ព័ត៌មានអន្ដរជាតិ
សាលានៅឥណ្ឌូណេស៊ីបាក់រលំ ស្លាប់សិស្សម្នាក់ និងជាប់ក្រោមអគារ៦៥នាក់
ក្រុមអ្នកជួយសង្គ្រោះកំពុងធ្វើការរំដោះសិស្ស ៦៥នាក់ដែលត្រូវបានគេជឿថាជាប់នៅក្រោមគំនរបាក់បែកនៃអគារដែលដួលរលំនៅសាលា Al Khoziny Islamic Boarding School ក្នុងទីក្រុង Sidoarjo ខេត្តជ្វាខាងកើត ប្រទេសឥណ្ឌូណេស៊ី។
ការបាក់រលំអគារសាលារៀននេះ បានកើតឡើងក្នុងអំឡុងពេលអធិស្ឋាននាពេលរសៀលនៅថ្ងៃទី២៩ខែកញ្ញាឆ្នាំ២០២៥។ សិស្សប្រុសម្នាក់អាយុ១៣ឆ្នាំ ត្រូវបានបញ្ជាក់ថាបានស្លាប់ និង ៩៩នាក់ផ្សេងទៀតបានរងរបួស។ អ្នករបួសខ្លះស្ថិតក្នុងស្ថានភាពធ្ងន់ធ្ងរ។
សិស្ស ៦៥នាក់ដែលជាប់ក្រោមគំនរបែកបាក់ ភាគច្រើនជាក្មេងប្រុសអាយុពី ១២ ទៅ ១៧ឆ្នាំ។ ក្រុមអ្នកជួយសង្គ្រោះបាននិងកំពុងផ្គត់ផ្គង់អុកស៊ីសែន និងទឹកដល់ពួកគេ ដើម្បីរក្សាពួកគេឲ្យនៅមានជីវិត។
អគារដែលជាសាលបន់ស្រន់ចាស់កម្ពស់ពីរជាន់ បានបាក់រលំ ខណៈដែលជាន់ថ្មីចំនួនពីរកំពុងត្រូវបានសាងសង់បន្ថែមដោយគ្មានលិខិតអនុញ្ញាត។ ប៉ូលិសជឿថា គ្រឹះមិនអាចទ្រទ្រង់ទម្ងន់បន្ថែមបានទេ អំឡុងពេលដំណើរការសាងសង់។
អ្នកជួយសង្គ្រោះរាប់រយនាក់ រួមទាំងប៉ូលិស និងទាហានកំពុងស្ថិតនៅកន្លែងកើតហេតុ។ បន្ទះបេតុងដ៏ធ្ងន់ និងរចនាសម្ព័ន្ធដ៏ចាស់ឆ្នាំរបស់អគារ បានធ្វើឲ្យប្រតិបត្តិការស្វែងរក និងជួយសង្គ្រោះមានការលំបាក និងគ្រោះថ្នាក់ខ្លាំង៕
ដោយ៖ ឈាង
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៧ ថ្ងៃ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត