Connect with us

ព័ត៌មានអន្ដរជាតិ

អាមេរិក ពន្លឿន​ការ​ផ្ដល់​ជំនួយ​យោធា ៤​ពាន់​លាន​ដុល្លារ​ឲ្យ​អ៊ីស្រាអែល

បានផុស

នៅ

រដ្ឋមន្ត្រីការបរទេសអាមេរិក លោក Marco Rubio កាល​ពី​ថ្ងៃ​សៅរ៍​ទី​១​ខែ​មីនា​ បានចុះហត្ថលេខាលើសេចក្តីប្រកាសមួយ ដើម្បីពន្លឿនការផ្តល់ជំនួយយោធាចំនួន ៤​ពាន់លានដុល្លារដល់អ៊ីស្រាអែល។ សកម្មភាពនេះគឺជាផ្នែកមួយនៃ​ការ​លក់​កញ្ចប់​​យោធាបរទេសដ៏ធំ​ចំនួន ១២​ពាន់លានដុល្លារដែលត្រូវបានអនុម័តដោយរដ្ឋបាលលោក ត្រាំ ចាប់តាំងពី​ចូល​កាន់​តំណែង​កាល​ពី​ថ្ងៃទី​២០​ខែមករា។

លោក Marco Rubio (រូបថត៖ Reuters)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជំនួយដែលបានពន្លឿន រួមមានកិច្ចព្រមព្រៀងសព្វាវុធដ៏សំខាន់ដែលមានតម្លៃប្រហែល ៣​ពាន់លានដុល្លារ សម្រាប់​គ្រាប់បែក MK 84 និង​គ្រាប់បែក BLU-117 ចំនួន ៣៥ ៥០០​គ្រាប់, ក្បាលគ្រាប់ Predator ចំនួន ៤ ០០០​គ្រាប់​​តម្លៃ ២,០៤​ពាន់លានដុល្លារ និង​សម្ភារៈ​យោធា​​​ផ្សេង​ទៀត​តម្លៃ ៦៧៥,៧​លានដុល្លារ។ ការដឹកជញ្ជូន ត្រូវបានគ្រោងនឹងចាប់ផ្តើមនៅឆ្នាំក្រោយ និងបន្តរហូតដល់ឆ្នាំ​២០២៨។

លោក Rubio បានអំពាវនាវ​ឲ្យ​មាន​ការ​ពន្លឿន​ការ​ផ្ដល់​ជំនួយ​យោធា​នេះ ដោយលើកឡើងពីផលប្រយោជន៍សន្តិសុខជាតិ។

ការ​អំពាវនាវ​នេះ កើតឡើងចំពេលមានបទឈប់បាញ់ដ៏ផុយស្រួយរវាងអ៊ីស្រាអែល និងក្រុមសកម្មប្រយុទ្ធហាម៉ាសនៅហ្គាហ្សា បន្ទាប់ពីជម្លោះរយៈពេល​១៥​ខែ។ នៅ​ក្នុង​ដំណាក់កាល​ដំបូង​នៃ​បទ​ឈប់​បាញ់ ​ភាគី​ទាំង​ពីរ​បាន​​​ចោទប្រកាន់​គ្នា​ទៅ​វិញ​ទៅ​មក​​ពី​ការ​រំលោភ​បំពាន​​​​កិច្ច​ព្រមព្រៀង​​ដែល​ចុះ​កាល​ពី​ថ្ងៃ​ទី​១៩​ខែ​មករា​។

ការសម្រេចចិត្តរបស់អាមេរិកក្នុងការពន្លឿនជំនួយផ្នែកយោធា បញ្ជាក់ពីការប្តេជ្ញាចិត្តរបស់ខ្លួនចំពោះសន្តិសុខ និងស្ថិរភាពក្នុងតំបន់របស់អ៊ីស្រាអែល។ បន្ថែម​ពី​លើ​កញ្ចប់​ជំនួយ​យោធា​៤​ពាន់​លាន​ដុល្លារ មន្ទីរបញ្ចកោណ​កាល​ពី​ថ្ងៃ​សុក្រ​ក៏បានអនុម័ត​លើការលក់គ្រាប់បែក និងសព្វាវុធ​ផ្សេង​ទៀត​ប្រមាណជា ៣​ពាន់លានដុល្លារទៅ​ឲ្យ​អ៊ីស្រាអែល ដោយពង្រឹងបន្ថែមទៀតនូវកិច្ចសហប្រតិបត្តិការការពារជាតិរវាងប្រទេសទាំងពីរ៕

(រូបថត៖ AA)

ដោយ៖ ឈាង

Helistar Cambodia - Helicopter Charter Services
Sokimex Investment Group
ព័ត៌មានជាតិ១៨ ម៉ោង មុន

នៅពេលលឺថាថៃចង់ប្រើទ័ពការពារអធិបតេយ្យភាពខ្លួន អតីតប្រមុខការទូតកម្ពុជាសួរថា តើអធិបតេយ្យភាពថៃនៅឯណា?

ព័ត៌មានជាតិ២២ ម៉ោង មុន

ច្រកទ្វារអូរស្មាច់ ច្រកទ្វារជាំ និងច្រកទ្វារជប់គគីរខេត្តឧត្តរមានជ័យ ត្រូវថៃបិទជាឯកតោភាគី

ព័ត៌មានអន្ដរជាតិ៣ ម៉ោង មុន

ផ្ទុះគ្រាប់បែក២គ្រាប់ នៅកណ្តាលផ្សារ ភាគខាងត្បូងប្រទេសថៃ

ព័ត៌មានជាតិ១៩ ម៉ោង មុន

មេរៀននៅតំបន់មុំ៣៖ បញ្ញវន្តខ្មែរផ្តាំទៅកងទ័ពនៅព្រំដែន​ ត្រូវប្រុងប្រយ័ត្នខ្ពស់ មុនធ្វើចិត្តធម៌ ធ្វើចិត្តល្អជាមួយកងទ័ពថៃ

ព័ត៌មានជាតិ២១ ម៉ោង មុន

ក្រសួងអប់រំ៖ ការជ្រើសរើសគ្រូបង្រៀនផ្អែកលើកិច្ចព្រមព្រៀងការងារផ្តល់ឱកាសការងារថ្មីដល់យុវជនជាង ១ម៉ឺនកន្លែង

Sokha Hotels

ព័ត៌មានពេញនិយម