ព័ត៌មានអន្ដរជាតិ
ការវាយប្រហាររុស្ស៊ីលើក្រុងកៀវ សម្លាប់មនុស្ស២៣នាក់ ធ្វើឲ្យខូចខាតដល់ការិយាល័យ EU និងអង់គ្លេស
មីស៊ីល និងយន្តហោះគ្មានមនុស្សបើករបស់រុស្ស៊ី បានវាយប្រហាររដ្ឋធានីអ៊ុយក្រែនកាលពីថ្ងៃទី២៨ខែសីហា ដោយបានសម្លាប់មនុស្សយ៉ាងហោចណាស់ ២៣នាក់ ព្រមទាំងធ្វើឲ្យខូចខាតដល់ការិយាល័យបេសកកម្មការទូតរបស់សហភាពអឺរ៉ុប និងចក្រភពអង់គ្លេសនៅទីនោះផងដែរ។
ការវាយប្រហាររយៈពេលជាច្រើនម៉ោងជាប់ៗគ្នា ដែលក្រុមមន្ត្រីអ៊ុយក្រែនពិពណ៌នាថាជាការវាយប្រហារដ៏ធំបំផុតមួយទៅលើទីក្រុងក្នុងរយៈពេលប៉ុន្មានខែថ្មីៗនេះ បានធ្វើឲ្យមនុស្សជាង ៦០នាក់បានរងរបួស និងបណ្តាលឲ្យមានការបំផ្លិចបំផ្លាញនៅគ្រប់សង្កាត់ទាំងអស់នៃរដ្ឋធានីកៀវ។ ប្រតិបត្តិការជួយសង្គ្រោះកំពុងបន្ត ដើម្បីស្វែងរកអ្នកនៅរស់រានមានជីវិតក្នុងគំនរបាក់បែកនៃអគារលំនៅដ្ឋាន និងហេដ្ឋារចនាសម្ព័ន្ធដែលរងការខូចខាត។
នៅក្នុងសេចក្តីថ្លែងការណ៍មួយនៅលើប្រព័ន្ធផ្សព្វផ្សាយសង្គម បេសកជនពិសេសរបស់សហរដ្ឋអាមេរិក លោក Keith Kellogg បានថ្កោលទោសការវាយប្រហារនេះ ដោយកត់សម្គាល់ថា រុស្ស៊ីបានកំណត់គោលដៅ«មិនមែនជាទាហាន និងអាវុធទេ ប៉ុន្តែជាតំបន់លំនៅដ្ឋាន…បំផ្ទុះរថភ្លើងជនស៊ីវិល ការិយាល័យក្រុមប្រឹក្សាបេសកកម្ម EU និងអង់គ្លេស និងជនស៊ីវិលស្លូតត្រង់»។ ទាំងសហភាពអឺរ៉ុប និងអង់គ្លេសបានកោះហៅឯកអគ្គរដ្ឋទូតរុស្ស៊ី ដើម្បីតវ៉ាជាផ្លូវការចំពោះការវាយប្រហារលើទីតាំងការទូតរបស់ពួកគេ។
ប្រធានាធិបតីអ៊ុយក្រែនលោក វ៉ូឡូឌីមៀរ ហ្សេលេនស្គី បានចោទប្រកាន់រុស្ស៊ីថាសុខចិត្តជ្រើសរើសយកគ្រាប់មីស៊ីលជំនួសឲ្យតុចរចា ហើយបានអំពាវនាវឲ្យមានការពង្រឹងការដាក់ទណ្ឌកម្មលើទីក្រុងមូស្គូ។ វិមានក្រឹមឡាំងបានប្រកែកថា ការវាយប្រហាររបស់ខ្លួនកំណត់លើគោលដៅឧស្សាហកម្មយោធាតែប៉ុណ្ណោះ និងបានរំលឹកឡើងវិញនូវការបើកចំហរបស់ខ្លួនក្នុងការចរចា ដែលជាការទាមទារដែលត្រូវបានច្រានចោលដោយទីក្រុងកៀវ៕
ដោយ៖ ឈាង
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត