ឆេះមន្ទីរពេទ្យនៅបាងកក បង្កការផ្អើលឆោឡោនិងជម្លៀសអ្នកជំងឺ យ៉ាងតក់ក្រហល់

កាលពីរាត្រីថ្ងៃអង្គារទី១១ខែមីនាឆ្នាំ២០២៥ គ្រោះអគ្គិភ័យដ៏រន្ធត់បានឆាបឆេះមន្ទីរពេទ្យ Ramathibodi ក្នុងទីក្រុងបាងកក នៃប្រទេសថៃ ដែលបណ្តាលឲ្យមានការជម្លៀសអ្នកជំងឺនិងបង្កភាពភ័យឆោឡោ ខណៈមកទល់ពេលនេះ មិនទាន់មានសេចកក្តីរាយការណ៍អំពីមនុស្សស្លាប់នោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសេចក្តីរាយការណ៍របស់ Bangkok Post, អគ្គិភ័យបានចាប់ផ្តើមឆាបឆេះនាវេលាម៉ោង ៧:២០នាទីយប់ ចេញពីជាន់ទី២នៃមន្ទីរពេទ្យ។

ភ្លាមៗ រដ្ឋបាលក្រុងក៏បានបញ្ជូនក្រុមពន្លត់អគ្គិភ័យ ដើម្បីទប់ទល់នឹងអណ្តាតភ្លើង ខណៈគ្រូពេទ្យនិងបុគ្គលិកមន្ទីពេទ្យ ប្រញាប់ប្រញាល់ជម្លៀសអ្នកជំងឺ​ិនិងមនុស្សម្នា យ៉ាងតក់ក្រហល់ជាទីបំផុត។

ទោះបីជាយ៉ាងណាក៏ដោយ គេនៅមិនទាន់ដឹងអំពីមូលហេតុបង្កឲ្យមានអគ្គិភ័យនៅឡើយទេ ប៉ុន្តែមន្ត្រីជំនាញបានបើកការស៊ើបអង្កេតរួចហើយ លើករណីនេះ។

សូមបញ្ជាក់ថា មន្ទីរពេទ្យនេះ ស្ថិតនៅលើផ្លូវ Rama ទី៦ ក្នុងសង្កាត់ Thung Phaya Thai ខណ្ឌ Ratchathewi។ វាមានកម្ពស់៩ជាន់ ដោយជាន់ទី១ដល់ជាន់ទី៤គឺជាផ្នែកវះកាត់និងមន្ទីរពិសោធន៍ ចំណែកចាប់ពីជាន់ទី៥ដល់ជាន់ទី៩ គឺសម្រាបអ្នកជំងឺសម្រាកព្យាបាល៕

អត្ថបទ៖ សុខ សុវណ្ណ

ចុចអាន៖ ឆ្លង​ចរន្តអគ្គិភ័យ​ឆាបឆេះ​ផ្ទះ​ប្រជាពលរដ្ឋ​អស់​៣ខ្នង ​នៅខណ្ឌ​ដង្កោ​