ព័ត៌មានអន្ដរជាតិ

ស្លាប់អ្នកកាសែត Al Jazeera ៥នាក់នៅហ្គាហ្សា ហើយម្នាក់ត្រូវចោទថាជាបក្ខពួកក្រុមហាម៉ាស

បានផុស

១០ ខែ មុន

នៅ

ថ្ងៃចន្ទ ១១ សីហា ២០២៥

ដោយ

Chheang

ការវាយប្រហារតាមអាកាសរបស់អ៊ីស្រាអែលកាលពីថ្ងៃអាទិត្យទី១០ខែសីហាឆ្នាំ២០២៥ បានសម្លាប់អ្នកកាសែត Al Jazeera ចំនួន៥នាក់នៅជិតមន្ទីរពេទ្យ al-Shifa ក្នុងទីក្រុងហ្គាហ្សា ដោយក្នុងនោះមានអ្នករាយការណ៍ព័ត៌មានម្នាក់ឈ្មោះ Anas Al Sharif ដែលត្រូវអ៊ីស្រាអែលចោទប្រកាន់ថាមានទំនាក់ទំនងជាមួយក្រុមសកម្មប្រយុទ្ធហាម៉ាស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការវាយប្រហារបានកំណត់គោលដៅលើតង់មួយកន្លែងនៅខាងក្រៅមន្ទីរពេទ្យ ដែលបានបណ្តាលឲ្យមនុស្សស្លាប់សរុបចំនួន៧នាក់។

យោធាអ៊ីស្រាអែលបានទទួលស្គាល់ថាបានកំណត់គោលដៅលើក្រុមរបស់លោក Al Sharif ប្រាកដមែន ដោយអះអាងថា អ្នកយកព័ត៌មាន Al Jazeera រូបនេះបានដឹកនាំក្រុមហាម៉ាសវាយប្រហារដោយគ្រាប់រ៉ុកកែតលើជនស៊ីវិល និងទាហានអ៊ីស្រាអែល។ យោធាអ៊ីស្រាអែល បាននិយាយនៅក្នុងសេចក្តីថ្លែងការណ៍មួយថា «Anas Al Sharif បានបម្រើការជាប្រធានភ្នាក់ងារភេរវករនៅក្នុងក្រុមហាម៉ាស និងបានចូលរួមនៅក្នុងការរៀបចំការវាយប្រហារដោយគ្រាប់រ៉ុកកែត»។

Al Jazeera បានកំណត់អត្តសញ្ញាណជនរងគ្រោះផ្សេងទៀតមានដូចជា Mohammed Qreiqeh, Ibrahim Zaher, Mohammed Noufal, Moamen Aliwa និង Mohammed Noufal ទាំងអស់សុទ្ធតែត្រូវបានសម្លាប់នៅក្នុងការវាយប្រហារតែមួយ។

នៅមុនការវាយប្រហារ លោក Al Sharif បានបង្ហោះនៅលើបណ្ដាញសង្គម X អំពីការបង្កើនការទម្លាក់គ្រាប់បែករបស់អ៊ីស្រាអែលនៅក្នុងទីក្រុងហ្គាហ្សា។ វីដេអូចុងក្រោយរបស់គាត់ បានចាប់យករូបភាពនៃការបំផ្ទុះឥតឈប់ឈរទាំងយប់របស់អ៊ីស្រាអែល អមជាមួយឃ្លាថា «ការទម្លាក់គ្រាប់បែកមិនឈប់រយៈពេលពីរម៉ោងកន្លងមកនេះ—ការឈ្លានពានរបស់អ៊ីស្រាអែលលើទីក្រុងហ្គាហ្សាបានកើនឡើងខ្លាំងហើយ»។

ការសម្លាប់នេះ បានទាក់ទាញការថ្កោលទោសយ៉ាងខ្លាំងពីអ្នកតស៊ូមតិសេរីភាពសារព័ត៌មាន។ ក្រុមអ្នកកាសែតប៉ាឡេស្ទីន បានហៅវាថាជាការបំផ្លិចបំផ្លាញដល់សេរីភាពសារព័ត៌មាន ខណៈដែលគណៈកម្មាធិការការពារអ្នកសារព័ត៌មាន (CPJ) ធ្លាប់បានព្រមានពីការគំរាមកំហែងដល់សុវត្ថិភាពរបស់លោក Al Sharif។

អ្នករាយការណ៍ពិសេសរបស់អង្គការសហប្រជាជាតិ លោកស្រី Irene Khan កាលពីខែមុនធ្លាប់បានច្រានចោលការចោទប្រកាន់របស់អ៊ីស្រាអែលប្រឆាំងនឹងលោក Al Sharif ថា«មិនមានភស្តុតាង»។

សូមបញ្ជាក់ថា ចាប់តាំងពីសង្គ្រាមបានចាប់ផ្តើមនៅខែតុលាឆ្នាំ២០២៣ អ៊ីស្រាអែលជារឿយៗបានចោទប្រកាន់អ្នកកាសែតប៉ាឡេស្ទីនម្តងហើយម្តងទៀតអំពីទំនាក់ទំនងជាមួយក្រុមហាម៉ាស ខណៈតួលេខសរុបនៃអ្នកកាសែតដែលបាត់បង់ជីវិតនៅហ្គាហ្សា ហក់ឡើងដល់ ២៣៧នាក់៕

ដោយ៖ ឈាង

ចុចអាន៖ ណេតាន់យ៉ាហ៊ូ រងការរិះគន់ជុំទិសនៅក្រុមប្រឹក្សាសន្តិសុខ UN អំពីផែនការវាយយកហ្គាហ្សា

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា