ព័ត៌មានអន្ដរជាតិ
លោក Zelensky៖ អ៊ុយក្រែនត្រូវការខែល១២គ្រឿងទៀត ទើបបិទដែនអាកាសបានពេញលេញ
អ៊ុយក្រែន ត្រូវការជាបន្ទាន់នូវខែលការពារដែនអាកាស ជាពិសេសប្រព័ន្ធការពារមីស៊ីល Patriot ដើម្បីបិទដែនអាកាសរបស់ខ្លួនឲ្យបានទាំងស្រុងពីការវាយប្រហាររបស់សត្រូវ។ នេះជាការលើកឡើងរបស់ប្រធានាធិបតីអ៊ុយក្រែន លោក Volodymyr Zelensky អំឡុងជំនួបជាមួយលោកស្រី Iratxe Pérez García ប្រធានក្រុមសង្គមនិយម និងប្រជាធិបតេយ្យនៅក្នុងសភាអឺរ៉ុបកាលពីថ្ងៃទី១០ខែធ្នូឆ្នាំ២០២៤។
ប្រព័ន្ធការពារដែនអាកាស Patriot មានសារៈសំខាន់ណាស់ សម្រាប់ការការពាររបស់អ៊ុយក្រែន ប្រឆាំងនឹងការវាយលុកតាមអាកាសរបស់រុស្ស៊ីដែលកំពុងកើនឡើងកាន់តែខ្លាំង។ ចាប់តាំងពីដើមឆ្នាំ២០២២ អ៊ុយក្រែនបានស្នើម្ដងហើយម្ដងទៀតចំពោះប្រព័ន្ធការពារដែនអាកាសកម្រិតខ្ពស់ ដើម្បីឆ្លើយតបទៅនឹងការកើនឡើងនៃការវាយប្រហាររបស់រុស្ស៊ី។
ក្នុងអំឡុងពេលពិភាក្សាជាមួយសម្ព័ន្ធមិត្តណាតូកាលពីខែមេសាឆ្នាំ២០២៣ លោក Zelensky បានស្នើសុំប្រព័ន្ធ Patriot យ៉ាងហោចណាស់ចំនួន៧គ្រឿងបន្ថែមទៀត។
លុះដល់ពាក់កណ្តាលឆ្នាំ២០២៤ សម្ព័ន្ធមិត្តណាតូ បានប្រកាសផ្គត់ផ្គង់ប្រព័ន្ធ Patriot ជាច្រើន ដើម្បីពង្រឹងសមត្ថភាពការពារដែនអាកាសរបស់អ៊ុយក្រែន។ គិតត្រឹមខែធ្នូឆ្នាំនេះ អ៊ុយក្រែនបានទទួលប្រព័ន្ធការពារដែនអាកាស Patriot យ៉ាងហោចណាស់៧គ្រឿង។
ឥលូវ លោក Zelensky បានស្នើម្ដងទៀតថា អ៊ុយក្រែនត្រូវការប្រព័ន្ធ Patriot បន្ថែមចំនួន ១០ ទៅ ១២គ្រឿង ដោយថា វានឹងជួយផ្លាស់ប្តូរយុទ្ធសាស្ត្រការពាររបស់អ៊ុយក្រែន។
មេដឹកនាំអ៊ុយក្រែន បាននិយាយថា៖ «ប្រសិនបើមេឃត្រូវបានការពារ គ្មានគ្រាប់បែក KABs ឬមីស៊ីលប៉ាលិស្ទិកណា នឹងវាយប្រហារហេដ្ឋារចនាសម្ព័ន្ធស៊ីវិលក្នុងប្រទេសអ៊ុយក្រែនបាននោះទេ ដូចជា មន្ទីរពេទ្យ សាលារៀន ឬសកលវិទ្យាល័យ»។
លោកប្រធានាធិបតី បានបន្តថា ប្រព័ន្ធ Patriot នីមួយៗមានតម្លៃប្រហែល ១,៥ពាន់លានដុល្លារ ដោយស្នើការផ្តល់មូលនិធិដល់ប្រព័ន្ធទាំងនេះតាមរយៈទ្រព្យសម្បត្តិដែលត្រូវបានបង្កករបស់រុស្ស៊ី។ ចំនួនទឹកប្រាក់សរុបសម្រាប់ប្រព័ន្ធ Patriot ១០-១២គ្រឿងនេះ នឹងត្រូវចំណាយអស់ប្រហែល ៣០ពាន់លានដុល្លារ។
លោក Zelensky បានលើកឡើងថា៖ «ប្រព័ន្ធទាំងនេះនឹងបិទមេឃរបស់យើងទាំងស្រុង» ដោយអះអាងថា ការការពារដែនអាកាសដ៏ទូលំទូលាយបែបនេះ នឹងអាចឲ្យពលរដ្ឋអ៊ុយក្រែនវិលទៅរកជីវិតធម្មតាវិញ ហើយសេដ្ឋកិច្ចអាចដំណើរការបានដោយគ្មានការគំរាមកំហែងឥតឈប់ឈរដូចពេលបច្ចុប្បន្ន៕
ដោយ៖ ឈាង
ធនាគារធំរបស់ចិនតៃវ៉ាន់ Bank SinoPac បញ្ចប់ការទិញភាគហ៊ុន៨០%របស់អម្រឹត
ក្រសួងអប់រំ ប្រកាសជ្រើសរើសកាយរឹទ្ធិជំទង់ និងកាយរឹទ្ធិរៀមច្បង ចូលរួមបោះជំរំកាយរឹទ្ធិជំទង់អន្តរជាតិនៅសិង្ហបុរី
លោក នេត្រ ភក្ត្រា៖ ឆ្នាំ២០២៤ មានការកើនឡើងព័ត៌មានក្លែងក្លាយជាង៤០០ករណី ដែលជាក្តីបារម្ភលើវិស័យទេសចរណ៍កម្ពុជា
សមាជិក ប.ស.ស ចូលនិវត្តន៍ទទួលមរណភាពប្តី ឬ ប្រពន្ធ និង កូន នឹងទទួលបានប្រាក់សោធនឧត្តរជីវីពី ប.ស.ស
ក្រុមខេត្ដ៤ប៉ះក្រុមខ្លាំងនៅលីគ វគ្គ១៦ក្រុមជើងទី១ ពានសម្តេចតេជោ
ជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
ភូមិគ្រឹះនៅ LA តម្លៃជិត ៩លានដុល្លារ ឈរយ៉ាងរឹងមាំ ទោះជាភ្លើងឆេះជុំវិញសល់តែផេះក្ដី
អ្នករករ៉ែ១០០នាក់ជាប់គាំងក្នុងអណ្តូងរ៉ែស្លាប់ដោយសារការអត់អាហារជាច្រើនខែ
រថយន្ត៤៣គ្រឿងបុកបន្តគ្នាក្នុងក្រុង Goyang នៅកូរ៉េខាងត្បូង អ្នកបើកបរ៩នាក់របួស
ស្ត្រីកែភេទ អាមេរិក កាត់ឆ្អឹងជំនីរខ្លួនឯងធ្វើមកុដ និងចង់បានរាងដែលប្រាថ្នា
-
ចរាចរណ៍២ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ព័ត៌មានជាតិ៦ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៥ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ៧ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ជីវិតកម្សាន្ដ៤ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ១៦ ម៉ោង agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ព័ត៌មានជាតិ៥ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ចរាចរណ៍២ ថ្ងៃ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ