ប្រេស៊ីល ជាប្រទេសទី២ មានមនុស្សស្លាប់ដោយសារកូវីដលើស ៣០ម៉ឺននាក់

គិតត្រឹមថ្ងៃព្រហស្បតិ៍នេះ ចំនួនអ្នកស្លាប់ដោយសារជំងឺកូវីដ១៩នៅក្នុងប្រទេសប្រេស៊ីល បានកើនលើស៣០០,០០០នាក់ហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រេស៊ីលបានក្លាយជាប្រទេសទី២នៅលើពិភពលោកបន្ទាប់ពីសហរដ្ឋអាមេរិក ដែលមានអ្នកស្លាប់ច្រើនបំផុត ស្របពេលការស្លាប់នៅក្នុងប្រទេសអាមេរិកខាងត្បូងមួយនេះ កើនឡើងខ្លាំងក្នុងកម្រិតកំណត់ត្រានារយៈពេលប៉ុន្មានថ្ងៃចុងក្រោយនេះ។

ចំនួនអ្នកស្លាប់នៅសហរដ្ឋអាមេរិក បានឈានដល់ចំណុចកំពូលកាលពីថ្ងៃទី១៤ខែធ្នូ ប៉ុន្តែអាមេរិកមានប្រជាជនច្រើនជាងប្រទេសប្រេស៊ីល។

កាលពីថ្ងៃពុធ ក្រសួងសុខាភិបាលប្រេស៊ីល បានរាយការណ៍ថា មានមនុស្សស្លាប់ថ្មីចំនួន ២,០០៩នាក់ ដោយធ្វើឲ្យអ្នកស្លាប់សរុបកើនដល់ ៣០០,៦៨៥ នាក់។

ក្នុងរយៈពេលត្រឹមតែ៧៥ថ្ងៃប៉ុណ្ណោះ ប្រទេសប្រេស៊ីលបានចុះបញ្ជីអ្នកស្លាប់ដោយសារកូវីដរហូតដល់ទៅ១០០,០០០នាក់។ អ្នកជំនាញខាងសុខភាព បានស្តីបន្ទោសការកើនឡើងនេះ ទៅលើកង្វះការសម្របសម្រួលផ្នែកនយោបាយ ក្នុងការប្រយុទ្ធប្រឆាំងនឹងវីរុស៕

ប្រែសម្រួលដោយ៖ Vann Vann

ប្រភព៖ AP

ចុចអាន៖ ប្រេស៊ីល បន្តបំបែកកំណត់ត្រាអ្នកស្លាប់ដោយសារកូវីដ មួយថ្ងៃជាង៣ពាន់នាក់