ព័ត៌មានអន្ដរជាតិ

កសិដ្ឋានដាំបន្លែបញ្ឈរខ្ពស់បំផុតក្នុងពិភពលោក បើកដំណើរការ នៅសង្ហិបុរី

បានផុស

៦ ខែ មុន

នៅ

ថ្ងៃសុក្រ ៩ មករា ២០២៦

ដោយ

រោងដាំបន្លែបែបទំនើបមួយនៅលើដីកម្ទស់ជាង២៣ម៉ែត្រ មានរាងចតុកោណកែងជាច្រើន ក្នុងបរិវេណកសិដ្ឋានដាំបន្លែបញ្ឈរខ្ពស់បំផុតរបស់ពិភពលោក ត្រូវបានដាក់បើកដំណើរការ កាលពីថ្ងៃទី៧ខែមករា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសារព័ត៌មាន The Straits Times ឱ្យដឹងថា កសិដ្ឋាន Greenphyto ដែលមានទីតាំងនៅតំបន់ឧស្សាហកម្ម Jurong West គឺជាចក្ខុវិស័យមួយដែលមានរយៈពេល ១៤ឆ្នាំក្នុងការផលិត។

ខាត់ណាចិន [kailan] កញ្ចប់ ២០០ក្រាម របស់កសិដ្ឋាន Greenphyto មានតម្លៃ ៣.៩៥ដុល្លារអាមេរិក។ ចំណែកសាឡាត់ក្រញ៉ាញ់ មួយកញ្ចប់១០០ក្រាម ដាក់លក់ជា Mambo Lettuce មានតម្លៃ ៣.២០ ដុល្លារអាមេរិក។

ជាពិសេសកសិដ្ឋាននេះក៏អាចដាំស្ពៃជប៉ុន ផ្ទី និងស្លឹករ៉ឺកែតផងដែរ ក្នុងចំណោមបន្លែបៃតងផ្សេងទៀត។

ចំណែកអគារចំនួនប្រាំជាន់ មានតម្លៃ ៨០លានដុល្លារ មានទំហំផ្ទៃដី២ហិកតា និងអាចផលិតបន្លែបៃតងបាន ២ ០០០តោន ក្នុងមួយឆ្នាំពេញ។ បច្ចុប្បន្នផលិតបាន២០០តោនក្នុងមួយឆ្នាំ។

ជាមួយនឹងប៉ាតង់ចំនួន៦៩ នៅពីក្រោយការច្នៃប្រឌិតដែលជួយបង្កើនប្រសិទ្ធភាពកំណើនដំណាំ និងកាត់បន្ថយការចំណាយ។ កសិដ្ឋាននេះត្រូវបានបំពាក់ដោយបច្ចេកវិទ្យា [AI] មនុស្សយន្ត និងបច្ចេកវិទ្យាស្វ័យប្រវត្តិកម្ម។

គួរឱ្យដឹងផងដែរថា ការបើកជាផ្លូវការនៃកសិដ្ឋាន ត្រូវបានចូលរួមដោយប្រធានាធិបតីសិង្ហបុរី លោក Tharman Shanmugaratnam ដែលលោករំពឹងខ្ពស់ថា កសិដ្ឋាននេះអាចកើតឡើងនៅពេលនេះបាន វាជាការរំពឹងទុក នៃកសិដ្ឋានបញ្ឈរផ្សេងទៀត ជាពិសេសទូទាំងពិភពលោកក៏អាចកើតឡើងបានដែរ៕

ប្រែសម្រួល៖ ណឺ មិនា