ព័ត៌មានអន្ដរជាតិ

ចិនរកឃើញអណ្ដូងរ៉ែមានបរិមាណឧស្ម័នច្រើនបំផុត

បានផុស

៨ ខែ មុន

នៅ

ថ្ងៃសុក្រ ៩ សីហា ២០២៤

ដោយ

សាជីវកម្មប្រេងឈូងសមុទ្រជាតិចិន (CNOOC) បានបញ្ជាក់ពីការរកឃើញតំបន់អណ្ដូងរ៉ែដែលមានឧស្ម័ន(OGIP)ដ៏ច្រើនបំផុតដំបូងគេរបស់ពិភពលោកនៅក្នុងជម្រៅទឹកជ្រៅបំផុតនៅសមុទ្រចិនខាងត្បូង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីភ្នាកងារព័ត៌មានរដ្ឋចិន Xinhua បានផ្សាយនៅថ្ងៃទី០៨ខែសីហា ឲ្យដឹងថា អណ្ដូងរ៉ែឧស្ម័ន Lingshui 36-1 ដែលបានរកឃើញស្ថិតនៅក្នុងដែនទឹកភាគអាគ្នេយ៍នៃទីក្រុង Hainan ភាគខាងត្បូងបំផុតរបស់ចិន។ អណ្តូងនេះមានឧស្ម័ន(OGIP) លើសពី ១០០ពាន់លានម៉ែត្រគូប។ លក្ខណៈពិសេសរបស់ដណ្ដូងនេះរួមមានជម្រៅទឹកជាមធ្យមប្រហែល១៥០០ ម៉ែត្រ និងជម្រៅកប់ស្រទាប់ឧស្ម័នជាមធ្យម២១០ម៉ែត្រ។

ការរកឃើញ Lingshui 36-1 នឹងផ្តល់នូវការយល់ដឹងដ៏មានតម្លៃសម្រាប់ការរុករកនៅសមុទ្រស្រដៀងគ្នាទូទាំងពិភពលោក។ ជាមួយគ្នានេះនាយករងវិស្វកររុករកនៅ CNOOC បានឲ្យដឹងថា វាក៏នឹងជួយពង្រឹងបច្ចេកវិទ្យារុករកក្នុងទឹកជ្រៅរបស់ប្រទេសចិន និងបញ្ចប់ផ្នែកចុងក្រោយនៃផែនការបង្កើតតំបន់ឧស្ម័ន ១ពាន់ពាន់លានម៉ែត្រគូបនៅក្នុងសមុទ្រចិនខាងត្បូងនៅឆ្នាំ២០២៥។

នៅក្នុងឆមាសទីមួយនៃឆ្នាំនេះ ការផលិតឧស្ម័នធម្មជាតិរបស់ប្រទេសចិនបានកើនឡើង ៤,៤ ភាគរយដល់ ១២៣,៥ ពាន់លានម៉ែត្រគូប ខណៈដែលការនាំចូលកើនឡើង ១៤,៨ ភាគរយដល់ ៩០,២ ពាន់លានម៉ែត្រគូប។ សម្រាប់ឆ្នាំ ២០២៤ ការប្រើប្រាស់ត្រូវបានព្យាករណ៍ពី ៤២០-៤២៥ ពាន់លានម៉ែត្រគូប កើនឡើង ៦,៥-៧,៧ភាគរយ។ ផលិតកម្មត្រូវបានគេរំពឹងថានឹងឈានដល់២៤៦ ពាន់លានម៉ែត្រគូប ជាមួយនឹងការកើនឡើងជាលំដាប់ជាង 10 ពាន់លានម៉ែត្រគូបជារៀងរាល់ឆ្នាំ៕