ព័ត៌មានអន្ដរជាតិ

ប្រទេសឈូងសមុទ្រ ទទូចឱ្យ UNSC ធ្វើសកម្មភាពបន្ទាន់ ដើម្បីបញ្ឈប់អ៊ីរ៉ង់វាយពួកគេ

បានផុស

៣ ខែ មុន

នៅ

ថ្ងៃសុក្រ ៣ មេសា ២០២៦

ដោយ

ប្រធានក្រុមប្រឹក្សាសហប្រតិបត្តិការឈូងសមុទ្រ (GCC) អំពាវនាវដល់អង្គការសហប្រជាជាតិ (UN) ឱ្យធ្វើសកម្មភាពបន្ទាន់ ដើម្បីបញ្ឈប់ការវាយប្រហាររបស់អ៊ីរ៉ង់នៅទូទាំងតំបន់មជ្ឈិមបូព៌ា ដោយបានថ្កោលទោសការវាយប្រហាររបស់ទីក្រុងតេហេរ៉ង់ជាការរំលោភបំពានធ្ងន់ធ្ងរលើច្បាប់អន្តរជាតិនិងធម្មនុញ្ញអង្គការសហប្រជាជាតិ។

ថ្លែងក្នុងកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិ (UNSC) កាលពីថ្ងៃព្រហស្បតិ៍ អគ្គលេខាធិការ GCC លោក Jassim al-Budaiwi បានជំរុញឱ្យ UNSC ចាត់វិធានការចាំបាច់ទាំងអស់ ដើម្បីបញ្ចប់ការវាយប្រហាររបស់អ៊ីរ៉ង់លើប្រទេសឈូងសមុទ្រ។ នេះបើយោងតាម Al Jazeera ផ្សាយថ្ងៃ ទី២ ខែមេសា ឆ្នាំ២០២៦។

កិច្ចប្រជុំរបស់ប្រទេសឈូងសមុទ្រ។ រូបភាព៖ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក al-Budaiwi លើកឡើងថា៖ « ក្រុមប្រឹក្សាសន្តិសុខអង្គការសហប្រជាជាតិត្រូវតែចាត់វិធានការចាំបាច់ទាំងអស់ ដើម្បីការពារច្រកសមុទ្រ និងធានាថា ការធ្វើនាវាចរណ៍ឆ្លងកាត់ច្រកនេះ ដោយមិនមានការរំខានតាមរយៈផ្លូវទឹកយុទ្ធសាស្ត្រទាំងអស់ក្នុងតំបន់»។

លោកសង្កត់ធ្ងន់ទៀតថា៖ « រដ្ឋ GCC ចំនួន៦ មាន អារ៉ាប៊ីសាអូឌីត កាតា បារ៉ែន អូម៉ង់ គុយវ៉ែត និងអារ៉ាប់រួម ត្រូវតែរួមគ្នាក្នុងការចរចាឬធ្វើកិច្ចព្រមព្រៀងណាមួយជាមួយអ៊ីរ៉ង់ ដើម្បីបង្កើនសន្តិសុខក្នុងតំបន់និងទប់ស្កាត់នៃការកើនឡើងនានា ដែលជាការវាយប្រហារស្រដៀងគ្នានេះកើតឡើងម្តងទៀតនាពេលអនាគត»។

លោក al-Budaiwi បន្តថា៖ «ក្រុមប្រឹក្សាឈូងសមុទ្រអារ៉ាប់ (GCC) បញ្ជាក់ជាថ្មីពីតម្រូវការបន្ទាន់ក្នុងការបញ្ឈប់ការវាយប្រហារទាំងអស់ជាបន្ទាន់ ស្តារសន្តិសុខ ស្ថិរភាព និងរក្សាភាពស្ងប់ស្ងាត់ក្នុងតំបន់ ជាពិសេសធានាសុវត្ថិភាពនៃការធ្វើនាវាចរណ៍តាមផ្លូវសមុទ្រ ដោយសុវត្ថិភាពនៃខ្សែសង្វាក់ផ្គត់ផ្គង់អន្តរជាតិ និងការការពារទីផ្សារថាមពលសកល»។

គួរបញ្ជាក់ថា អ៊ីរ៉ង់បានធ្វើការវាយប្រហារសងសឹកដោយមីស៊ីលនិងដ្រូនជារៀងរាល់ថ្ងៃនៅទូទាំងមជ្ឈិមបូព៌ា រួមទាំងប្រទេសក្នុងឈូងសមុទ្រអារ៉ាប់ផងដែរ ចាប់តាំងពីសហរដ្ឋអាមេរិកនិងអ៊ីស្រាអែលចាប់ផ្តើមសង្គ្រាមប្រឆាំងនឹងទីក្រុងតេហេរ៉ង់នៅថ្ងៃទី២៨ ខែកុម្ភៈ៕

ប្រែសម្រួល៖ ណឺ មិនា