ព័ត៌មានអន្ដរជាតិ

ភ្លើងឆេះព្រៃដ៏សាហាវនៅ Los Angeles គ្រប់គ្រងបានទាំងស្រុង

បានផុស

១ year មុន

នៅ

ថ្ងៃសៅរ៍ ១ កុម្ភៈ ២០២៥

ដោយ

រយពេល៣សប្តាហ៍ បន្ទាប់ពីភ្លើងឆេះព្រៃដ៏បំផ្លិចបំផ្លាញនៅ Eaton ដែលបានប្រែក្លាយជាភ្លើងឆេះព្រៃយ៉ាងសកម្មនៅក្នុងតំបន់ Altadena និង Palisades នៅភ្នំ Santa Monic ស្ថិតនៅជិតទីក្រុង Los Angeles ភាគខាងត្បូងរដ្ឋកាលីហ្វ័រញ៉ា ក្រុមអ្នកពន្លត់អគ្គីភ័យបានគ្រប់គ្រងទាំងស្រុងនូវអណ្តាតភ្លើងដែលបានឆាបឆេះនោះ។ យោងការផ្សាយរបស់បណ្តាញព័ត៌មានមួយចំនួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បទបញ្ជាជម្លៀសត្រូវបានដកចេញហើយ ហើយជាងមួយសប្តាហ៍មកហើយភ្លើងមិនបានបង្កការគំរាមកំហែងអ្វីទៀតឡើយ ខណៈការឆាបឆេះអស់ជាច្រើនថ្ងៃនេះ បានសម្លាប់មនុស្សយ៉ាងហោចណាស់២៩នាក់ និងបានជម្លៀសអ្នកស្រុករាប់ម៉ឺននាក់ និងបំផ្លាញសង្កាត់ជាច្រើននៅក្នុងទីក្រុង Los Angeles។

Cal Fire ដែលជាភ្នាក់ងារពន្លត់អគ្គីភ័យរបស់រដ្ឋបានធ្វើបច្ចុប្បន្នភាពទិន្នន័យសម្រាប់អគ្គីភ័យទាំងពីរនៅលើគេហទំព័ររបស់ខ្លួនកាលពីយប់ថ្ងៃសុក្រដើម្បីបង្ហាញពីការទប់ស្កាត់ ១០០% ។

យោងតាមទីភ្នាក់ងារបានឱ្យដឹងថា ភ្លើង Palisades បានបំផ្លាញសំណង់ជាង ៦៨០០០ខ្នង ដែលភាគច្រើននៅក្នុងសង្កាត់ Pacific Palisades នៃទីក្រុង Los Angeles និង Malibu ហើយបានដុតបំផ្លាញផ្ទៃដីចំនួន ២៣៤៤៨ ហិចតា។ ចំណែកភ្លើង Eaton បានបំផ្លាញសំណង់ជាង ៩៤០០ខ្នង ដែលភាគច្រើននៅក្នុងសហគមន៍ Altadena ក្នុងទីក្រុង Los Angeles និងបានឆេះផ្ទៃដី ១៤០២១ហិចតា។

ទោះបីការគំរាមកំហែងពីអគ្គីភ័យទាំងនោះត្រូវបានបញ្ចប់ក៏ពិតមែន ប៉ុន្តែផលប៉ះពាល់នឹងមានរយៈពេលជាច្រើនខែ និងច្រើនឆ្នាំ។ លើសពីនេះ មនុស្សយ៉ាងហោចណាស់១៤នាក់នៅតែបាត់ខ្លួនដោយសារតែភ្លើងឆេះពីរនាក់ដោយសារភ្លើង Palisades និង១២នាក់ដោយសារភ្លើងនៅ Eaton ។

បន្ទាប់ពីការបំផ្លិចបំផ្លាញនេះវាគឺជាផ្លូវវែងឆ្ងាយនៅខាងមុខក្នុងការកសាងឡើងវិញដោយចំណាយប្រាក់រាប់រយពាន់លានដុល្លារ។ ការព្រួយបារម្ភនៅតែបន្តកើតមានចំពោះផលប៉ះពាល់សុខភាពរយៈពេលវែងដែលអាចកើតមានពីថ្ងៃនៃគុណភាពខ្យល់ដ៏គ្រោះថ្នាក់ និងការនាំមកនូវភ្លៀងពុលជាដើម។

ការកសាងឡើងវិញអាចចំណាយពេលរាប់ឆ្នាំ។ ជំហានដំបូងឆ្ពោះទៅរកការស្តារឡើងវិញបានចាប់ផ្តើមសម្រាប់មនុស្សជាច្រើនក្នុងសប្តាហ៍នេះ ខណៈដែលក្រុមការងាររបស់ទីភ្នាក់ងារការពារបរិស្ថានបានចាប់ផ្តើមដំណើរការសម្អាតកំទេចកំទីដែលមានគ្រោះថ្នាក់ពីតំបន់ដែលរងផលប៉ះពាល់ដោយភ្លើងបណ្ដើរៗ។

ពាក់ព័ន្ធរឿងនេះលោកKathryn Barger ប្រធានក្រុមប្រឹក្សាភិបាលនៃខោនធី Los Angeles បានសរសើរអ្នកពន្លត់អគ្គីភ័យ និងបុគ្គលិកសង្គ្រោះបន្ទាន់ផ្សេងទៀតសម្រាប់ការងាររបស់ពួកគេ។ លោកស្រីបានអំពាវនាវឱ្យមានការយកចិត្តទុកដាក់លើការកសាងឡើងវិញ និងការស្តារឡើងវិញ ក៏ដូចជាការត្រៀមខ្លួនសម្រាប់គ្រោះមហន្តរាយនាពេលអនាគត៕