ព័ត៌មានអន្ដរជាតិ
អូស្ត្រាលី នឹងទទួលស្គាល់រដ្ឋប៉ាឡេស្ទីននៅខែកញ្ញា ដូចអង់គ្លេស បារាំង និងកាណាដា
នៅឯមហាសន្និបាតអង្គការសហប្រជាជាតិក្នុងខែកញ្ញាខាងមុខ រដ្ឋាភិបាលអូស្ត្រាលីនឹងប្រកាសទទួលស្គាល់រដ្ឋប៉ាឡេស្ទីនជាផ្លូវការ។ នេះបើយោងតាមការបញ្ជាក់ពីលោកនាយករដ្ឋមន្ត្រី Anthony Albanese នៅថ្ងៃចន្ទទី១១ខែសីហាឆ្នាំ២០២៥។
ការប្រកាសនេះ ធ្វើឡើងដូចគ្នាទៅនឹងការសម្រេចចិត្តរបស់ចក្រភពអង់គ្លេស បារាំង និងកាណាដា ដើម្បីគាំទ្ររដ្ឋប៉ាឡេស្ទីន និងដំណោះស្រាយរដ្ឋពីរនៅក្នុងសង្គ្រាមជាមួយអ៊ីស្រាអែល។
លោក Albanese បានលើកឡើងថា ការសម្រេចចិត្តនេះ ធ្វើឡើងតាម«ការប្តេជ្ញាចិត្តរបស់អាជ្ញាធរប៉ាឡេស្ទីន» ដែលថា ក្រុមហាម៉ាសនឹងមិនមានតួនាទីនៅក្នុងរដ្ឋប៉ាឡេស្ទីននាពេលអនាគតនោះទេ។ លោកបានបន្ថែមថា «ដំណោះស្រាយរដ្ឋពីរ គឺជាក្តីសង្ឃឹមដ៏ល្អបំផុតរបស់មនុស្សជាតិ ក្នុងការបំបែកវដ្តនៃអំពើហិង្សានៅមជ្ឈិមបូព៌ា និងបញ្ចប់ការរងទុក្ខវេទនា និងការស្រេកឃ្លាននៅហ្គាហ្សា»។
អាជ្ញាធរប៉ាឡេស្ទីន ដែលគ្រប់គ្រងផ្នែកខ្លះនៃតំបន់ West Bank បានស្វាគមន៍ការគាំទ្ររបស់អន្តរជាតិនេះ ដោយថា វាជាព័ស្តុតាងនៃ «ការបង្កើនការគាំទ្រជាសកលសម្រាប់រដ្ឋប៉ាឡេស្ទីន»។
លោក Albanese បាននិយាយថា លោកបានពិគ្រោះជាមួយមេដឹកនាំមកពីចក្រភពអង់គ្លេស បារាំង នូវែលសេឡង់ និងជប៉ុន មុនពេលបញ្ចប់ការសម្រេចចិត្តនេះ។ ចំណាត់ការនេះ បង្ហាញពីការផ្លាស់ប្តូរជំហរការទូតកាន់តែទូលំទូលាយ ក្នុងចំណោមប្រទេសលោកខាងលិចឆ្ពោះទៅរកការគាបសង្កត់អ៊ីស្រាអែល ឲ្យទទួលយកកិច្ចព្រមព្រៀងសន្តិភាព។
សេចក្តីប្រកាសនេះ បានទាញប្រតិកម្មភ្លាមៗពីអ៊ីស្រាអែល ដែលហៅការទទួលស្គាល់ថាជា «រង្វាន់សម្រាប់អំពើភេរវកម្ម» បន្ទាប់ពីការវាយប្រហារថ្ងៃទី៧ខែតុលាឆ្នាំ២០២៣ របស់ក្រុមហាម៉ាស ដែលបានសម្លាប់ជនជាតិអ៊ីស្រាអែលចំនួន ១ ២០០នាក់ និងចាប់ខ្លួនមនុស្ស ២៥១នាក់ធ្វើជាចំណាប់ខ្មាំង។
យោងតាមក្រសួងសុខាភិបាលដែលគ្រប់គ្រងដោយក្រុមហាម៉ាស យុទ្ធនាការយោធាដែលកំពុងបន្តរបស់អ៊ីស្រាអែលនៅហ្គាហ្សាចាប់តាំងពីពេលនោះមក បានសម្លាប់ជនជាតិប៉ាឡេស្ទីនជាង ៦១ ០០០នាក់ ក្នុងនោះមាន ២១៧នាក់បាត់បង់ជីវិតដោយសារការស្រេកឃ្លាន ខណៈដែលស្ថានភាពទុរ្ភិក្សកាន់តែអាក្រក់ទៅៗ៕
ដោយ៖ ឈាង
ចុចអាន៖ ណេតាន់យ៉ាហ៊ូ រងការរិះគន់ជុំទិសនៅក្រុមប្រឹក្សាសន្តិសុខ UN អំពីផែនការវាយយកហ្គាហ្សា
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៧ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម