ព័ត៌មានអន្ដរជាតិ
អ៊ីស្រាអែល ព្រមានពលរដ្ឋខ្លួននៅថៃឲ្យជៀសវាងការជួបជុំ ខ្លាចមានអំពើភេរវកម្ម
អាជ្ញាធរអ៊ីស្រាអែល កាលពីថ្ងៃអង្គារបានព្រមានជនជាតិរបស់ខ្លួននៅក្នុងប្រទេសថៃឲ្យរក្សាការប្រុងប្រយ័ត្ន និងជៀសវាងការជួបជុំ ព្រមទាំងព្រឹត្តិការណ៍សាធារណៈរបស់ជនជាតិជ្វីហ្វ ដោយលើកឡើងពីព័ត៌មានថ្មីទាក់ទងនឹងការវាយប្រហារដែលអាចកើតមាន។
ការព្រមាននេះ ធ្វើឡើងបន្ទាប់ពីមានសេចក្តីរាយការណ៍អំពីផែនការវាយប្រហារទៅលើជនជាតិអ៊ីស្រាអែលនៅឯពិធីជប់លៀងមួយនៅថ្ងៃទី១៥ខែវិច្ឆិកា លើកោះ Phangan ស្ថិតនៅភាគខាងត្បូងទីក្រុងបាងកក ដែលជាគោលដៅទេសចរណ៍ដ៏ពេញនិយមសម្រាប់ប្រជាជនអ៊ីស្រាអែល។
មន្ត្រីសន្តិសុខថៃ និងអ៊ីស្រាអែល បានរារាំងការប៉ុនប៉ងវាយប្រហារជាច្រើនលើករួចមកហើយ។ នេះបើយោងតាមសេចក្តីថ្លែងការណ៍មួយចេញកាលពីថ្ងៃទី១២ខែវិច្ឆិកា ដោយការិយាល័យនាយករដ្ឋមន្ត្រី ទីភ្នាក់ងារស៊ើបការណ៍សម្ងាត់ Mossad និងក្រុមប្រឹក្សាសន្តិសុខជាតិរបស់អ៊ីស្រាអែល។
ក្រុមប្រឹក្សាសន្តិសុខអ៊ីស្រាអែល បានចេញសារព្រមាននៅលើវិបសាយផ្លូវការរបស់ខ្លួនថា៖ «តាមរយៈព័ត៌មានថ្មីៗ និងការភ័យខ្លាចកាន់តែខ្លាំងឡើងនៃការវាយប្រហារលើជនជាតិអ៊ីស្រាអែល និងជនជាតិជ្វីហ្វនៅទូទាំងប្រទេសថៃ ក្រុមប្រឹក្សាសន្តិសុខជាតិជំរុញឲ្យប្រជាជនអ៊ីស្រាអែលនៅក្នុងប្រទេសថៃបង្កើនការប្រុងប្រយ័ត្ន និងយកចិត្តទុកដាក់លើព័ត៌មានថ្មីៗ»។
ក្រុមប្រឹក្សាសន្តិសុខអ៊ីស្រាអែល បានផ្តល់ដំបូន្មានឲ្យជៀសវាងសហគមន៍អ៊ីស្រាអែលឬព្រឹត្តិការណ៍ជ្វីហ្វ លាក់បាំងអត្តសញ្ញាណដែលអាចកំណត់ដឹងថាជាជនជាតិអ៊ីស្រាអែលឬជ្វីហ្វ ជៀសវាងការចែករំលែកផែនការធ្វើដំណើរនៅលើប្រព័ន្ធផ្សព្វផ្សាយសង្គម និងជូនដំណឹងដល់សន្តិសុខក្នុងតំបន់ចំពោះព្រឹត្តិការណ៍គួរឲ្យសង្ស័យណាមួយ។
សេចក្តីថ្លែងការណ៍របស់អ៊ីស្រាអែល បានបន្ថែមថា៖ «ចាប់តាំងពីថ្ងៃទី៧ខែតុលា (ឆ្នាំ២០២៣) អ៊ីរ៉ង់ និងគ្នីគ្នារបស់ខ្លួន បានបង្កើនកិច្ចខិតខំប្រឹងប្រែងរបស់ពួកគេដើម្បីវាយប្រហារគោលដៅអ៊ីស្រាអែល និងជ្វីហ្វនៅទូទាំងពិភពលោក»។
ថ្វីត្បិតមានការព្រមានបែបនេះក៏ដោយ អ៊ីស្រាអែលមិនបានជំរុញឲ្យពលរដ្ឋខ្លួនចាកចេញពីប្រទេសថៃនោះឡើយ។
យោងតាមសារព័ត៌មាន Axios មន្ត្រីរដ្ឋាភិបាលថៃក្នុងឆ្នាំ២០២២ បានជូនដំណឹងដល់អ៊ីស្រាអែលថា អ៊ីរ៉ង់ធ្លាប់បានសន្យាមិនធ្វើការវាយប្រហារប្រឆាំងនឹងគោលដៅអ៊ីស្រាអែលនៅលើទឹកដីថៃនោះទេ។
សូមបញ្ជាក់ថា កាលពីខែតុលា ក្រុមប្រឹក្សាសន្តិសុខអ៊ីស្រាអែល បានជំរុញឲ្យជនជាតិខ្លួនចាកចេញពីប្រទេសស្រីលង្កា ព្រោះខ្លាចមានការវាយប្រហារ៕
ដោយ៖ ឈាង
ស្លាប់ហោចណាស់ ៤៤នាក់ ក្រោយអ៊ីស្រាអែលផ្លោងគ្រាប់ដាក់ហ្គាហ្សា
ចូលរួមបរិច្ចាគឈាមដោយស្ម័គ្រចិត្ត ក្នុងយុទ្ធនាការ «បរិច្ចាគឈាមសង្គ្រោះជីវិត»
ត្រជាក់ភ្នែក! BTV ដាក់កាមេរ៉ាធំ១០គ្រឿងភ្ជាប់ VAR វគ្គផ្តាច់ព្រ័ត្រ AFC Challenge League
រុស្ស៊ីគំរាមម្តងទៀត! សង្គ្រាមលោកលើកទី៣ អាចផ្ទុះ បើណាតូ ហ៊ានបញ្ជូនទ័ពទៅ អ៊ុយក្រែន
អាជ្ញាធរខណ្ឌឫស្សីកែវ ដឹកនាំមន្ត្រីចុះពិនិត្យមើលវឌ្ឍនភាពការដ្ឋានសាងសង់ ប្រព័ន្ធលូបង្ហូររំដោះទឹក
សមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
ក្មេងស្រីអាយុ៤ឆ្នាំលក់ផ្កា៖ សម្ដេចតេជោ ស្នើកុំវែកញែករឿងកេងប្រវ័ញ្ចពលកម្មកុមារ មុនរឿងក្រពះ និងបញ្ហាគ្រួសារ
Breaking News៖ អគ្គិភ័យកំពុងឆេះឃ្លាំងស្តុកម៉ាស៊ីនត្រជាក់នៅខណ្ឌច្បារអំពៅ
ប៉ូឡូញ ចល័តយន្តហោះចម្បាំងយ៉ាងបន្ទាន់បំផុត ក្រោយរុស្ស៊ី វាយអ៊ុយក្រែន កៀកព្រំដែនខ្លួន
លោក ទីវ តារារិទ្ធ ត្រូវបង្ខំចិត្តវិលមកកម្ពុជាវិញភ្លាមៗ ព្រោះតែលក្ខខណ្ឌតម្រូវស្នើសុំ Visa
-
ចរាចរណ៍៣ ថ្ងៃ agoស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
ព័ត៌មានអន្ដរជាតិ១ សប្តាហ៍ agoខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ព័ត៌មានជាតិ១៩ ម៉ោង agoសមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
ព័ត៌មានជាតិ២ ថ្ងៃ agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
សុខភាព៤ ថ្ងៃ agoដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ២ ថ្ងៃ agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
សន្តិសុខសង្គម១ ថ្ងៃ agoនគរបាលរាជធានី ឃាត់ខ្លួនអនុប្រធានគណបក្សកម្លាំងជាតិ មួយរូប ពីបទ ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម
-
ព័ត៌មានអន្ដរជាតិ១ សប្តាហ៍ agoខ្លះៗអំពីរថយន្តដែលលោក ស៊ី ជីនពីង យកពីចិនមកជិះនៅកម្ពុជា