ព័ត៌មានអន្ដរជាតិ

មន្ត្រីជាន់ខ្ពស់អ៊ុយក្រែន ថា ក្រុងកៀវមិនទាន់ត្រៀមខ្លួនចរចាជាមួយរុស្ស៊ីទេ

បានផុស

២ years មុន

នៅ

ថ្ងៃសុក្រ ១៣ ធ្នូ ២០២៤

ដោយ

Chheang

រដ្ឋាភិបាលក្រុងកៀវ មិនទាន់ត្រៀមខ្លួនរួចរាល់ ដើម្បីចាប់ផ្តើមកិច្ចចរចាជាមួយរុស្ស៊ីនៅឡើយទេ ដោយសារប្រទេសអ៊ុយក្រែនខ្វះខាតសព្វាវុធ ការធានាសន្តិសុខ និងឋានៈអន្តរជាតិដែលខ្លួនចង់បាន។ នេះជាការលើកឡើងរបស់លោក Andriy Yermak ប្រធានការិយាល័យប្រធានាធិបតីអ៊ុយក្រែន ក្នុងបទសម្ភាសន៍មួយដែលត្រូវបានចាក់ផ្សាយកាលពីល្ងាចថ្ងៃព្រហស្បតិ៍ទី១២ខែធ្នូឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Yermak បានប្រាប់ទូរទស្សន៍ Suspilne ថា៖ «យើងមិនមានអាវុធទេ យើងមិនមានស្ថានភាពដូចដែលយើងកំពុងនិយាយនោះទេ។ មានន័យថា ការអញ្ជើញចូលអង្គការណាតូ និងការយល់ដឹងអំពីការធានាច្បាស់លាស់ដែលនឹងផ្តល់ឲ្យយើង ដូច្នេះយើងអាចប្រាកដថា (ប្រធានាធិបតីរុស្ស៊ី វ្ល៉ាឌីមៀរ ពូទីន) នឹងមិនត្រឡប់មកវិញទេក្នុងរយៈពេល ២ទៅ៣ឆ្នាំខាងមុខ»។

ក្នុងការអត្ថាធិប្បាយនៅសប្តាហ៍នេះជាមួយមេដឹកនាំបក្សប្រឆាំងអាល្លឺម៉ង់លោក Friedrich Merz ប្រធានាធិបតីអ៊ុយក្រែន លោក Volodymyr Zelensky បាននិយាយថា អ៊ុយក្រែនចង់បញ្ចប់សង្រ្គាម ហើយការខិតខំប្រឹងប្រែងគឺចាំបាច់ដើម្បីធ្វើឲ្យប្រទេសរបស់គាត់កាន់តែរឹងមាំ និងមានកាតព្វកិច្ចនាំវិមានក្រឹមឡាំងឆ្ពោះទៅរកសន្តិភាព។

បន្ថែមពីនេះ លោក Zelensky ក៏បង្ហាញកូនចិត្តចង់ឲ្យបរទេសដាក់ទ័ពមកប្រទេសខ្លួនផងដែរ រហូតដល់ទីក្រុងកៀវ អាចចូលក្នុងអង្គការណាតូបាន។

យ៉ាងណាមិញ រុស្ស៊ី ជាយូរណាស់មកហើយ តែងតែច្រានចោលនូវគំនិតរបស់អ៊ុយក្រែនដែលចង់ចូលណាតូ ហើយលោក ពូទីន បាននិយាយថា អ៊ុយក្រែនត្រូវទទួលស្គាល់ការកាត់យកទឹកដីផ្នែកខ្លះនៅតំបន់ចំនួន៤ ដែលរុស្ស៊ីដណ្ដើមបាន៕

ដោយ៖ ឈាង