ព័ត៌មានអន្ដរជាតិ
អាមេរិក ដំឡើងផែបណ្ដែតទឹក ដឹកជំនួយចូលតំបន់ហ្គាហ្សា
យោធាអាមេរិក បានចាប់ផ្ដើមដំឡើងផ្លូវ និងផែបណ្ដែតទឹក កាលពីយប់ថ្ងៃទី១៥ ខែឧសភាម្សិលមិញ ក្នុងគោលបំណងដឹកជញ្ជូនជំនួយមនុស្សធម៌ចូលទៅឲ្យប្រជាពលរដ្ឋរស់នៅតំបន់ហ្គាហ្សា។ នេះបើយោងតាមការចុះផ្សាយរបស់សារព័ត៌មាន UPI។
ការដំឡើងនេះ នឹងចំំណាយពេល ៤៨ម៉ោង ដែលសង់ចេញពីកំពង់ផែ Ashdod របស់អ៊ីស្រាអែល មានចម្ងាយប្រមាណ ២៤គីឡូម៉ែត្រពីភាគខាងជើងតំបន់ហ្គាហ្សា។ ក្រសួងការពារជាតិអាមេរិក បានឲ្យដឹងថា ក្នុងជំហានដំបូង ផ្លូវទឹកថ្មីនេះ នឹងអនុញ្ញាតឲ្យមានឡានដឹកជំនួយប្រហែល ៩០គ្រឿងក្នុង១ថ្ងៃ ហើយតួលេខនេះ នឹងកើនដល់ប្រមាណ ១៥០គ្រឿងក្នុង១ថ្ងៃ នៅពេលផែ និងផ្លូវបណ្ដែតទឹកត្រូវបានដំឡើងរួចរាល់ជាស្ថាពរ។
បើតាមពិតទៅ ការសង់បណ្ដុំនៃផែ និងផ្លូវបណ្ដែតទឹក បានចប់រួចរាល់តាំងតែពីសប្ដាហ៍មុនមកម៉្លេះ ប៉ុន្តែដោយសារកត្តាអាកាសធាតុមិនអំណោយផលទើបការដឹកជញ្ជូនបណ្ដុំទាំងនោះមកដំឡើងមានសភាពយឺតយ៉ាវ។
មន្ត្រីមន្ទីរបញ្ចកោណ បានប៉ាន់ស្មានថា ការសង់ផែ និងផ្លូវបណ្ដែតទឹក ក្នុងគោលបំណងដឹកអាហារ និងជំនួយផ្សេងៗទៅហ្គាហ្សា នឹងចំណាយអស់ថវិកាប្រហែល ៣២០លានដុល្លារ។
គួររំឭកថា ហ្គាហ្សា មានផ្លូវគោកសម្រាប់ដឹកជំនួយមនុស្សធម៌ចំនួន ២ ដែលស្ថិតនៅតំបន់ Kerem Shalom និងក្រុង Rafah។ ប៉ុន្តែដោយសារតែក្រុមហាម៉ាសបានធ្វើការវាយប្រហារដោយគ្រាប់រ៉ុក្កែតកាលពីពេលថ្មីៗទើបខាងអ៊ីស្រាអែលសម្រេចចិត្តបិទការឆ្លងកាត់តំបន់ Kerem Shalom ជាបណ្ដោះអាសន្ន។ ដោយឡែកចំពោះការឆ្លងកាត់តាមក្រុង Rafah វិញ ក៏ត្រូវជាប់គាំងផងដែរ ខណៈដែលអ៊ីស្រាអែលបានចាប់ផ្ដើមវាយបំបុកចូលកាន់តែខ្លាំងប្រឆាំងនឹងកងកម្លាំងហាម៉ាសចំនួន ៤ក្រុម ដែលកំពុងមានវត្តមាននៅភាគខាងត្បូងហ្គាហ្សា។
លោក Daniel Dieckhaus នាយកផ្នែកជំនួយនៃទីភ្នាក់ងារសហរដ្ឋអាមេរិកសម្រាប់ការអភិវឌ្ឍអន្តរជាតិ (USAID) បានប្រាប់ថា មានពលរដ្ឋហ្គាហ្សាប្រហែល ៤៥ម៉ឺននាក់ បានរត់ភៀសខ្លួនចេញពីក្រុង Rafah គិតចាប់តាំងពីថ្ងៃទី៦ ខែឧសភា នៅពេលដែលអ៊ីស្រាអែលត្រៀមខ្លួនវាយចូល ដើម្បីកម្ចាត់ក្រុមហាម៉ាស។ លោក Dieckhaus បានបន្ថែមថា “សកម្មជនមនុស្សធម៌កំពុងជួបប្រទះបញ្ហាប្រឈមខ្លាំង ដើម្បីដឹកជំនួយចូលក្នុងក្រុង Rafah ដោយសារការបិទច្រកព្រំដែនសំខាន់ៗ ក៏ដូចជាការចូលទៅកាន់ឃ្លាំង និងការចែកចាយជំនួយ ព្រោះតែស្ថានភាពកាន់តែយ៉ាប់យ៉ឺនឡើងៗ”។
សូមបញ្ជាក់ថា សហរដ្ឋអាមេរិក បានចាត់ទុកក្រុមហាម៉ាស ជាក្រុមភេរវករបរទេស កាលពីថ្ងៃទី៨ ខែតុលា ឆ្នាំ១៩៩៧៕
ដោយ៖ ឈាង
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១៦ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន