ព័ត៌មានអន្ដរជាតិ
ក្រុមឧទ្ទាមឃឺដប្រកាសរំសាយខ្លួន បញ្ចប់ការបះបោរ៤០ឆ្នាំប្រឆាំងនឹងតួកគី
ក្រុមឧទ្ទាមឃឺដ (PKK) ដែលបានធ្វើបះបោរអស់រយៈពេលបួនទសវត្សរ៍ប្រឆាំងនឹងរដ្ឋាភិបាលតួកគី បានប្រកាសនៅថ្ងៃចន្ទទី១២ខែឧសភានេះថា ពួកគេបានសម្រេចចិត្តរំសាយក្រុម និងទម្លាក់អាវុធចុះហើយ។ ចំណាត់ការនេះ ធ្វើឡើងបន្ទាប់ពីមានសមាជបក្សនៅភាគខាងជើងប្រទេសអ៊ីរ៉ាក់កាលពីសប្ដាហ៍មុន និងមានការអំពាវនាវពីលោក Abdullah Öcalan មេដឹកនាំឃឺដដែលកំពុងជាប់ឃុំខ្លួននៅពន្ធនាគារ កាលពីខែកុម្ភៈកន្លងទៅដោយជំរុញឲ្យមានការរំសាយក្រុមឧទ្ទាមរបស់ខ្លួនជាផ្លូវការ។
ក្រុមប្រដាប់អាវុធឃឺដ បានប្រកាសថា៖ «សមាជបក្ស PKK លើកទី១២ បានសម្រេចចិត្តរំលាយរចនាសម្ព័ន្ធអង្គការរបស់ PKK និងបញ្ចប់ចលនាតស៊ូប្រដាប់អាវុធ»។
សកម្មភាពកន្លងមករបស់ក្រុមឃឺដ ដែលចាត់តាំងជាអង្គការភេរវករដោយតួកគី និងសម្ព័ន្ធមិត្តលោកខាងលិច បានឆក់យកជីវិតមនុស្សអស់ចំនួនជាង ៤០ ០០០នាក់ ចាប់តាំងពីការបង្កើតឡើងក្នុងឆ្នាំ១៩៨៤។ ក្រុមនេះបានអះអាងថា ការតស៊ូប្រដាប់អាវុធរបស់ខ្លួនបានបំពេញបេសកកម្មជាប្រវត្តិសាស្ត្រ ដោយនាំយកបញ្ហារបស់ជនជាតិឃឺដទៅជាដំណោះស្រាយលទ្ធិប្រជាធិបតេយ្យ។
ការរំសាយនេះ គឺជាផ្នែកមួយនៃគំនិតផ្តួចផ្តើមសន្តិភាពថ្មីមួយជាមួយរដ្ឋាភិបាលតួកគី បន្ទាប់ពីបទឈប់បាញ់ជាឯកតោភាគីរបស់ខ្លួនដែលបានប្រកាសកាលពីថ្ងៃទី១ខែមីនា។
រដ្ឋាភិបាលតួកគី បានស្វាគមន៍ចំពោះការសម្រេចចិត្តនេះ ដោយអ្នកនាំពាក្យគណបក្សកាន់អំណាច AK លោក Omer Celik បានហៅវាថាជាជំហានដ៏សំខាន់មួយប្រែក្លាយតួកគីទៅជាប្រទេសដែលគ្មានអំពើភេរវកម្ម៕
ដោយ៖ ឈាង
-
ព័ត៌មានអន្ដរជាតិ៦ ម៉ោង agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
សន្តិសុខសង្គម២ ថ្ងៃ agoចាប់ខ្លួនម្ចាស់ហាង «កាកាសាឡន ក្រោយវាយធ្វើបាប និងគំរាមកាត់ម្រាមដៃជើង លើស្រ្តីមេម៉ាយបម្រើក្នុងផ្ទះ
-
កីឡា៨ ម៉ោង agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
កីឡា១ សប្តាហ៍ agoក្រុមជម្រើសជាតិកម្ពុជា មានស្ថិតិល្អការប្រកួត ASEAN Championship នៅស្តាតមរតកតេជោ
-
ព័ត៌មានអន្ដរជាតិ១ ថ្ងៃ agoផ្ទុះផង បាញ់ផង ដុតផង! ភាគខាងត្បូងថៃ កំពុងចលាចល និង វឹកវរខ្លាំង
-
ព័ត៌មានអន្ដរជាតិ១ សប្តាហ៍ agoពូទីន ចង់យកកិច្ចព្រមព្រៀងចាស់ និងតថភាពជាក់ស្ដែងលើសមរភូមិ ទៅចរចាសន្តិភាពជាមួយអ៊ុយក្រែន
-
កីឡា១ សប្តាហ៍ agoចប់សន្សំពិន្ទុជុំទី២ World Cup 2026 រកឃើញ ៧ ក្រុមឡើងវគ្គ ៣២ ក្រុមចុងក្រោយ
-
ព័ត៌មានអន្ដរជាតិ៤ ថ្ងៃ agoតុលាការកូរ៉េខាងត្បូង ផ្ដន្ទាទោសអតីតជំទាវទីមួយ Kim Keon Hee ជាប់ពន្ធនាគារ ៧ឆ្នាំ ពីបទទទួលសំណូក