ព័ត៌មានអន្ដរជាតិ

លោក ត្រាំ ត្អូញត្អែរថា អាមេរិកមានថ្ងៃឈប់ច្រើនពេក ខាតលុយរាប់ពាន់លានដុល្លារ

បានផុស

២ ម៉ោង មុន

នៅ

ថ្ងៃសុក្រ ២០ មិថុនា ២០២៥

ដោយ

Chheang

«សហរដ្ឋអាមេរិក មានថ្ងៃឈប់សម្រាកច្រើនពេកហើយ»។ នេះគឺជាប្រសាសន៍របស់មេដឹកនាំអាមេរិក ដូណាល់ ត្រាំ ដែលបានសម្ដែងការមិនពេញចិត្តចំពោះថ្ងៃឈប់សម្រាកច្រើន និងចាត់ទុកថាវាជាការខ្ជះខ្ជាយលុយអស់រាប់ពាន់លានដុល្លារឯណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅលើបណ្ដាញសង្គម Truth Social កាលពីថ្ងៃទី១៩ខែមិថុនា លោក ត្រាំ បានប្រកែកថា ថ្ងៃឈប់សម្រាកច្រើនបែបនេះ «កំពុងធ្វើឲ្យប្រទេសរបស់យើងខាតបង់រាប់ពាន់លានដុល្លារ» ហើយឆាប់ៗនេះរាល់ថ្ងៃធ្វើការនឹងក្លាយជាថ្ងៃឈប់សម្រាក។ លោកបន្ថែមថា «យើងត្រូវតែផ្លាស់ប្តូរប្រសិនបើយើងចង់ធ្វើឲ្យអាមេរិកអស្ចារ្យម្តងទៀត»។

សូមបញ្ជាក់ថា សារនេះ ត្រូវបានបង្ហោះនៅចំថ្ងៃ«Juneteenth» ដែលជាបុណ្យជាតិអបអរសាទរការរំដោះប្រជាជនស្បែកខ្មៅចេញពីវណ្ណៈទាសករនៅសហរដ្ឋអាមេរិកកាលពីឆ្នាំ១៨៦៥។ ថ្ងៃបុណ្យ«Juneteenth» ត្រូវបានទទួលស្គាល់ថាជាថ្ងៃឈប់សម្រាកជាតិ ដោយរដ្ឋបាលអតីតប្រធានាធិបតី ចូ បៃដិន ក្នុងឆ្នាំ២០២១។

សហរដ្ឋអាមេរិក មានថ្ងៃបុណ្យជាតិសរុបចំនួន ១១ថ្ងៃ ជាថ្ងៃដែលនិយោជិតត្រូវបានផ្តល់ថ្ងៃឈប់សម្រាកដែលមានប្រាក់ខែ៕

ដោយ៖ ឈាង