ព័ត៌មានអន្ដរជាតិ

លោក ពូទីន ឲ្យកាដូជាសត្វកម្រជាង៧០ក្បាលទៅលោក គីម ជុងអ៊ុន

បានផុស

២ years មុន

នៅ

ថ្ងៃព្រហស្បតិ៍ ២១ វិច្ឆិកា ២០២៤

ដោយ

Chheang

ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានជូនកាដូជាសត្វព្រៃកម្រចំនួនជាង ៧០ក្បាលឲ្យទៅលោក គីម ជុងអ៊ុន មេដឹកនាំកូរ៉េខាងជើង ដែលនេះជាសញ្ញានៃមិត្តភាពរវាងប្រជាជាតិទាំងពីរ។ នេះបើយោងតាមការចុះផ្សាយរបស់សារព័ត៌មាន TASS កាលពីថ្ងៃទី២០ខែវិច្ឆិកាឆ្នាំ២០២៤។

លោក វ៉្លាឌឺមៀរ ពូទីន និងលោក គីម ជុងអ៊ុន (រូបភាព៖ AP)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្ត្រីបរិស្ថាន និងធនធានធម្មជាតិរុស្ស៊ី លោក Alexander Kozlov បានបញ្ជាឲ្យបញ្ជូនសត្វជាង ៧០ក្បាលពីសួនសត្វក្រុងមូស្គូ ទៅកាន់សួនសត្វ Central Zoo នៅក្រុងព្យុងយ៉ាង ដើម្បីជាអំណោយរបស់លោក ពូទីន ដល់ប្រជាជនកូរ៉េខាងជើង។

សត្វទាំងនោះ រួមមាន តោអាហ្រ្វិក១ក្បាល ខ្លាឃ្មុំត្នោត២ក្បាល គោព្រៃYak២ក្បាល សេកសCockatoo៥ក្បាល សត្វស្លាបចម្រុះ២៥ក្បាល និងទាMandarin៤០ក្បាល។

សូមបញ្ជាក់ថា កាលពីខែសីហា លោក ពូទីន បានផ្តល់អំណោយដល់លោក គីម ជុងអ៊ុន នូវសេះចំនួន ២៤ក្បាល ដែលត្រូវបានគេស្គាល់ថាជាប្រភេទសត្វសំណព្វរបស់មេដឹកនាំកូរ៉េខាងជើង បន្ទាប់ពីលោក គីម បានឲ្យពូជឆ្កែ Pungsan ចំនួន២ក្បាល ដល់មេដឹកនាំរុស្ស៊ី កាលពីខែមិថុនា។

ការផ្លាស់ប្តូរអំណោយបែបនេះ បានកើតឡើងនៅពេលដែលទីក្រុងព្យុងយ៉ាង និងទីក្រុងមូស្គូបានបង្កើតទំនាក់ទំនងកាន់តែជិតស្និទ្ធ ជាពិសេសបន្ទាប់ពីភាគីទាំងពីរបានចុះហត្ថលេខាលើកិច្ចព្រមព្រៀងការពារគ្នាទៅវិញទៅមក នៅក្នុងខែមិថុនាឆ្នាំនេះ ស្ដីពីកាតព្វកិច្ចផ្តល់ជំនួយយោធាជាបន្ទាន់ បើភាគីទាំងពីររងការវាយប្រហារ៕

ដោយ៖ ឈាង