ព័ត៌មានអន្ដរជាតិ

អ៊ុយក្រែនទទួលបាន ២ពាន់លានអឺរ៉ូសម្រាប់ផលិតកម្មដ្រូនពី EU

បានផុស

៨ ខែ មុន

នៅ

ថ្ងៃព្រហស្បតិ៍ ២ តុលា ២០២៥

ដោយ

Chheang

ប្រធានសហភាពអឺរ៉ុប លោកស្រី Ursula von der Leyen បានប្រាប់ឲ្យដឹងថា ពាក់កណ្តាលនៃទឹកប្រាក់ចំនួន ៤ពាន់លានអឺរ៉ូដែលទើបផ្ទេរទៅអ៊ុយក្រែនដោយសហភាពអឺរ៉ុប នឹងត្រូវប្រើប្រាស់នៅក្នុងផលិតកម្មដ្រូន។

លោកស្រី Ursula von der Leyen (រូបថត៖ Reuters)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការចុះផ្សាយរបស់ Politico កាលពីថ្ងៃទី១ខែតុលាឆ្នាំ២០២៥ ថ្លែងនៅមុនកិច្ចប្រជុំកំពូលក្រុមប្រឹក្សាអឺរ៉ុបក្រៅផ្លូវការនៅទីក្រុង Copenhagen លោកស្រី von der Leyen បានសង្កត់ធ្ងន់លើតម្រូវការក្នុងការបង្កើនសមត្ថភាពយោធារបស់ទីក្រុងកៀវ ដោយគូសបញ្ជាក់ទស្សនៈរបស់ប្លុកអំពីអ៊ុយក្រែនថាជា«ខ្សែការពារទីមួយរបស់អឺរ៉ុប»។

លោកស្រីបានលើកឡើងថា «ប្រសិនបើយើងទាំងអស់គ្នាយល់ស្របថា អ៊ុយក្រែនគឺជាខ្សែការពារទីមួយរបស់យើង យើងត្រូវពង្រឹងការគាំទ្រផ្នែកយោធាសម្រាប់អ៊ុយក្រែន។ វាគឺសម្រាប់តែហេតុផលនេះទើបថ្ងៃនេះយើងកំពុងបែងចែក៤ពាន់លានអឺរ៉ូដល់អ៊ុយក្រែន»។

ប្រាក់ដែលផ្ដល់ឲ្យអ៊ុយក្រែននេះ គឺជាផ្នែកមួយនៃកម្មវិធី«ERA (Extraordinary Revenue Acceleration)» សម្រាប់អ៊ុយក្រែនរបស់ក្រុមប្រទេស G7 ដែលប្រើប្រាស់ប្រាក់កម្ចីដែលទាញចេញពីទ្រព្យសម្បត្តិដែលត្រូវបានបង្កករបស់រុស្ស៊ី។ គំនិតផ្តួចផ្តើមនេះ មានគោលបំណងផ្តល់ទឹកប្រាក់រហូតដល់ ៥០ពាន់លានដុល្លារ ដោយមានជិត ២៨ពាន់លានដុល្លារត្រូវបានបញ្ចេញរួចហើយនៅចន្លោះឆ្នាំ២០២៤ និង ២០២៥ ដោយបណ្ដាប្រទេសសហភាពអឺរ៉ុប និង G7៕

ដោយ៖ ឈាង

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា