ព័ត៌មានអន្ដរជាតិ
របាយការណ៍ UN៖ ផែនការលុបបំបាត់ភាពអត់ឃ្លានសកលនៅឆ្នាំ២០៣០ ត្រូវរាំងស្ទះ
របាយការណ៍ថ្មីមួយរបស់អង្គការសហប្រជាជាតិ បានដឹងឲ្យថា គោលដៅលុបបំបាត់ភាពអត់ឃ្លានជាសាកលនៅឆ្នាំ ២០៣០ ត្រូវបានបង្អាក់ ខណៈដែលចំនួនមនុស្សទទួលរងនូវភាពអត់ឃ្លានរ៉ាំរ៉ៃបានផ្លាស់ប្តូរនិងកើនឡើងយ៉ាងគំហុកកាលពីឆ្នាំមុន។ នេះបើយោងតាមការចេញផ្សាយរបស់សារព័ត៌មាន Al Jazeera នៅពីថ្ងៃទី២៥ខែកក្កដានេះ។
របាយការណ៍ប្រចាំឆ្នាំរបស់អង្គការសន្តិសុខស្បៀង និងអាហារូបត្ថម្ភក្នុងពិភពលោក ដែលបានចេញផ្សាយកាលពីថ្ងៃពុធ បាននិយាយថា មនុស្សប្រហែល៧៣៣លាននាក់ប្រឈមភាពអត់ឃ្លានក្នុងឆ្នាំ២០២៣ ដែលក្នុងនោះ ១នាក់ក្នុងចំណោម១១នាក់កើតមាននៅទូទាំងពិភពលោក និងម្នាក់ក្នុងចំណោម៥នាក់កើតមាននៅទ្វីបអាហ្រ្វិក ខណៈជម្លោះ ការប្រែប្រួលអាកាសធាតុ និងវិបត្តិសេដ្ឋកិច្ចបណ្តាលឱ្យតួលេខកើនខ្ពស់។
លោក David Laborde ប្រធានផ្នែកក្នុងអង្គការស្បៀងអាហារនិងកសិកម្ម(FAO) របស់អង្គការសហប្រជាជាតិ បានឲ្យដឹងថា ទោះបីជាមានការរីកចម្រើននៅក្នុងតំបន់មួយចំនួន ប៉ុន្តែស្ថានការណ៍ធ្លាក់ចុះកាន់តែយ៉ាប់យ៉ឺនស្ទើរពេញពិភពលោក ដែលមាននិន្នាការបង្អាក់នូវគោលដៅដើម្បីលុបបំបាត់ភាពអត់ឃ្លាននៅឆ្នាំ២០៣០ ដោយសារបញ្ហាប្រឈមដូចជាការប្រែប្រួលអាកាសធាតុ និងសង្រ្គាមក្នុងតំបន់ដែលបានកើនឡើងខ្លាំងជាងការរំពឹងទុកក្នុងពេលប៉ុន្មានឆ្នាំនេះ។ ប្រសិនបើស្ថានភាពបច្ចុប្បន្ននៅតែបន្ត មនុស្សប្រហែល៥៨២លាននាក់នឹងទទួលរងនូវកង្វះអាហារូបត្ថម្ភរ៉ាំរ៉ៃនៅចុងទសវត្សរ៍នេះ។
របាយការណ៍ក៏បានបង្ហាញថា ៧១,៥ភាគរយនៃប្រជាជននៅក្នុងប្រទេសដែលមានប្រាក់ចំណូលទាបមិនមានលទ្ធភាពទទួលបានរបបអាហារល្អទេកាលពីឆ្នាំមុនទេ បើធៀបនឹង៦,៣ភាគរយនៅក្នុងប្រទេសដែលមានប្រាក់ចំណូលខ្ពស់។ បើទោះបីគ្រោះទុរ្ភិក្សតែងតែកើតឡើងជាធម្មតា ប៉ុន្តែវាបានធ្វើឲ្យកង្វះអាហារូបត្ថម្ភកាន់តែអាក្រក់ទៅ ធ្វើឱ្យមនុស្សបាត់បង់ជីវិត ធ្វើឱ្យមានការបង្អាក់ទាំងការវិវឌ្ឍន៍ផ្លូវកាយ និងផ្លូវចិត្តរបស់ទារកនិងកុមារ ហើយបណ្ដាលឱ្យមនុស្សពេញវ័យងាយនឹងឆ្លងមេរោគនិងជំងឺថែមទៀត។
ជាមួយគ្នានេះ នាយកប្រតិបត្តិអង្គការ UNICEF លោកស្រី Catherine Russell បាននិយាយនៅក្នុងសេចក្តីថ្លែងការណ៍មួយថា៖«កង្វះអាហារូបត្ថម្ភប៉ះពាល់ដល់ការរស់រានមានជីវិត ការលូតលាស់រាងកាយ និងការអភិវឌ្ឍខួរក្បាលរបស់កុមារ»។ ប៉ុន្តែ លោកស្រីបានកត់សម្គាល់ថា អត្រាកុមារក្រិនទូទាំងពិភពលោកបានធ្លាក់ចុះមួយភាគបី ឬ៥៥លាននាក់ក្នុងរយៈពេលពីរទសវត្សរ៍កន្លងមកនេះ តាមរយៈការខិតខំប្រឹងប្រែងកាត់បន្ថយរបស់អង្គការពិភពលោកនានា៕
អត្ថបទ៖ ប៊ុន សុភាព
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១៧ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន