ព័ត៌មានអន្ដរជាតិ

យោធាមីយ៉ាន់ម៉ាប្រើអាវុធធុនធ្ងន់បង្ក្រាបអ្នកតវ៉ា បង្កើនអ្នកស្លាប់ជាង៥០០នាក់

បានផុស

៥ years មុន

នៅ

ថ្ងៃអង្គារ ៣០ មីនា ២០២១

ដោយ

អ្នកតវ៉ាមីយ៉ាន់ម៉ាបាននាំគ្នាដុតទៀនបំភ្លឺពេលយប់ដើម្បីជាការប្រុងប្រយ័ត្ន បន្ទាប់ពីមនុស្សជាង៥០០នាក់ត្រូវបានសម្លាប់ចាប់តាំងពីរដ្ឋប្រហារ១កុម្ភៈមក ខណៈថ្ងៃអង្គារនេះអ្នកតវ៉ាបានចាប់ផ្តើមយុទ្ធនាការណ៍ប្រឆាំងថ្មីមួយទៀតដោយចោលសំរាម និងវត្ថុផ្សេងៗនៅលើដងផ្លូវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនស៊ីវិល១៤នាក់ត្រូវបានសម្លាប់កាលពីថ្ងៃចន្ទ ម្សិលមិញ។ នេះបើតាមសមាគមជំនួយសម្រាប់អ្នកទោសនយោបាយ (AAPP) បាននិយាយ ហើយយ៉ាងហោចណាស់មាន៨នាក់ត្រូវបានសម្លាប់នៅខណ្ឌ South Dagon ក្នុងទីក្រុងយ៉ាំងហ្គោន។

សាក្សីបាននិយាយថា កម្លាំងសន្តិសុខនៅក្នុងតំបន់បានបាញ់អាវុធធុនធ្ងន់ជាងធម្មតាកាលពីថ្ងៃចន្ទដើម្បីទម្លាយរបាំងនៅលើដងផ្លូវ។ តែមិនទាន់ច្បាស់ភ្លាមទេថា តើជាប្រភេទអាវុធអ្វី។

ទូរទស្សន៍រដ្ឋមីយ៉ាន់ម៉ាបាននិយាយថា កម្លាំងសន្តិសុខបានប្រើអាវុធបង្ក្រាបកូដកម្មដើម្បីបំបែកហ្វូងមនុស្សដែលមានហិង្សា ក្នុងគោលបំណងបើកទម្លាយផ្លូវ និងមនុស្សម្នាក់បានរបួស។

អ្នកស្រុកនៅ South Dagon ម្នាក់បាននិយាយនៅថ្ងៃអង្គារនេះថា ការផ្ទុះអាវុធជាច្រើននៅពេលយប់ជ្រៅដែលធ្វើឲ្យមានការព្រួយបារម្ភមនុស្សស្លាប់ច្រើន។