍ទូទាំងទីក្រុង និងការលេចចេញនូវកម្មវិធីលក់រាយផ្សេងៗ ដោយបានទាក់ទាញអ្នកចូលរួមជាង ៣០០,០០០ នាក់មកពីប្រទេសសិង្ហបុរី និងក្នុងតំបន់ ហើយស៊េរីការប្រគំតន្ត្រីនេះបានបង្កឲ្យមានការកើនឡើងនៃការកក់សណ្ឋាគារ និងជើងហោះហើរសឹងមិនគួរឲ្យជឿ។
ស្ថានីយទូរទស្សន៍ CNBC រាយការណ៍ថា យោងតាមទិន្នន័យស្រាវជ្រាវទេសចរណ៍ Smith Travel ការកក់សណ្ឋាគារនៅប្រទេសសិង្ហបុរីសម្រាប់ខែមីនា ឆ្នាំ ២០២៤ បានកើនឡើង ១០% បន្ទាប់ពីការប្រកាសពីការប្រគំតន្ត្រីរបស់ នាង ។
លើសពីនេះ ក្រុមហ៊ុនអាកាសចរណ៍ រួមទាំង Singapore Airlines និង Scoot បានជួបប្រទះការកើនឡើងនៃតម្រូវការជើងហោះហើរទៅកាន់ប្រទេសសិង្ហបុរីក្នុងខែមីនា ជាពិសេសពីអាស៊ីអាគ្នេយ៍។ Jetstar Asia ក៏បានឃើញការកើនឡើងប្រហែល ២០% នៃតម្រូវការសម្រាប់ជើងហោះហើរពីទីក្រុងនានាដូចជា បាងកក ម៉ានីល និងចាកាតា ទៅកាន់ប្រទេសសិង្ហបុរីផងដែរ៕
អត្ថបទ៖ សាង ស្រីល័ក្ខ
ចុចអាន៖Taylor Swift ស្នាក់នៅវិឡាប្រណិតលើទឹកដីអូស្ត្រាលី មួយយប់ជិត២ម៉ឺនដុល្លារឯណោះ
-
សន្តិសុខសង្គម១ សប្តាហ៍ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៥ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៤ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៦ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ២៣ ម៉ោង agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ៤ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
ព័ត៌មានអន្ដរជាតិ២ ថ្ងៃ agoកូរ៉េខាងជើង ត្រៀមដាក់ពង្រាយកាំភ្លើងធំស៊េរីថ្មី នៅក្បែរព្រំដែន និងបង្អួតនាវាចម្បាំងខ្នាតយក្ស
-
ព័ត៌មានជាតិ២៤ ម៉ោង agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា